Петӧм 30:13 - Коми Библия 2023

¹³ Быдӧн, кодӧс лоӧ арталӧма войтырӧс гижалігӧн, мед вайӧ сикель джын вежаинса сикель серти. Ӧти сикельын – кызь гера. Сикель джынйыс – Господьлы вайӧмтор.

Петӧм 30:13 Iomraidhean Croise

Олӧм 23:15

«Ыджыдӧй, кывзы менӧ. Муыслӧн доныс нёльсё сикель эзысь – тэа-меалы мый тайӧ? Дзеб гӧтыртӧ».

Ӧксыяслӧн 4 небӧг 12:4

Йоас шуис попъяслы: «Господьлӧн крамӧ мед ваясны вежа сетанторъяс: ас пондаыс вештысян дон, Господьлы сиӧм мортысь вештысян дон да ас кӧсйӧм серти ваян сьӧм.

Ӧксыяслӧн 4 небӧг 12:5

Босьтӧй аслыныд тайӧ сетанторъяссӧ крамӧ локтысьяслысь да дзоньталӧй крамсӧ».

Петӧм 30:14

Быдӧн, кодӧс лоӧ арталӧма войтырӧс гижалігӧн – кызь арӧса да ыджыдджык арлыда айулов – мед ас пондаыс вайӧ тайӧ козинсӧ Господьлы.

Петӧм 38:24

Вежаин да сэтчӧ став коланаторсӧ вӧчӧм вылӧ зарниыс муніс кызь ӧкмыс талант да сизимсё комын сикель вежаинса сикель серти. Тайӧ зарнисӧ вӧлі вайӧма Господьлы козин пыдди.

Петӧм 38:26

Кызь арӧса да ыджыдджык арлыда айуловысь, кодъясӧс вӧлі арталӧма-гижалӧма, быдӧн мынтіс сикель джын вежаинса сикель серти. Налӧн лыдыс вӧлі квайтсё куим сюрс витсё ветымын морт.

Езекиль 45:12

Сикельлӧн сьӧктаыс мед лоӧ кызь гера, а квайтымын сикель мед лоӧ ӧти мина.

Левит 27:25

Став донсӧ колӧ артавны вежаинса сикель серти. Ӧти сикельын – кызь гера.

Левит 27:3

донсӧ инды тадзи: кызь арӧссянь квайтымын арӧсӧдз айловысь вештысян доныс мед лоӧ ветымын сикель эзысь вежаинса сикель серти,

Левит 5:15

«Коді тӧдлытӧг Господьлӧн вежаторлы паныд мыж вӧчас, сійӧ лоӧ мыжа. Та вӧсна мед ваяс Господьлы мыж вештан вись пыдди аслас ыж чукӧрысь дзоньвидза межӧс. Мыж вештан висьлысь донсӧ тэныд колӧ индыны эзысьӧн вежаинса сикель серти.

Лыд 18:16

Медводдза чужысь пи кагаӧс, кор сылы тырас тӧлысь, колӧ бӧр ньӧбны индӧм донысь. Босьт сыысь вит сикель эзысь вежаинса сикель серти. Ӧти сикельын – кызь гера.

Лыд 3:47

быдӧнысь – вит сикель эзысь вежаинса сикель серти. Ӧти сикельын – кызь гера.

Лыд 7:67

Сійӧ вайис козин пыдди эзысь тасьті да эзысь дозмук. Вежаинса сикель серти тасьтілӧн сьӧктаыс вӧлі сё комын сикель, дозмуклӧн – сизимдас сикель. Тасьті да дозмук тырыс вӧлі олив выйӧн гудралӧм шобді пызь, мый сійӧ вайис нянь вись пыдди.

Лыд 7:86

Чӧскыд дука тшынӧдчантор тыра зарни кӧшыс вӧлі дас кык. Вежаинса сикель серти быд зарни кӧшлӧн сьӧктаыс вӧлі дас сикель, ставнас – сё кызь сикель.

Матвей 17:24

Исус велӧдчысьясыскӧд локтіс Капернаум карӧ. Сэні Петыр дінӧ матыстчисны крамлы вот чукӧртысьяс да юалісны: «Мынтӧ-ӧ тіян Велӧдысьныд вотсӧ?»

Матвей 21:12

Исус пырис Енлӧн крамӧ да вӧтлаліс сэтысь став вузасьысь-ньӧбасьысьсӧ, пӧрлӧдліс сьӧм вежысьяслысь пызанъяссӧ да гулюӧн вузасьысьяслысь пуклӧсъяссӧ.

Матвей 27:24

Пилат аддзис: йӧзыс оз лӧньны, мӧдарӧ, ёнджыка на шызьӧны. Сэки налӧн син водзын Пилат мыськис кисӧ да шуис: «Ме абу мыжа тайӧ веськыда олысь мортсӧ виӧмысь. Видзӧдӧй асьныд».