Петӧм 3:18 - Коми Библия 2023

¹⁸ Израильса юрнуӧдысьяс кывзасны тэнӧ да мунасны тэкӧд [фараон дінӧ]. Кор локтанныд египетса ӧксы дінӧ, шуӧй сылы: ”Господь, еврейяслӧн Ен, корис миянӧс. Лэдз миянӧс овтӧминӧ куим лун мунан ылнаӧ. Сэні ми вись ваям Господьлы, асланым Енлы”.

Петӧм 3:18 Iomraidhean Croise

Олӧм 12:1

Господь шуис Ӧврамлы: «Коль ассьыд мутӧ, рӧдвужтӧ да бать керкатӧ. Ме инда тэныд му – сэтчӧ мун.

Олӧм 14:13

Пышйӧмаяс пӧвстысь ӧти морт локтіс еврей Ӧврам дінӧ. Ӧврам сэки оліс Мамре нима аморейлӧн тупу раскын. Мамре вӧлі Эшколлӧн да Анерлӧн вокыс. Найӧ вӧлі кӧрталӧмаӧсь йитӧд Ӧврамкӧд.

Олӧм 15:1

Тайӧ лоӧмторъясыс бӧрын Ӧврамлы петкӧдчис Господь да шуис: «Эн пов, Ӧврам, Ме – тэнад сайӧдыд. Тэныд вичмас ыджыд тырдон».

Олӧм 17:1

Ӧврамлы вӧлі ӧкмысдас ӧкмыс арӧс, кор Господь петкӧдчис сылы да шуис: «Ме – Ставсӧвермысь Ен, ов Ме водзын сӧстӧма.

Олӧм 48:3

Яков шуис Ӧсиплы: «Ставсӧвермысь Ен петкӧдчис меным Ханаанса Лузын да бурсиис менӧ.

2 Каднебӧг 30:12

Иуда войтыр вылын вӧлі Енлӧн киыс. Сійӧ сетіс налы ӧти сьӧлӧм, медым найӧ вӧчисны сійӧ, мый ӧксы да юралысьяс Господьлӧн кыв серти тшӧктісны вӧчны.

Псалтыр 110:3

Сылӧн уджъясыс ошканаӧсь да мичаӧсь, Сылӧн веськыдлуныс олӧ нэмъяс чӧж,

Петӧм 10:3

Мӧисей Ааронкӧд локтісны фараон дінӧ да шуисны сылы: «Господь, еврейяслӧн Ен, тадзи висьталӧ: ”Дыр-ӧ на тэ он раммӧдчы Ме водзын? Лэдз Менсьым войтырӧс, медым найӧ юрбитасны Меным.

Петӧм 17:5

Господь шуис Мӧисейлы: «Мун войтырыд водзын, тэкӧд мед мунасны некымын израильса юрнуӧдысь. Киад босьт бедьтӧ, мыйӧн тэ вачкин Нил ю ва веркӧсӧ.

Петӧм 19:1

Египет муысь петӧм бӧрын коймӧд тӧлысьлӧн медводдза лунӧ Израиль пиян Рефидимысь мунӧм бӧрын воисны Синай овтӧминӧ. Найӧ паськӧдчисны чомъяснас керӧс бокӧ.

Петӧм 25:22

Йитӧд кудлӧн вевт вывтсянь, куд вылын сулалысь кык херувим костысь, Ме кута шыасьны тэ дінӧ, кута сетны Израиль пиянлы тшӧктӧмъяс тэ пыр».

Петӧм 3:12

Ен шуис: «Ме лоа тэкӧд. Со тэныд пас, мый Ме мӧдӧді тэнӧ. Кор тэ петкӧдан Менсьым войтырӧс Египетысь, ті юрбитанныд Енлы тайӧ керӧс вылас».

Петӧм 3:16

Мун, чукӧрт Израиль войтырлысь юрнуӧдысьяссӧ да шу налы, мый Господь, налӧн батьяслӧн Ен, Ӧвраамлӧн, Исааклӧн да Яковлӧн Ен, петкӧдчис тэныд да висьталіс: ”Ме видзӧді тіян бӧрся да аддзи, кыдзи ті оланныд Египетын.

Петӧм 30:36

Торйӧд сэтысь мыйтакӧ, нирт сійӧс да пукты вежа чомйӧ Йитӧд куд водзӧ. Вежа чомсянь Ме кута шыасьны тэ дінӧ. Тайӧ тшынӧдчанторйыс лоӧ тіянлы вежасьыс-вежа.

Петӧм 30:6

Висьпуктанінсӧ сувтӧд Вежаинӧ ӧшӧдан дӧра водзӧ, а дӧра саяс лоӧ Йитӧд куд. Йитӧд кудлӧн вевт вывсянь Ме кута шыасьны тэ дінӧ.

Петӧм 4:1

Но Мӧисей вочавидзис: «Оз кӧ эскыны, оз кывзыны менӧ, а шуасны, эз пӧ петкӧдчыв тэныд Господь? [Сэки мый ме шуа налы?]»

Петӧм 4:23

Тшӧкта тэныд: лэдз Менсьым пиӧс юрбитны Меным. А он кӧ лэдз, Ме виа тэнсьыд медводдза чужысь питӧ».

Петӧм 4:24

Войнас, кор Мӧисей аслас котырыскӧд туйын шойччис, Господь локтіс Мӧисей дінӧ да кӧсйис вины сійӧс.

Петӧм 4:31

Войтырыс эскис. Кор найӧ кылісны, мый Господь волӧма Израиль войтыр дінӧ да аддзӧма налысь сьӧкыдалӧмсӧ, муӧдзыс копыртчӧмӧн юрбитісны Господьлы.

Петӧм 5:1

Мӧисей да Аарон локтісны фараон дінӧ да шуисны сылы: «Господь, Израильлӧн Ен, тадзи висьталӧ: ”Лэдз Менсьым войтырӧс мунны овтӧминӧ, медым найӧ пасъясны Меным сиӧм гаж”».

Петӧм 5:3

Найӧ шуисны сылы: «Еврейяслӧн Ен корис миянӧс. Лэдз миянӧс овтӧминӧ куим лун мунан ылнаӧ. Сэні ми вись ваям Господьлы, асланым Енлы, медым Сійӧ эз бырӧд миянӧс пӧрӧс висьӧмӧн либӧ шыпуртӧн».

Петӧм 7:16

да шу фараонлы: Господь, еврейяслӧн Ен, мӧдӧдіс менӧ висьтавны тэныд, мед тэ лэдзан Сылысь войтырсӧ овтӧминӧ юрбитны Сылы. Тэ эн кывзысь,

Петӧм 8:1

Господь шуис Мӧисейлы: «Мун фараон дінӧ да висьтав сылы, мый Господь тадзи висьталӧ: лэдз Менсьым войтырӧс, медым найӧ юрбитасны Меным.

Петӧм 8:20

Господь шуис Мӧисейлы: «Аски чеччы водз да мун ю дорӧ. Сэні фараонкӧд паныдасигӧн шу сылы, мый Господь тадзи висьталӧ: лэдз Менсьым войтырӧс, медым [овтӧминын] найӧ юрбитасны Меным.

Петӧм 8:23

Ме торйӧда Ассьым войтырӧс тэнад войтырысь. Аски лоас тайӧ индысьпасыс [му вылын]».

Петӧм 9:1

Господь шуис Мӧисейлы: «Мун фараон дінӧ да висьтав сылы, мый Господь, еврейяслӧн Ен, тадзи висьталӧ: лэдз Менсьым войтырӧс, медым найӧ юрбитасны Меным.

Петӧм 9:13

Господь шуис Мӧисейлы: «Аски чеччы водз, мун фараон дінӧ да висьтав сылы, мый Господь, еврейяслӧн Ен, тадзи висьталӧ: лэдз Менсьым войтырӧс, медым найӧ юрбитасны Меным.

Исай 64:5

Тэ бур сьӧлӧмӧн воча петан сылы, коді нимкодьпырысь веськыда вӧчӧ, коді восьлалӧ Тэнад туйӧд да казьтывлӧ Тэ йылысь. Но Тэ скӧрмин миян вылӧ, ӧд ми важысянь нин мыжсӧ вӧчам. Сідзкӧ, мездмам-ӧ ми?

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Еремей 2:6

Найӧ эз корсьны Господьӧс, коді петкӧдіс миянӧс Египетысь, нуӧдіс миянӧс овтӧминӧд, куш да гурана муӧд, кос да сап пемыд муӧд, муӧд, кыті некод эз ветлы, кӧні морт эз овлы.

Еремей 26:5

да онӧ кутӧй кывзыны Меным кесъялысь пророкъяслысь кывъяссӧ, сэки тайӧ крамыскӧд Ме вӧча Силом каркӧд моз, а тайӧ карыслысь нимсӧ Ме вӧча ёран кывйӧн мувывса войтыръяслы. Ӧд Ме выльысь и выльысь ыстылі пророкъясӧс тіян дінӧ, но ті энӧ кывзӧй найӧс».

Лыд 17:4

Бедьяссӧ пукты вежа чомйӧ Йитӧд куд водзӧ. Сэтысянь Ме кута шыасьны тіян дінӧ.

Нав Исус 1:17

Ми кутам кывзысьны тэнсьыд, кыдзи кывзысим Мӧисейлысь. Сӧмын мед Господь, тэнад Енмыд, лоас тэкӧд, кыдзи Сійӧ вӧлі Мӧисейкӧд.