Петӧм 29:40 - Коми Библия 2023

⁴⁰ Ӧти баляыскӧд вай пычкӧм олив выйӧн гудралӧм шобді пызь. Пызьыс мед вӧлі ефалӧн дасӧд юкӧныс, а выйыс мед вӧлі гинлӧн нёльӧд пайыс. Кисьтан вись пыдди вай вина – гинлысь нёльӧд пайсӧ.

Петӧм 29:40 Iomraidhean Croise

Олӧм 35:14

Яков сувтӧдіс сэтчӧ из, кисьтіс из вылас вина вись да олив вый.

Ӧксыяслӧн 4 небӧг 3:20

Мӧд асывнас, нянь вись ваян кадӧ, Эдомсянь став ковтыс пасьтала пондіс визувтны ва.

Петӧм 16:36

Омер вӧлі ефалӧн дасӧд юкӧныс.

Петӧм 29:39

Ӧти балясӧ вай асывнас, мӧдсӧ – рытнас.

Петӧм 29:41

Мӧд балясӧ вай рытнас нянь виськӧд да вина виськӧд асъя мозыс жӧ. Вай сійӧс Господьлы чӧскыда ӧвтан вись пыдди.

Петӧм 30:24

витсё сикель кассия, – ставсӧ вежаинса сикель серти – да гин мында олив вый.

Исай 57:6

Шорбокса шыльыд изъяс – тэнад олӧмыдлӧн пайыс да шудыс. Тэ кисьтан на вылӧ вина вись, вись пыдди ваян налы нянь. Менам сьӧлӧмӧй ӧмӧй лэптас тайӧс?

Езекиль 20:28

Ме вайӧді найӧс муӧ, мый киӧс лэптӧмӧн кӧсйыси сетны налы. Но быдлаын, кӧні аддзисны джуджыд мыльк либӧ пашкыр пу, найӧ кутісны вайны висьяснысӧ да вайӧмторъяснысӧ. Тайӧн найӧ скӧрмӧдісны Менӧ. Найӧ тшынӧдлісны сэні чӧскыд ӧвтанторъяснысӧ да кисьтавлісны вина висьнысӧ.

Езекиль 4:11

Ватӧ тшӧтш муртав да урчитӧм кадӧ ю гинлысь квайтӧд пайсӧ.

Езекиль 45:17

Ӧд Израиль войтырлӧн вежа гажӧдчан лунъяс дырйи, выль тӧлысь чужигӧн да шойччан лунъяс дырйи ӧксы кывкутӧ сотан вись, нянь вись да вина вись вайӧм вӧсна. Сійӧ мед ваяс мыжысь вись да нянь вись, сотан да бурасян висьяс, медым вештыны Израиль войтырлысь мыжсӧ».

Езекиль 45:24

Быд ӧшкӧд да быд межкӧд мед вайӧ нянь вись пыдди ефа мында пызь да гин мында олив вый.

Езекиль 46:11

Гажӧдчан лунъяс дырйи ӧксы мед вайӧ нянь вись пыдди ефа мында пызь быд ӧшкӧд да быд межкӧд, а быд баляпикӧд мед вайӧ пызьсӧ сы мында, мыйта кӧсйӧ. Ефа мында пызькӧд колӧ вайны гин мында олив вый.

Езекиль 46:14

Быд асыв балякӧд ӧтлаын нянь вись пыдди вайӧй Господьлы шобді пызь – ефалысь квайтӧд юкӧнсӧ, да олив вый – гинлысь коймӧд пайсӧ, медым гудравны сыӧн шобді пызьсӧ. Тайӧ тшӧктӧмсӧ лӧсьӧдӧма нэмъяс кежлӧ.

Езекиль 46:5

Нянь вись пыдди ӧксы мед вайӧ ефа мында пызь межкӧд, а быд баляпикӧд мед вайӧ пызьсӧ сы мында, мыйта кӧсйӧ. Ефа мында пызькӧд колӧ вайны гин мында олив вый.

Езекиль 46:7

Нянь вись пыдди ӧксы мед вайӧ ефа мында пызь ӧшкӧд да ефа мында пызь межкӧд, а быд баляпикӧд мед вайӧ пызьсӧ сы мында, мыйта кӧсйӧ. Ефа мында пызькӧд колӧ вайны гин мында олив вый.

Осий 9:4

Найӧ оз пондыны вайны Господьлы вина вись, налӧн висьясыс Господьлы оз лоны шогманаӧсь, а ваясны налы кулӧм да пежаласны сёйысьясӧс. Висьяссӧ найӧ асьныс кутасны сёйны, Господьлӧн керкаӧ оз вайны.

Йоиль 1:13

Попъяс, пасьталӧй шогалан паськӧм да бӧрдӧй, ырзӧмӧн бӧрдӧй, висьпуктанін дорын кесъялысьяс! Пырӧй крамӧ, менам Енлы кесъялысьяс, весиг войнас энӧ пӧрччӧй шогалан паськӧмнытӧ, ӧд тіян Енлӧн крамӧ оз нин вайны нянь вись да вина вись.

Йоиль 1:9

Господьлӧн крамӧ оз нин вайны нянь вись ни вина вись. Попъяс – Господьлӧн кесъялысьяс – ыджыд шогынӧсь.

Йоиль 2:14

Гашкӧ, Сійӧ вештас скӧрлунсӧ да бурсиас, сэки ті бара верманныд вайны Господьлы, асланыд Енлы, нянь вись да вина вись.

Левит 23:13

Сыкӧд тшӧтш нянь вись пыдди вайӧй олив выйӧн гудралӧм шобді пызь – ефа мында пызьсӧ юкӧй дас пельӧ и сэтысь вайӧй кыксӧ. Тайӧ лоӧ Господьлы чӧскыда ӧвтан вись. Кисьтан вись пыдди вайӧй вина – гинлысь нёльӧд пайсӧ.

Левит 6:13

Висьпуктанінса биыс мед куслытӧг ӧзъялас».

Лыд 15:24

и войтырыс та вӧсна тӧдлытӧг мыжмас, сэки войтырыс мед ваяс [дзоньвидза] ӧшкӧс Господьлы чӧскыда ӧвтысь сотан вись пыдди. Ӧшкӧд мед ваяс нянь вись да вина вись тшӧктӧм серти. Нӧшта мыжысь вись пыдди мед ваяс ай кӧзаӧс.

Лыд 15:7

Нӧшта кисьтан вись пыдди вайӧй вина – гинлысь коймӧд пайсӧ. Став тайӧ вайӧмторйыс – Господьлы чӧскыд ӧвтантор.

Лыд 28:10

Тайӧ сотан висьсӧ вайӧй быд шойччан лунӧ быдлунся сотан висьысь да вина висьысь ӧтдор.

Лыд 28:24

Сизимнан лун чӧжыс тадзи вӧчӧй. Тайӧ лоӧ Господьлы чӧскыда ӧвтан нянь вись. Вайӧй сійӧс да сыкӧд кисьтан вина висьсӧ быдлунся сотан висьысь ӧтдор.

Лыд 28:5

Нянь вись пыдди вайӧй пычкӧм олив выйӧн гудралӧм шобді пызь. Пызьыс мед вӧлі ефалӧн дасӧд юкӧныс, а выйыс мед вӧлі гинлӧн нёльӧд пайыс.

Лыд 29:16

Мыжысь вись пыдди вайӧй ай кӧзаӧс. Тайӧ висьяссӧ вайӧй быдлунся сотан висьысь, нянь висьысь да вина висьысь ӧтдор.

Лыд 4:16

Аарон поплӧн Элазар пиыс мед кывкутас би дозйӧ кисьтан вый да чӧскыд дука тшынӧдчантор вӧсна, быдлунся нянь вись да мавтыштан вый вӧсна. Сійӧ мед кывкутас вежа чом вӧсна да вежаинса став дозмук-кӧлуй вӧсна».

Индӧд 32:38

Кӧні енъясыс, кодъяс сёйисны тіян висьяслысь госсӧ, юисны вина висьнытӧ? Найӧ мед чеччасны да отсаласны тіянлы, найӧ мед видзасны тіянӧс.

Филипӧ 2:17

Весиг ковмас кӧ кисьтны ассьым вирӧс да вайны ачымӧс вись пыдди тіян эскӧмныд вӧсна, тіянкӧд ӧтвыв кута нимкодясьны.