Петӧм 29:4 - Коми Библия 2023

⁴ Ааронӧс пияныскӧд вайӧд вежа чом пыранін водзӧ да мыссьӧд найӧс ваӧн.

Петӧм 29:4 Iomraidhean Croise

Петӧм 26:36

Серлӧдлӧмӧн кы гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь дӧра. Ӧшӧд сійӧс вежа чом пыранінӧ.

Петӧм 29:3

Пукты ставсӧ ӧти кудйӧ да вай Ме водзӧ. Нӧшта вайӧд ӧшкӧс да кык межӧс.

Петӧм 40:12

Вайӧд Ааронӧс да сылысь пиянсӧ вежа чом пыранінӧ да мыссьӧд найӧс ваӧн.

Петӧм 40:28

Вежа чом пыранінӧ Мӧисей ӧшӧдіс дӧра,

Петӧм 40:32

Вежа чомйӧ пыригӧн либӧ [кесъявны] висьпуктанін дорӧ матыстчигӧн найӧ мыссисны, кыдзи Господь тшӧктіс Мӧисейлы.

Езекиль 36:25

Реза тіянӧс сӧстӧм ваӧн, и ті сӧстӧмманныд. Ме сӧстӧммӧда тіянӧс став пежсьыныд да идолъяссьыныд.

Езекиль 42:14

Крамӧ ветлӧм бӧрын попъяс оз петны ортсы йӧрӧ вежсьытӧг. Найӧ кольӧны тайӧ жыръясас ассьыныс кесъялан паськӧмнысӧ, ӧд кесъялан паськӧмыс вежа. Ассьыныс паськӧмсӧ пасьталӧм бӧрын попъяс вермӧны мунны войтыр дінӧ».

Левит 14:8

Сӧстӧммӧдчысь мед мыськалас паськӧмсӧ, шырсяс-бритчас да мыссяс. Та бӧрти сійӧ лоӧ сӧстӧм и вермас бӧр локны войтыр пӧвстӧ. Но аслас чомйӧ сизим лун чӧж мед оз на пыр.

Лыд 8:9

Сувтӧд левитъясӧс вежа чом водзӧ и чукӧрт сэтчӧ Израиль войтырӧс.

Ефесӧ 5:26

медым вежӧдны сійӧс. Сійӧ сӧстӧммӧдіс вичкосӧ ваӧн да кывнас,

Индӧд 23:11

Рытнас сійӧ мед мыссяс, а шонді лэччигӧн вермас бӧр локны тышкайӧзлӧн сувтанінӧ.

Титлы 3:5

Сійӧ мездіс миянӧс. Мездіс эз веськыд уджъясным серти, но Аслас буралӧмыс вӧсна. Ен мыськаліс миянӧс да сетіс миянлы выльысь чужны. Сійӧ выльмӧдіс миянӧс Вежа Ловнас.

Еврейяслы 10:22

Сідзкӧ, локтамӧй Ен водзӧ восьса сьӧлӧмӧн да зумыд эскӧмӧн, ӧд миян сьӧлӧмным сӧстӧм да мыжтӧм, миянлысь вир-яйнымӧс мыськалӧма сӧстӧм ваӧн.

1 Петыр 3:21

Тайӧ лоӧмторйыс индӧ миян пыртчӧм вылӧ, мый абу вир-яй вылысь няйт мыськӧм, но сӧстӧм сьӧлӧмсянь Енлы кӧсйысьӧм. Пыртчӧм пыр ми мездмам Исус Кристослӧн ловзьӧм вӧсна.