Петӧм 29:33 - Коми Библия 2023

³³ Налы колӧ сёйны тайӧ висьсӧ, ӧд сійӧс вайӧма налысь мыжсӧ вештӧм могысь. Тадзи найӧс лоӧ вежӧдӧма, и найӧ вермасны кесъявны попъясӧн. Тайӧ – вежатор, бокысалы сійӧс сёйнысӧ оз позь.

Петӧм 29:33 Iomraidhean Croise

Петӧм 29:32

Аарон да пияныс мед сёясны межыслысь яйсӧ да кудйысь няньсӧ вежа чом пыранін дорын.

Левит 1:4

Вись вайысь мед пуктылас кисӧ ӧшлы юр вылас, сэки Господь сибӧдас сылысь висьсӧ, и сылысь мыжсӧ лоӧ вештӧма.

Левит 10:12

Мӧисей висьталіс Ааронлы да сылӧн ловйӧн кольӧм Элазар да Итамар пияныслы: «Босьтӧй Господьлы вайӧм нянь висьлысь коляссӧ, пӧжалӧй сійӧс шоммӧдтӧг да сёйӧй висьпуктанін дорын, ӧд тайӧ – вежасьыс-вежатор.

Лыд 1:51

Левитъяс мед разясны вежа чомсӧ, кор сійӧс ковмас вуджӧдны. А Израиль войтырлӧн выль местаӧ локтӧм бӧрын левитъяс мед бара сувтӧдасны сійӧс. Бокыса морт кӧ матыстчас вежа чом дорӧ, сійӧс лоӧ виӧма.

Лыд 16:40

кыдзи Господь тшӧктіс Мӧисей пыр. Лямӧдӧм дозъясыс лоины Израиль пиянлы ӧлӧданпасӧн, медым Ааронсянь чужысьяс кындзи некод эз тшынӧд чӧскыд ӧвтанторъяс Господь водзын, и эз ло сідзи, кыдзи лои Корейкӧд да сылӧн йӧзыскӧд.

Лыд 16:5

Сэсся Корейлы да сылӧн йӧзыслы шуис: «Аски Господь петкӧдлас, коді вежа, коді Сылӧн, да кодлы Сійӧ лэдзӧ матыстчыны Ас дінас. Кодӧс Господь бӧръяс, сійӧс и лэдзас матыстчыны Ас дінас.

Лыд 18:4

Найӧ мед тэкӧд уджаласны вежа чом бердын. Но бокыса йӧзлы вежа чом дорӧ матыстчыны оз позь.

Лыд 18:7

А тэ да тэнад пияныд кесъялӧй попъясӧн висьпуктанін дорын да Вежаинын ӧшалысь дӧра сайын. Попъясӧн кесъялӧмыс – Месянь козин тіянлы. Но бокыса морт кӧ матыстчас вежа чом дорӧ, сійӧс лоӧ виӧма».

Лыд 3:10

Ааронлы пияныскӧд тшӧкты [видзӧдны вежа чом бӧрся да] кесъявны попъясӧн. [Найӧ мед видзӧдасны ставыс бӧрся, мый эм висьпуктанін гӧгӧр да Вежаинын ӧшалысь дӧра сайын.] Но бокыса морт кӧ матыстчас вежа чом дорӧ, сійӧс лоӧ виӧма».

Лыд 3:38

Вежа чом водзӧ асыввылӧ сувтӧдісны чомъяссӧ Мӧисей да Аарон пияныскӧд, кодъяс Израиль пиян пыдди кывкутісны вежаин вӧсна. Вежа чом дорӧ матыстчысь бокыса мортӧс колӧ вӧлі вины.

1 Коринфӧ 11:24

Енмӧс аттьӧалӧмӧн чегъяліс няньсӧ да шуис: «Босьтӧй, сёйӧй, тайӧ Менам яй, чегъялӧма тіян вӧсна. Вӧчӧй тайӧс Менӧ казьтывлӧм могысь».

1 Коринфӧ 11:26

Тадзи быдпӧрйӧ, кор сёянныд тайӧ няньсӧ да юанныд тайӧ чашасьыс, ті висьталанныд Господьлӧн кулӧм йылысь, кытчӧдз оз лок Сійӧ.