Петӧм 29:26 - Коми Библия 2023

²⁶ Босьт попӧ сувтӧдан вись пыдди ваян межлысь морӧсвыв яйсӧ да вай сійӧс Господь водзын пыркӧдан вись пыдди. Ааронлӧн тайӧ пайыс лоӧ тэныд.

Петӧм 29:26 Iomraidhean Croise

Петӧм 29:27

Вежӧд межыслысь морӧсвыв яйсӧ, мый колӧ вайны пыркӧдан вись пыдди, да задвыв яйсӧ, мый колӧ вайны кыпӧдлан вись пыдди. Межыслӧн тайӧ юкӧнъясыс лоӧны Ааронлы да сылӧн пиянлы.

Левит 14:12

Поп мед босьтас ӧти межсӧ да ваяс сійӧс мыж вештан вись пыдди. Нӧшта мед босьтас олив выйсӧ да ваяс мыж вештан виськӧд Господь водзын пыркӧдан вись пыдди.

Левит 7:30

Аслас киӧн сылы колӧ вайны Господьлы вись пыдди пемӧслысь госсӧ да морӧсвыв яйсӧ [да мус вывсьыс госа юкӧнсӧ]. Морӧсвыв яйсӧ мед ваяс Господь водзын пыркӧдан вись пыдди,

Левит 7:31

а госсӧ поп мед сотас висьпуктанін вылын. Морӧсвыв яйыс вичмӧ Ааронлы да сысянь чужысьяслы.

Левит 7:34

Ӧд Израиль пиянлӧн бурасян висьысь пыркӧдан вись пыдди вайӧм морӧсвыв яйсӧ да кыпӧдлан вись пыдди вайӧм задвыв яйсӧ Ме инді Аарон поплы да сысянь чужысьяслы нэмъяс кежлӧ.

Левит 8:29

Мӧисей босьтіс межлысь морӧсвыв яйсӧ да вайис сійӧс Господь водзын пыркӧдан вись пыдди. Тайӧ вӧлі попӧ сувтӧдан вись пыдди вайӧм межысь Мӧисейлӧн пайыс. Тадзи Господь тшӧктіс Мӧисейлы.

Левит 9:21

Морӧсвыв яйсӧ да веськыдладор задвыв яйсӧ Аарон вайис Господь водзын пыркӧдан вись пыдди, кыдзи тшӧктіс Мӧисей.