Петӧм 29:25 - Коми Библия 2023

²⁵ Сэсся босьт тайӧс налӧн киысь да сот висьпуктанін вылын сотан виськӧд. Тайӧ Господьлы чӧскыд ӧвтантор, Господьлы сотан вись.

Петӧм 29:25 Iomraidhean Croise

Олӧм 8:20

Ной вӧчис Господьлы висьпуктанін. Босьтіс сӧстӧм пемӧсъясӧс да сӧстӧм лэбачьясӧс да висьпуктанін вылын вайис найӧс сотан вись пыдди.

Олӧм 8:21

Висьпуктанінсянь чӧскыд ӧвтӧмнас лолалігӧн Господь [Ен] шуис Аслыс: «Ог кут сэсся ёрны мусӧ морт вӧсна. Мортлӧн мӧвпъясыс томсяньыс тырӧмаӧсь лёкнас, но водзӧ Ме ог кут бырӧдны став ловъя олысьсӧ, кыдзи Ме вӧчи.

Петӧм 29:18

Став межсӧ сот висьпуктанін вылын. Тайӧ лоӧ Господьлы сотан вись, Господьлы чӧскыд ӧвтантор.

Петӧм 29:24

Сет ставсӧ тайӧс Ааронлы да сылӧн пияныслы кианыс, вай ставсӧ Господь водзын пыркӧдан вись пыдди.

Петӧм 29:41

Мӧд балясӧ вай рытнас нянь виськӧд да вина виськӧд асъя мозыс жӧ. Вай сійӧс Господьлы чӧскыда ӧвтан вись пыдди.

Левит 1:13

Ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 1:9

Ӧшлысь ты-муссӧ да кокъяссӧ колӧ мыськавны ваӧн, а сэсся поп мед сотас ставсӧ висьпуктанін вылын. Тайӧ лоӧ сотан вись, Господьлы чӧскыд ӧвтантор.

Левит 10:13

Сёйӧй сійӧс вежаинын, ӧд тайӧ Господьлы вайӧм висьлӧн юкӧн, мый вичмӧ тэныд да тэсянь чужысьяслы. Тадзи тшӧктіс меным Господь.

Левит 2:11

Господьлы ваян нянь висьнытӧ пӧжалӧй шоммӧдтӧг. Господьлы вись пыдди оз позь сотны няньшом да ма.

Левит 2:16

Поп мед босьтас мыйтакӧ нырӧм тусь да олив вый, тшӧтш став ладансӧ, да сотас казьтылан вись пыдди Господьлы».

Левит 2:2

Сэсся пызьсӧ мед ваяс попъяслы, Ааронсянь чужысьяслы. Олив выйӧн гудралӧм пызьсьыс поп мед босьтас китыр пызь став ладаннас да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Левит 2:9

Сэсся поп мед босьтас тайӧ нянь висьсьыс юкӧн да сотас сійӧс висьпуктанін вылын. Тайӧ лоӧ казьтылан вись, Господьлы чӧскыд ӧвтантор.

Левит 3:11

Поп мед сотас тайӧс висьпуктанін вылын. Тайӧ лоӧ Господьлы сотан вись.

Левит 3:14

Вись вайысь мед ваяс Господьлы кӧзалысь ты-мус вывсьыс пытшкӧс госсӧ,

Левит 3:16

Поп мед сотас тайӧс висьпуктанін вылын. Тайӧ лоӧ чӧскыда ӧвтысь сотан вись. Став госсӧ колӧ сотны Господьлы.

Левит 3:3

Вись вайысь мед ваяс Господьлы ӧшлысь либӧ мӧслысь пытшкӧс госсӧ,

Левит 3:5

Ааронсянь чужысьяс мед сотасны тайӧс висьпуктанінын сотчысь пес вылын сотан виськӧд ӧтлаын. Тайӧ лоӧ Господьлы чӧскыда ӧвтан вись.

Левит 3:9

Вись вайысь мед ваяс Господьлы ыжлысь став госсӧ: сюрсалы бердсьыс бӧждор госсӧ, ты-мус вывсьыс пытшкӧс госсӧ,

Левит 7:25

Коді сёяс Господьлы вись пыдди вайӧм пемӧслысь госсӧ, сійӧс лоӧ бырӧдӧма аслас войтыр пӧвстысь.

Левит 7:5

Поп мед сотас тайӧс висьпуктанін вылын Господьлы вись пыдди. Тайӧ лоӧ мыж вештан вись.

Левит 8:28

Сэсся Мӧисей босьтіс тайӧс налӧн киысь да сотіс висьпуктанін вылын сотан виськӧд. Тайӧ вӧлі попӧ сувтӧдан вись, Господьлы чӧскыд ӧвтантор.

Ефесӧ 5:2

Кристослы ми мусаӧсь, ті тшӧтш лоӧй мусаӧсь ӧта-мӧдныдлы. Кристос сетіс Ассьыс олӧмсӧ миян вӧсна да вайис Асьсӧ Енлы чӧскыда ӧвтан вись пыдди.

Ӧксыяслӧн 1 небӧг 2:28

Ме бӧрйи тэнсьыд рӧдтӧ став Израиль чужанкотырысь да пукті найӧс попъясӧн, медым найӧ кесъялісны Меным висьпуктанін дорын, тшынӧдісны чӧскыд ӧвтанторъяс да новлісны ефод Ме водзын. Ме тшӧкті, мед тэнад рӧдыд босьтас Израиль войтырлӧн сотӧм висьясысь юкӧн.