Петӧм 28:34 - Коми Библия 2023

³⁴ Ризалӧн бӧждор гӧгӧрыс сьӧрсьӧн-бӧрсьӧн ӧшӧд зарни тіньган, сэсся сяр и бара зарни тіньган.

Петӧм 28:34 Iomraidhean Croise

Псалтыр 89:15

Гажӧд миянӧс сійӧ лунъясыс пыдди, кор Тэ дойдалін миянӧс, сійӧ воясыс пыдди, кор ми нуим сьӧкыдсӧ.

Петӧм 28:33

Риза бӧждорӧ вӧч гӧрдовлӧз, пемыдгӧрд да югыдгӧрд вурунысь [да путшкӧм шабдіысь] гранат кодь сяръяс, [татшӧм жӧ сяръяс да] на костӧ тіньганъяс вӧч зарниысь бӧждор гӧгӧрыс.

Петӧм 28:35

Тайӧ ризасӧ Аарон мед пасьталас кесъялігас, медым Господь водзӧ вежаинӧ пыригӧн да вежаинысь петігӧн кылас тіньган шы, и Аарон оз кув.

Петӧм 39:22

Гӧрдовлӧз вурунысь кыисны риза, медым новлыны сійӧс ефодкӧд.

Петӧм 39:26

Ризалӧн бӧждор гӧгӧрыс сьӧрсьӧн-бӧрсьӧн ӧшалісны тіньган, сэсся сяр и бара тіньган. Тайӧ ризасӧ колӧ вӧлі пасьтавны кесъялігӧн, кыдзи Господь тшӧктіс Мӧисейлы.

Сьылан 2:3

– Зонъяс пӧвстын менам мусукӧй быттьӧ вӧрса пуяс костын яблӧг пу. Сылӧн вуджӧр улын меным нимкодь пукавны, сылӧн вотӧсыс юмов менам вомын.

Сьылан 4:13

Тэ – сад йӧр, кӧні быдмӧны гранат, чӧскыд вотӧса пуяс, хна да нард,

Сьылан 4:3

Тэнад вомдорыд гӧрд лента кодь, льӧбъясыд чӧскыдӧсь. Тэнад бандзибъясыд гранат джын кодьӧсь, дзебсьӧмаӧсь чужӧмвевттьӧд улад.

Сьылан 6:11

– Ме муні кольтуся сад йӧрӧ, лэччи веж ковтысӧ видзӧдлыны, эз-ӧ мыччысь виноград кор, оз-ӧ дзоридзав гранат пу.

Сьылан 6:7

Тэнад бандзибъясыд гранат джын кодьӧсь, дзебсьӧмаӧсь чужӧмвевттьӧд улад.

Сьылан 8:2

Сэки эськӧ босьті тэнӧ аскӧд, вайӧді тэнӧ аслам мам керкаӧ. Тэ эськӧ велӧдін менӧ, а ме юктӧді тэнӧ чӧскыд винаӧн, гранат вотӧса ваӧн.

Иоан 15:16

Энӧ ті Менӧ бӧрйӧй. Ме бӧрйи тіянӧс да мӧдӧді, медым вайинныд бырлытӧм вотӧс. Тадзи кӧ вӧчанныд, Бать сетас тіянлы ставсӧ, мый коранныд Сылысь Менам нимӧн.

Колосӧ 1:10

Кевмысям, медым ті быдторйын вӧлінныд Господьлы шогманаӧсь, и медым бурсӧ вӧчӧмӧн вайинныд вотӧс да быдминныд Енсӧ тӧдмалӧмас.