Петӧм 28:29 - Коми Библия 2023

²⁹ Вежаинӧ пыригӧн Аарон сьӧлӧм бердас Господьлы казьтыланпас пыдди мед новлӧдлас Израиль пиянлысь нимъяссӧ веськыда мыждӧм петкӧдлан морӧсводзас. [Кыӧм чепъяссӧ йит морӧсводз кыкнан помас. Зарни дорышъяссӧ пукты кыкнан ластавич вылӧ водзладорсяньыс.]

Петӧм 28:29 Iomraidhean Croise

Петӧм 28:12

да йит ефодлӧн ластавичьяс вылӧ. Изъясыс лоасны казьтыланпасӧн. Аарон кутас новлӧдлыны Израиль пиянлысь нимъяссӧ пельпом вылас Господь водзын.

Петӧм 28:15

Вӧч веськыда мыждӧмсӧ петкӧдлан морӧсводз. Серлӧдлӧмӧн кы сійӧс ефодӧс моз зарниысь, гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь.

Петӧм 28:28

Морӧсводз кольчаяссӧ йит ефод кольчаяскӧд гӧрдовлӧз вурун шӧртӧн, медым морӧсводзыс вӧлі вӧньсьыс вылынджык да вӧлі бура йитӧма ефод бердӧ.

Петӧм 28:30

Веськыда мыждӧмсӧ петкӧдлан морӧсводзӧ сюй урим да туммим. Тадзи найӧ лоасны Ааронлӧн сьӧлӧм бердас, кор сійӧ [вежаинӧ пыригӧн] локтас Господь водзӧ. Господь водзӧ локтігӧн моросводзсӧ Аарон мед пыр кутас новлӧдлыны сьӧлӧм бердас. Морӧсводзыс петкӧдлӧ Израиль пиянлы веськыда мыждӧмсӧ.

Сьылан 8:6

Пукты менӧ печатьӧс моз аслад сьӧлӧмад, чунькытшӧс моз новлы менӧ киад. Муслуныс кулӧм кодь вына, вежӧгтӧмыс ад кодь скӧр. Сылӧн ньӧвйыс – биа ньӧв, сійӧ ыпъялысь ыджыд би кодь.

Еремей 30:21

Налӧн ыджыдыс лоӧ на пиысь, налӧн юралысьыс лоӧ на пӧвстысь. Сійӧ матыстчас Ме дінӧ, ӧд Ме матыста сійӧс Ас дінӧ. Коді нӧ ас кӧсйӧм сертиыс лысьтас матыстчыны Ме дінӧ? – висьталӧ Господь. –

Римӧ 10:1

Вокъяс, ме сьӧлӧмсянь кӧсъя, мед Израиль мездмас, та йылысь кевмыся Енлы.