Петӧм 28:15 - Коми Библия 2023

¹⁵ Вӧч веськыда мыждӧмсӧ петкӧдлан морӧсводз. Серлӧдлӧмӧн кы сійӧс ефодӧс моз зарниысь, гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь.

Петӧм 28:15 Iomraidhean Croise

Петӧм 25:7

оникс из да мукӧд дона изъяс, медым наӧн мичмӧдны ефод да морӧсводз.

Петӧм 26:1

«Вежа чомсӧ вӧч дас дӧраысь. Кы найӧс путшкӧм шабді шӧртысь да гӧрдовлӧз, пемыдгӧрд да югыдгӧрд вурун шӧртъясысь. Дӧраяссӧ мичмӧд херувим серпасъясӧн.

Петӧм 26:36

Серлӧдлӧмӧн кы гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь дӧра. Ӧшӧд сійӧс вежа чом пыранінӧ.

Петӧм 28:14

Нӧшта весалӧм зарниысь вӧч кык вӧсни чеп, гартышт найӧс кӧв моз да йит кык дорыш бердас [ластавич водзладорсяньыс].

Петӧм 28:16

Сійӧ мед вӧлі кыкпӧвсталӧм дӧраысь, нёль пельӧса, весьт кузьта да весьт пасьта.

Петӧм 28:30

Веськыда мыждӧмсӧ петкӧдлан морӧсводзӧ сюй урим да туммим. Тадзи найӧ лоасны Ааронлӧн сьӧлӧм бердас, кор сійӧ [вежаинӧ пыригӧн] локтас Господь водзӧ. Господь водзӧ локтігӧн моросводзсӧ Аарон мед пыр кутас новлӧдлыны сьӧлӧм бердас. Морӧсводзыс петкӧдлӧ Израиль пиянлы веськыда мыждӧмсӧ.

Петӧм 28:4

Мед вӧчасны морӧсводз, ефод, риза, серлӧдлӧм кузь дӧрӧм, юркӧртӧд да вӧнь. Мед вӧчасны Аарон вокыдлы да сылӧн пиянлы тайӧ вежа паськӧмсӧ, медым найӧ попъясӧн кесъяласны Меным.

Петӧм 28:6

Зарни сунисысь, гӧрдовлӧз, пемыдгӧрд да югыдгӧрд вурун шӧртъясысь да путшкӧм шабді шӧртысь мед серлӧдлӧмӧн кыасны ефод.

Петӧм 29:5

Босьт [вежа] паськӧм, дӧрӧмӧд Ааронӧс да пасьтӧд ризасӧ, ефодсӧ да морӧсводзсӧ. Ефод вывтіыс вӧньӧд.

Левит 8:8

Сэсся пасьтӧдіс морӧсводз, морӧсводзас сюйис урим да туммим.