Петӧм 27:19 - Коми Библия 2023

¹⁹ Став дозмук-кӧлуйсӧ, мый колӧ вежа чомйын кесъялӧм могысь, вежа чом майӧгъяссӧ да йӧр дӧраяс зэвтан майӧгъяссӧ вӧч ыргӧнысь».

Петӧм 27:19 Iomraidhean Croise

Ездра 9:8

Но дженьыд кад кежлӧ Господь, миян Енным, петкӧдліс Ассьыс буралӧмсӧ миян дінӧ. Сійӧ мездіс миян войтырлысь коляссӧ да лэдзис миянлы бӧр овмӧдчыны Аслас вежа карӧ. Миян Енным сетіс югъявны миян синъяслы, кесйӧг туйын оліганым сетіс миянлы ловзьыштны.

Петӧм 27:18

Йӧрыс кузьтанас мед вӧлі сё гырддза, пасьтанас – ветымын гырддза. Путшкӧм шабді шӧртысь кыӧм дӧраяс судтанас мед лоӧны вит гырддза. Сюръяяслы подувъясыс мед лоӧны ыргӧнысь.

Петӧм 27:20

«Тшӧкты Израиль пиянлы вайны тэныд оливысь пычкӧм сӧстӧм вый, медым би дозъясысь выйыс эз бырлы.

Петӧм 27:3

Вӧч пӧим воръяс, пӧим куралан зыръяс, вир резан тасьтіяс, яй бергӧдлан вилаяс, ӧгыр пӧртъяс. Ставсӧ тайӧс вӧч ыргӧнысь.

Петӧм 35:18

вежа чом зэвтан майӧгъяс, йӧр гӧгӧр ӧшӧдан дӧралы майӧгъяс да гезъяс,

Петӧм 38:20

Вежа чом майӧгъяс да йӧр дӧраяс зэвтан майӧгъяс вӧліны ыргӧнысь.

Петӧм 38:31

йӧр сюръяяслы подувъяс, йӧр пыранін сюръяяслы подувъяс, вежа чомлы да йӧр гӧгӧр ӧшӧдан дӧралы майӧгъяс.

Петӧм 39:40

йӧр тупкан дӧраяс, сюръяяс да подувъяс, йӧр пыранінӧ ӧшӧдан дӧра, гезъяс, майӧгъяс да став дозмук-кӧлуйсӧ, мый колӧ вежа чомйын кесъялӧм могысь,

Еклесиаст 12:11

Мывкыдалӧн кывъясыс ӧшкӧн веськӧдлан ёсь бедь кодьӧсь, шусьӧгъясыс – сатшкысь кӧрттув кодьӧсь. Найӧс лӧсьӧдӧма ачыс ыж видзысьыс.

Исай 33:20

Видзӧдлы Сион кар вылӧ, миян гажӧдчанін вылӧ! Аслад синмӧн тэ аддзан Ерусалим, сійӧ – лӧнь оланін, вӧрзьывлытӧм дӧрачом. Сылӧн сюръяясыс сулалӧны зумыда, сылӧн гезъясыс оз орны.

Закар 10:4

Иуда чужанкотырысь сувтас пельӧс изйыс, сысянь кыпӧдчас чом зэвтан майӧгыс, сысянь петас тышкасян ньӧввужйыс, сысянь петасны юралысьяс.

Лыд 4:32

йӧр гӧгӧр сувтӧдан сюръяяс да налысь подувъяссӧ, майӧгъяссӧ, гезъяссӧ да став кӧлуйсӧ. Найӧ мед тӧждысясны вежа чом разялӧм-сувтӧдӧм вӧсна. Индӧй, кодлы мый колӧ новлӧдлыны.