Петӧм 25:30 - Коми Библия 2023

³⁰ Пызан вылас тэныд колӧ пыр пуктыны Ме водзӧ вежа нянь».

Петӧм 25:30 Iomraidhean Croise

Ӧксыяслӧн 3 небӧг 7:48

Таысь кындзи Господьлӧн крамӧ Соломон вӧчӧдіс уна мукӧдтор: зарни висьпуктанін, вежа няньлы зарни пызан

1 Каднебӧг 23:29

Найӧ кывкутісны вежа нянь вӧсна, нянь вись пыдди ваян шобді пызь вӧсна, шомтӧм сӧчӧнъяс, пӧжалӧм нянь да шомӧс вӧсна, тшӧтш ставсӧ мурталӧм-веситӧм вӧсна.

1 Каднебӧг 9:32

Кааф рӧдысь кодсюрӧ тӧждысисны нянь вӧсна, медым быд шойччан лунӧ вайны крамӧ нянь.

2 Каднебӧг 13:11

Быд асыв да рыт найӧ вайӧны Господьлы сотан висьяс да тшынӧдӧны чӧскыд ӧвтанторъяс. Найӧ пуктӧны вежа нянь сӧстӧм пызан вылӧ да быд рыт ӧзтӧны зарни бикок вылын сулалысь би дозъяс. Ми ставсӧ вӧчам асланым Господь Енлӧн индӧд серти, а ті эновтінныд Сійӧс.

2 Каднебӧг 2:3

Тирса Хирам ӧксы дінӧ Соломон мӧдӧдіс йӧзӧс, медым найӧ висьталісны сылы: «Водзынджык тэ отсалін менам Давид батьлы – мӧдӧдлін сылы сус пуяс, медым вӧчны наысь аслыс керка.

2 Каднебӧг 2:4

Ӧні ме кыпӧда аслам Господь Енлы крам. Ме вежӧда-торйӧда сійӧс Господьлы, медым тшынӧдны Господь водзын чӧскыд ӧвтанторъяс, медым вайны крамӧ вежа нянь, медым рытын и асылын, шойччан лунӧ и выль тӧлысь чужигӧн да миян Господь Енлы сиӧм гажӧдчан лунъясӧ вайны сотан висьяс, кыдзи пыр кежлӧ тшӧктӧма вӧчны Израильлы.

Петӧм 35:13

пызан, сылы потшъяс, став коланаторсӧ да вежа нянь,

Петӧм 39:36

пызан, сылы став коланаторсӧ да вежа нянь,

Петӧм 40:23

а Господь водзӧ пызан вылӧ – вежа нянь, кыдзи Господь тшӧктіс сылы.

Петӧм 40:4

Пырт сэтчӧ пызан да пуктав сы вылӧ став коланаторсӧ. Пырт бикок да пуктав сы вылӧ би дозъяссӧ.

Езекиль 41:22

Пуысь вӧчӧм висьпуктаніныс вӧлі куим гырддза судта, кык гырддза кузьта да кык гырддза пасьта. Сылысь пельӧс сюръяссӧ, подувсӧ да стенъяссӧ вӧлі вӧчӧма пуысь. Висьпуктанін йылысь морт шуис меным: «Тайӧ пызаныс сулалӧ Господьлӧн чужӧмбан водзын».

Малакий 1:12

А ті янӧданныд Менсьым нимӧс, кор нинӧмӧ пуктанныд Господьлысь пызансӧ, вись пыдди ваянныд сэтчӧ шогмытӧм сёян.

Малакий 1:7

Ті ваянныд Менам висьпуктанін вылӧ пеж нянь. Ті юаланныд: «Мыйӧн ми увтыртам Тэнӧ?» Ті нинӧмӧ пуктанныд Господьлысь висьпуктанінсӧ.

Лыд 4:7

Вежа няньлы пызансӧ мед вевттясны гӧрдовлӧз вурун дӧраӧн, сэсся сы вылӧ мед пукталасны дозмукъяс, тасьтіяс, кӧшъяс да вина вись ваян дозъяс. Вежа няньыс мед пыр лоас пызан вылас.

Матвей 12:4

Сійӧ пырис Ен керкаӧ да сёйис аслас йӧзкӧд вежа нянь. Тайӧс налы вӧчнысӧ эз позь, сӧмын попъяслы позис.

Еврейяслы 9:2

Вежа чомйын вӧлі кык вежӧс. Воддза вежӧсас сулалісны бикок да пызан, а пызан вылас вӧлі вежа нянь. Тайӧ вежӧсыс шусис Вежаин.

Ӧксыяслӧн 1 небӧг 21:4

Поп шуис Давидлы: «Быдлунся няньыд менам абу, сӧмын вежа нянь эм. Тэнад йӧзыд кӧ кутчысисны аньяскӧд узьӧмысь, вермасны сёйны».

Ӧксыяслӧн 1 небӧг 21:5

Давид вочавидзис: «Тышӧ петігъясӧ миянлы оз позь узьлыны аньяскӧд. Менам йӧз видзӧны асьнысӧ сӧстӧма весиг быдлунъя тшӧктӧмъяс збыльмӧдігӧн. Дерт нин, ӧні найӧ сӧстӧмӧсь».

Ӧксыяслӧн 1 небӧг 21:6

Мӧдпӧлӧс няньыс эз вӧв, та вӧсна поп сетіс Давидлы вежа нянь. Тайӧ няньсӧ вӧлі босьтӧма Господьлӧн чужӧмбан водзысь, а сы пыдди вӧлі пуктӧма выль пӧжалӧм нянь.