Петӧм 25:20 - Коми Библия 2023

²⁰ Вывлань шевкнитчӧм бордъяснас херувимъяс мед тупкасны куд вевтсӧ да воча сулалӧмӧн видзӧдасны вевт вылас.

Петӧм 25:20 Iomraidhean Croise

Олӧм 28:12

Узигас Яков вӧтасис, мый му вылын сулаліс сод. Содйыс судзис енэжӧдз, сэті лэччисны-кайисны Енлӧн анделъяс.

Ӧксыяслӧн 3 небӧг 6:23

Соломон тшӧктіс олив пуысь вӧчны дас гырддза судта кык херувимӧс да пуктыны найӧс Вежасьыс-вежаинӧ.

Ӧксыяслӧн 3 небӧг 6:27

Соломон сувтӧдіс херувимъясӧс Вежасьыс-вежаинӧ. Налӧн бордъясыс вӧлі шевкнитчӧмаӧсь: ӧтиыслӧн ӧти бордйыс инмис крамлӧн ӧтар стенмас, мӧдыслӧн – мӧдар стенмас, а мӧд борднас найӧ йитчисны ӧта-мӧдныскӧд.

Ӧксыяслӧн 3 небӧг 8:7

Херувимъяслӧн бордъясыс вӧлі шевкнитчӧмаӧсь Йитӧд куд весьтын. Бордъяснаныс найӧ вевттисны кудсӧ да куд новлӧдлан потшъяссӧ.

1 Каднебӧг 28:18

уна-ӧ колӧ сывдӧм зарни, медым вӧчны тшынӧдчан висьпуктанін. Давид сетіс серпасъяс, мый серти колӧ вӧлі вӧчны тарантас да зарни херувимъяс, кодъяс шевкнитӧм бордъяснас вевттясны Господьлысь Йитӧд кудсӧ.

2 Каднебӧг 3:10

Соломон тшӧктіс вӧчны кык херувимӧс, эжны найӧс зарниӧн да пуктыны Вежасьыс-вежаинӧ.

Петӧм 25:18

Вевт помъясӧ дор кык зарни херувимӧс.

Петӧм 25:19

Ӧти херувимыс мед лоас вевт ӧтар помас, мӧдыс – мӧдар помас. Вевтыскӧд найӧ мед лоасны ӧтторъяӧсь.

Езекиль 1:20

Ловъя олысьяс мунлісны сэтчӧ, кытчӧ Лов кӧсйис мунны. А ловъя олысьяскӧд тшӧтш кыпӧдчывлісны и гӧгыльяс, ӧд ловъя олысьяслӧн лолыс вӧлі тайӧ гӧгыльясас.

Езекиль 28:14

Тэ вӧлін мавтыштӧм херувим. Ме пукті тэнӧ видзысьӧ, и тэ олін Енлӧн вежа керӧс вылын, ветлӧдлін би моз югъялысь дона изъяс пӧвстті.

Матвей 24:31

Кор кылас трубалӧн гора шыыс, Сійӧ мӧдӧдас анделъяссӧ нёльнан му вежтасас, медым чукӧртны Ассьыс бӧрйӧмаяссӧ став му пельӧссьыс.

Иоан 1:51

Сэсся содтіс: «Веськыда, веськыда висьтала тіянлы: ӧнісянь ті кутанныд аддзыны восьса енэжсӧ да Енлысь анделъяссӧ, кодъяс лэччӧны Морт Пи дінӧ да кыпӧдчӧны енэжас».

1 Коринфӧ 11:10

Та вӧсна аньлы колӧ вевттьыны юрсӧ. Тайӧ лоӧ анделъяслы пасӧн, мый сійӧ ыджыдалӧм улын.

1 Коринфӧ 4:9

Но ме чайта, Енмыс пуктіс миянӧс, апостолъясӧс, медбӧръя лыдас. Ми кулӧм вылӧ мыждӧмаяс кодьӧсь, муюгыдас быд олысьлы – анделъяслы и йӧзыслы – ми лоим видзӧданторйӧн.

Ефесӧ 3:10

медым вичкоыс пыр ӧні петкӧдлыны енэжвывса ыджыдалысь-веськӧдлысьяслы Ассьыс уна ногӧн петкӧдчысь мывкыдлунсӧ.

Колосӧ 2:10

Кристос пытшкын тіян тшӧтш эм тырвыйӧлуныс. Сійӧ юралысьяслы да веськӧдлысьяслы Юр.

Еврейяслы 1:14

Анделъяс – кесъялысь ловъяс. Енмыс мӧдӧдӧ анделъясӧс кесъявны налы, кодъяслы вичмӧ мездмӧмыс.

Еврейяслы 9:5

Куд вевт вылас сулалісны херувимъяс, Ен дзирдлуна анделъяс. Налӧн бордъясыс вевттисны куд вевтсӧ – мыж лэдзанінсӧ. Но унасӧ та йылысь ӧні огӧ кутӧй сёрнитны.

1 Петыр 1:12

Енмыс восьтіс пророкъяслы, мый тайӧс юӧртігӧн найӧ кесъялісны миянлы, а эз аслыныс. Ӧні тайӧс юӧртісны найӧ, кодъяс висьталісны тіянлы Бур Юӧрсӧ енэжсянь мӧдӧдӧм Вежа Лов вынӧн. Весиг анделъяс кӧсйӧны тӧдны тайӧ гусяторсӧ.

1 Петыр 3:22

Сійӧ кыпӧдчис енэжас да пукалӧ Ен веськыдладорын, Сылысь кывзысьӧны анделъяс, енэжвыв ыджыдалысьяс да вынъяс.