Петӧм 25:16 - Коми Библия 2023

¹⁶ Ме сета тэныд изпӧвъяс, пукты найӧс тайӧ кудъяс.

Петӧм 25:16 Iomraidhean Croise

Ӧксыяслӧн 3 небӧг 8:9

Кудйын вӧлі сӧмын кык изпӧв, найӧс сэтчӧ Хорив керӧсын пуктыліс Мӧисей. Буретш сэні Израиль войтырлӧн Египет муысь петӧм бӧрын Господь кӧрталіс накӧд йитӧд.

Ӧксыяслӧн 4 небӧг 11:12

Иодай поп петкӧдіс ӧксылысь Йоас писӧ крамысь, пуктіс сылы юр вылас юркытш да сетіс сылы Индӧд небӧг. Сэсся пуктісны сійӧс ӧксыӧ да мавтыштісны. Войтырыс кинаныс клопайтӧмӧн горзіс: «Мед олас ӧксы!»

2 Каднебӧг 23:11

Ӧксылысь Йоас писӧ петкӧдісны крамысь, пуктісны сылы юр вылас юркытш да сетісны сылы Индӧд небӧг. Сэсся пуктісны сійӧс ӧксыӧ. Иодай поп да сылӧн пияныс мавтыштісны Йоасӧс. Войтырыс горзіс: «Мед олас ӧксы!»

Петӧм 16:34

Аарон пуктіс маннасӧ Йитӧд куд водзӧ, медым видзны сійӧс, кыдзи Господь тшӧктіс Мӧисейлы.

Петӧм 25:21

Кор Ме сета тэныд изпӧвъяс, пукты изпӧвъяссӧ кудъяс да тупкы сійӧс вевтнас.

Петӧм 26:33

Дӧрасӧ ӧшӧдӧм бӧрын Йитӧд кудсӧ пырт дӧра саяс. Тайӧ ӧшӧдӧм дӧраыс кутас торйӧдны Вежаинсӧ Вежасьыс-вежаинысь.

Петӧм 27:21

Ааронлы да сылӧн пияныслы рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ Израиль пиянлы нэмъяс кежлӧ чужысьяссянь чужысьясӧдз».

Петӧм 30:36

Торйӧд сэтысь мыйтакӧ, нирт сійӧс да пукты вежа чомйӧ Йитӧд куд водзӧ. Вежа чомсянь Ме кута шыасьны тэ дінӧ. Тайӧ тшынӧдчанторйыс лоӧ тіянлы вежасьыс-вежа.

Петӧм 30:6

Висьпуктанінсӧ сувтӧд Вежаинӧ ӧшӧдан дӧра водзӧ, а дӧра саяс лоӧ Йитӧд куд. Йитӧд кудлӧн вевт вывсянь Ме кута шыасьны тэ дінӧ.

Петӧм 31:18

Синай керӧсын Мӧисейкӧд сёрнитӧм бӧрын Ен сетіс сылы йитӧдлысь кык изпӧв, кытчӧ Аслас киӧн гижис кывъяссӧ.

Петӧм 32:15

Мӧисей бергӧдчис да лэччис керӧс вылысь. Сылӧн киас вӧлі йитӧдлӧн кык изпӧв, кытчӧ ӧтарсяньыс и мӧдарсяньыс вӧлі гижӧма кывъяс.

Петӧм 34:29

Мӧисей лэччис Синай керӧс вылысь йитӧдлысь кык изпӧв киас кутӧмӧн. Сійӧ эз тӧд, мый Господькӧд сёрнитӧм бӧрын сылӧн чужӧмыс дзирдаліс.

Петӧм 38:21

Мӧисейлӧн тшӧктӧм серти Аарон поплӧн Итамар пи веськӧдлӧм улын левитъяс гижисны ставсӧ, мыйысь вӧлі вӧчӧма йитӧдлысь вежа чомсӧ.

Петӧм 40:20

Мӧисей пуктіс кудйӧ Индӧд изпӧвъяс. Кудлӧн кольчаясӧ сюйис потшъяс да куд вылӧ пуктіс вевтсӧ.

Лыд 17:4

Бедьяссӧ пукты вежа чомйӧ Йитӧд куд водзӧ. Сэтысянь Ме кута шыасьны тіян дінӧ.

Ап. уджъяс 7:44

Овтӧминын миян батьяслӧн вӧлі вежа чом. Тайӧ вежа чомйыс висьталіс, мый Енмыс олӧ на пӧвстын. Ен петкӧдліс Мӧисейлы вежа чомлысь серпассӧ да тшӧктіс вӧчны дзик жӧ сідзи.

Римӧ 3:2

Унатор сетӧ, да быд боксянь бур. Медводз, налы вӧлі сетӧма Енлысь кывсӧ.

Индӧд 31:26

«Босьтӧй тайӧ Индӧд небӧгсӧ да пуктӧй сійӧс асланыд Господь Енлӧн Йитӧд кудкӧд орччӧн, медым Индӧдыс серти тіянӧс лыддьыны мыжаӧн.

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.

Нав Исус 4:16

«Тшӧкты Йитӧд куд нуысь попъяслы петны Йӧрдан юысь».