Петӧм 25:11 - Коми Библия 2023

¹¹ Пытшкӧссяньыс да ортсысяньыс эж сійӧс весалӧм зарниӧн. Куд гӧгӧрыс вылытіыс вӧч [серлӧдлӧм] зарни дорыш.

Петӧм 25:11 Iomraidhean Croise

Ӧксыяслӧн 3 небӧг 6:20

Вежасьыс-вежаиныс вӧлі кызь гырддза пасьта, кызь гырддза кузьта да кызь гырддза судта. Стенъяссӧ Соломон эжис весалӧм зарниӧн, сус пуысь вӧчӧм висьпуктанінсӧ тшӧтш эжис зарниӧн.

2 Каднебӧг 3:4

Крамлӧн посводзыс пасьтанас вӧлі ӧткодь крам пасьтаыскӧд – кызь гырддза. Судтанас посводзыс вӧлі сё кызь гырддза. Посводз пытшкӧссӧ Соломон эжис весалӧм зарниӧн.

Петӧм 25:12

Кисьт зарниысь нёль кольча да йит найӧс кудлӧн нёльнан улі пельӧсас: кыксӧ – ӧтар бокас, а мӧд кыксӧ – мӧдар бокас.

Петӧм 25:24

Эж пызансӧ весалӧм зарниӧн да гӧгӧрыс вӧч [серлӧдлӧм] зарни дорыш.

Петӧм 28:23

Вӧч кык зарни кольча да пысав морӧсводзлӧн вылыс пельӧсъясас.

Петӧм 30:3

Висьпуктанінлысь вывсӧ, бокъяссӧ да сюръяссӧ эж весалӧм зарниӧн. Доргӧгӧрыс вӧч зарни дорыш.

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.