Петӧм 22:9 - Коми Библия 2023

⁹ Вензяна эмбур йылысь, ӧш, осёл, ыж, паськӧм либӧ кутшӧмкӧ воштӧмтор йылысь кӧ кодкӧ шуас, мый тайӧ сылӧн, сэки кыкнан мортсӧ колӧ кывзыны Ен водзын. Кодӧс Енмыс мыждас, сійӧ мед вештысяс мӧдыслы кык пӧвстӧн.

Петӧм 22:9 Iomraidhean Croise

Олӧм 31:39

Косявлӧм пемӧсӧс ме эг вайлы тэныд, ӧд тэ лыддин сійӧс менам воштӧмторйӧн. Ме мынтысьлі тэныд вошӧм пемӧсысь, лунын кӧть войын сійӧ вошліс.

Ӧксыяслӧн 3 небӧг 8:31

Мыжаласны кӧ кодӧскӧ мӧд мортлы паныд мыж вӧчӧмысь, и сылы ковмас локны тайӧ крамас да Тэнад висьпуктанін водзын кыв сетӧмӧн шуны, мый абу мыжа,

2 Каднебӧг 19:10

Кор мукӧд каръясын олысь вокъясныд локтасны тіян дінӧ вир кисьтӧм понда либӧ индӧд-тшӧктӧм торкӧм йылысь вензьӧмъясӧн, сэки туйдӧдӧй-ӧлӧдӧй найӧс. Тадзи кӧ вӧчанныд, найӧ оз мыжмыны Господь водзын, ті тшӧтш онӧ мыжмӧй, и Господьлӧн скӧрлуныс оз су тіянӧс да вокъяснытӧ.

Петӧм 22:10

Морт кӧ матыссаыслы сетас видзны осёлӧс, ӧшкӧс, ыжӧс либӧ нӧшта кутшӧмкӧ пемӧсӧс, но пемӧсыс кулас либӧ доймалас, либӧ гусяласны сійӧс, и некод тайӧс оз аддзыв,

Петӧм 22:28

Эн омӧльт Енмӧс, эн ёр ас войтырыдлысь юралысьтӧ.

Петӧм 22:4

Кор [гусясьысьӧс кутасны и] гусялӧм ӧшкӧс, осёлӧс либӧ ыжӧс аддзасны ловйӧн, сэки гусясьысьлы колӧ кык пӧвстӧн вештысьны наысь.

Левит 6:5

Колӧ бӧр сетны сійӧ, мый йылысь ылӧдлӧмӧн кыв сетліс. Мыж вештан вись ваян лунӧ сылы колӧ вештысьны мортлы, кодлӧн вӧлі эмбурыс. Доныс дінӧ колӧ содтыны витӧд пай.

Матвей 18:15

«Вокыд кӧ мыж вӧчас тэныд паныд, мун да ас кежаныд янӧд сійӧс. Кывзас кӧ тэнӧ, сійӧ тэныд вокӧн кольӧ.

Матвей 18:35

Тадзи Менам енэжвыв Бать вӧчас тіянлы, онӧ кӧ сьӧлӧмсяньныд прӧститӧй вокнытӧ».

Индӧд 25:1

Локтасны кӧ ёрд водзӧ кык вензьысь, сэні мед веськыда мыждасны. Мыжтӧмӧс мед шуасны мыжтӧмӧн, а мыжаӧс мед мыждасны.