Петӧм 22:7 - Коми Библия 2023

⁷ Морт кӧ аслас матыссалы сетас видзны сьӧм либӧ кӧлуй, но сетӧмторсӧ петкӧдасны матыссаыслӧн керкаысь, и гусясьысьӧс кутасны, сэки гусясьысьыс мед кык пӧвстӧн вештысяс.

Петӧм 22:7 Iomraidhean Croise

Петӧм 22:4

Кор [гусясьысьӧс кутасны и] гусялӧм ӧшкӧс, осёлӧс либӧ ыжӧс аддзасны ловйӧн, сэки гусясьысьлы колӧ кык пӧвстӧн вештысьны наысь.

Петӧм 22:6

Биыс кӧ вуджас йӧн вылӧ, сотас зорӧдъяс, быдман нянь да видз-му, бисӧ пестысь мед вештысяс ставсьыс.

Еремей 2:26

Кыдзи гусясьысьӧс кутӧны да янӧдӧны, тадзи юръяндзим лои Израиль войтырлы, сылӧн ӧксыяслы да веськӧдлысьяслы, попъяслы да пророкъяслы.

Левит 19:13

Некодӧс эн дзескӧд, некодлысь эн мырддяв. Медалӧм мортлысь удждонсӧ ас дінад асылӧдзыс эн кут.

Левит 6:1

Господь шуис Мӧисейлы:

Левит 6:2

«Мортыс мыж вӧчӧ Господьлы паныд, сійӧ кӧ соссяс, мый матыссаыс сылы мыйкӧ сетліс видзӧм могысь, сійӧ кӧ мыйкӧ гусялас либӧ мырддяс матыссаыслысь,

Левит 6:5

Колӧ бӧр сетны сійӧ, мый йылысь ылӧдлӧмӧн кыв сетліс. Мыж вештан вись ваян лунӧ сылы колӧ вештысьны мортлы, кодлӧн вӧлі эмбурыс. Доныс дінӧ колӧ содтыны витӧд пай.

Иоан 12:6

Дерт, Иуда эз тӧждысь гӧльяс вӧсна. Сійӧ шуис тадзи, ачыс вӧлі гусясьысь да. Сы ордын вӧлі ӧтувъя сьӧм кудйыс, кытысь сійӧ босьтлывліс аслыс.

1 Коринфӧ 6:10

гусясьысьлы, горшасьысьлы, кодалысьлы, суклясьысьлы да мырддялысьлы – татшӧм йӧзыслы оз вичмы Енлӧн Юраланіныс.