1 Ен висьталіс [Мӧисейлы] тайӧ кывъяссӧ:
Тэ лэччин Синай керӧс вылӧ, сёрнитін накӧд енэжсяньыс, сетін налы веськыд Индӧд, бур шуӧмъяс да тшӧктӧмъяс.
Мӧисей лэччис войтырыс дінӧ да висьталіс налы тайӧс.
«Ме – Господь, тэнад Енмыд. Ме петкӧді тэнӧ Египет муысь нартитӧм улысь.
Ӧд Мӧисей, коді вӧлі овтӧминын миян батьяскӧд да кодкӧд сёрнитіс андел Синай керӧсын, босьтіс Енсянь ловъя кывъяссӧ, медым висьтавны миянлы.
Анделъяс вайисны тіянлы Индӧдсӧ, но ті энӧ олӧй сы серти».
Изпӧвъяс вылас Господь гижис дас тшӧктӧм, мый вӧлі гижӧма воддзаясас. Тайӧ тшӧктӧмъяссӧ Господь висьталіс тіянлы керӧсвывса би пытшсянь тіян ӧтлаын чукӧртчигӧн. Изпӧвъяссӧ Господь сетіс меным.
Кывліс-ӧ кутшӧмкӧ войтыр тіян моз [ловъя] Енлысь би пытшсянь сёрнисӧ да ловйӧн колис?
Енэжсянь Сійӧ сетіс тіянлы кывны гӧлӧс шысӧ, медым велӧдны тіянӧс. Му вылын сійӧ петкӧдліс тіянлы Ассьыс ыджыд бисӧ, и ті кылінныд Сылысь кывъяссӧ би пытшсянь.
Тайӧ кывъяссӧ Господь гораа висьталіс тіянлы ставныдлы керӧс вывсянь, би да сьӧд кымӧр [да бушков] пытшсянь. Сэсся та дінӧ нинӧм эз содты. Тайӧ кывъяссӧ Сійӧ гижис кык изпӧв вылӧ да сетіс меным.
Господь сёрнитіс тіянкӧд воча чужӧмӧн керӧсвывса би пытшсянь.
”Ме – Господь, тэнад Енмыд. Ме петкӧді тэнӧ Египет муысь нартитӧм улысь.
