Петӧм 19:5 - Коми Библия 2023

⁵ Ті кӧ кутанныд кывзысьны Менсьым да оланныд йитӧд серти, мый Ме кӧрталі тіянкӧд, сэки войтыръяс пӧвстысь ті лоанныд Менам войтырӧн. Муыс ӧд ставнас Менам.

Петӧм 19:5 Iomraidhean Croise

Олӧм 17:9

Ен шуис Ӧвраамлы: «Тэныд да тэсянь чужысьяслы Ме тшӧкта видзны тайӧ йитӧдсӧ, мый Ме кӧрталі тіянкӧд. Чужанвуж бӧрся чужанвуж мед видзасны сійӧс.

Ӧксыяслӧн 3 небӧг 8:53

Господьӧй Ыджыдӧй, Египетысь батьяснымӧс петкӧдігӧн Тэ торйӧдін найӧс Аслыд мувывса став войтыр пӧвстысь, кыдзи шулін аслад Мӧисей кесйӧг пыр».

1 Каднебӧг 17:22

Тэ вӧчин Израиль войтырӧс Аслад войтырӧн пыр кежлӧ. И Тэ, Господьӧй, лоин налӧн Енмӧн.

Иов 41:11

вом пытшсьыс би чепӧсйӧ, бикиньыс сявкйӧ,

Иов 41:3

Коді Меным мыйкӧ водзвыв юӧртліс, медым Меным ковмис бурӧн мынтысьны сылы? Ставыс, мый енэж улас – Менам!

Псалтыр 135:4

Ошкӧй Сійӧс, коді вӧчӧ ыджыд шензьӧданаторъяс, Сылӧн буралӧмыс оз помасьлы.

Псалтыр 24:1

Давидлӧн псалом. Господьӧй, Тэлань веськӧда сьӧлӧмӧс.

Псалтыр 25:10

Асланыс киясӧн найӧ лёксӧ вӧчӧны, налӧн веськыд киныс виччысьӧ козинъяс.

Петӧм 15:26

Ен шуис: «Ті кӧ кутанныд кывзыны асланыд Господь Енлысь гӧлӧс шысӧ да вӧчны Сы водзын шогманасӧ, кутанныд кӧ кывзыны Сылысь индӧд-тшӧктӧмъяссӧ да овны на серти, Ме ог мӧдӧд тіян вылӧ весиг ӧти висьӧм, кутшӧмӧс мӧдӧдлі Египет вылӧ, ӧд Ме – Господь [тіян Енныд], тіянӧс Бурдӧдысь».

Петӧм 23:22

[Ті кӧ кутанныд кывзысьны Менсьым да вӧчны ставсӧ, мый тшӧкта тіянлы, видзанныд кӧ йитӧдӧс, мый Ме кӧрталі тіянкӧд, сэки ті став войтыръяс пӧвстысь лоанныд Менам бӧрйӧм войтырӧн, ӧд муыс ставнас Менам. Ме – Ӧксыыс, а ті лоанныд Ӧксылӧн поп рӧднас да вежа войтырнас. Тайӧс висьтав Израиль пиянлы.] Ті кӧ кутанныд кывзысьны да вӧчны ставсӧ, мый Ме тшӧкта, сэки тіянӧс мустӧмтысьясӧс да дзескӧдысьясӧс Ме кута мустӧмтны-дзескӧдны.

Петӧм 24:7

Сэсся босьтіс Йитӧд небӧг да лыддис сійӧс войтырыслы. Найӧ шуисны: «Ми вӧчам ставсӧ, мый тшӧктіс Господь. Кутам кывзысьны».

Петӧм 34:9

Сійӧ шуис: «Ыджыдӧй, Тэ кӧ бур сьӧлӧма ме дінӧ, лок да мун миянкӧд водзӧ. Збыльысь, тайӧ войтырыс асныра. Прӧстит миянлысь мыжнымӧс да лёк вӧчӧмнымӧс. Вӧч миянӧс Аслад войтырӧн».

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Петӧм 8:22

Сійӧ лунӧ Ме торйӧда Гошен му, кӧні олӧ Менам войтырӧй. Сэні лӧдз-гутыс оз ло. Сэки тэ тӧдмалан, мый став му пасьталаыс Ме – Господь [Енмыс].

Петӧм 9:29

Мӧисей вочавидзис сылы: «Кор ме пета карсьыс, лэпта киӧс Господьлань [енэжӧ]. Сэки дугдас гымавнысӧ, шерыс [и зэрыс] дугдас, медым тэ тӧдін, мый муыс Господьлӧн.

Сьылан 8:12

А менам виноград йӧрӧй аслам. Сюрс эзысьыс мед лоӧ тэныд, Соломон, а кыксё эзысьыс – виноград быдтысьяслы.

Исай 1:19

Ті кӧ кӧсйысянныд кывзысьны Менсьым, сэки кутанныд пӧткӧдчыны муыслӧн сетӧмторйӧн.

Исай 41:8

Израиль, тэ – Менам кесйӧгӧй, Яков, тэ – Менам Ӧвраам ёртсянь чужысь, Ме бӧрйи тэнӧ.

Исай 43:1

Господь, коді вӧчис тэнӧ, Яков, коді вӧчис тэнӧ, Израиль, ӧні тадзи висьталӧ: – Эн пов, Ме ньӧби тэнӧ, чукӧсті тэнӧ нимнад, тэ – Менам.

Исай 56:4

Господь тадзи висьталӧ: – Евнукъяслы, кодъяс пыдди пуктӧны шойччан лун, вӧчӧны Меным шогманасӧ да кутчысьӧны Менам йитӧдӧ,

Еремей 10:16

Но Яковлӧн Енмыс абу на кодь, ӧд Сійӧ ставсӧ Вӧчысьыс, Сылӧн нимыс – Господь Саваоф, а Израиль – Сылӧн бӧрйӧм войтырыс.

Еремей 13:11

Кыдзи мортлӧн вӧньыс вир-яй бердас, сідзи Ме босьті Ас бердӧ Израиль да Иуда войтыръясӧс, медым найӧ вӧліны Менам войтырӧн да ошкисны-нимӧдісны Менӧ, – висьталӧ Господь. – Но найӧ эз кывзыны Менӧ.

Еремей 7:23

Ме тшӧкті налы кывзысьны Менсьым да овны Менам тшӧктӧм серти, медым налы вӧлі бур. Ме кӧсйыси, мый сэки лоа налӧн Енмӧн, а найӧ лоасны Менам войтырӧн.

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

Левит 20:24

А тіянлы Ме шуи, мый ті босьтанныд налысь мусӧ. Ме сета тіянлы му, кӧні визувтӧ йӧв да ма. Ме – Господь, тіян Енныд. Ме торйӧді тіянӧс мукӧд войтыръясысь.

Амос 3:2

– Сӧмын тіянӧс Ме бӧрйи мувывса войтыръяс пӧвстысь, та вӧсна Ме мыжда тіянӧс мыжъяссьыныд.

Амос 6:1

Курыд шог тіянлы, войтыр пӧвстысь медтӧдчанаяслы, кодъяс вылӧ став Израиль лача кутӧ. Ті тӧждысьтӧг оланныд Сионын да Самария керӧс вылын.

Малакий 3:17

Менам индӧм лунӧ найӧ лоӧны Менам войтырӧн, – висьталӧ Господь Саваоф. – Ме лоа на дінӧ бур сьӧлӧма, кыдзи бать бур сьӧлӧма аслас кывзысьысь пи дінӧ.

1 Коринфӧ 10:26

Муыс да ставыс, мый сэні эм – Господьлӧн.

1 Коринфӧ 10:28

Но висьталасны кӧ тіянлы, мый сёянсӧ вӧлі вайӧма идоллы вись пыдди, сэки энӧ сёйӧй тайӧ сёянсӧ висьталысьыс вӧсна, медым сылӧн сьӧлӧмыс эз мыжды сійӧс. Ӧд муыс и ставыс, мый эм сы вылын – Господьлӧн.

Индӧд 10:14

Енэжыс да енэжвывса енэжъясыс, муыс да ставыс, мый сэні эм – Господьлӧн, тіян Енлӧн.

Индӧд 11:27

Бурсиӧмыс лоӧ тіянлы, ті кӧ кутанныд овны асланыд Господь Енлӧн индӧд-тшӧктӧмъяс серти, мый талун висьтала тіянлы.

Индӧд 14:2

Ӧд ті – Господь Енлӧн вежа войтырыс. Господь бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Индӧд 14:21

Энӧ сёйӧй пемӧс-лэбачлысь шойсӧ. Сетӧй сійӧс либӧ вузалӧй йӧз муысь локтысьяслы, кодъяс олӧны тіян каръясын. Ті – Господь Енлӧн вежа войтырыс. Эн пу кӧзапиӧс мамыслӧн йӧв пиын».

Индӧд 26:18

Талун Господь юӧртіс тіянлы, мый Сылӧн кӧсйысьӧм серти ті лоанныд Сылӧн войтырӧн, кутанныд кӧ овны став Сылӧн тшӧктӧмыс серти.

Индӧд 26:19

Сійӧ вӧчис войтыръясӧс, но наысь вылӧ кӧсйысис кыпӧдны тіянӧс, медым ті ошкинныд, пыдди пуктінныд да нимӧдінныд Сійӧс. Сэки ті лоанныд асланыд Господь Енлӧн вежа войтырӧн, кыдзи Сійӧ кӧсйысис».

Индӧд 28:1

«[Йӧрдан ю сайӧ, Господьӧн, тіян Енмӧн, сетӧм муӧ вуджӧм бӧрын] ті кӧ кутанныд кывзысьны Господьлысь, асланыд Енлысь, да овны Сылӧн став тшӧктӧмыс серти, мый талун висьтала тіянлы, сэки Господь, тіян Енныд, кыпӧдас тіянӧс мувывса став мукӧд войтырысь медвылӧ.

Индӧд 28:9

Господь [тіян Енныд] вӧчас тіянӧс Аслас вежа войтырӧн, ті кӧ кутанныд овны асланыд Господь Енлӧн тшӧктӧмъяс серти да ветлыны Сылӧн туйясӧд. Ӧд та йылысь Сійӧ кыв сетіс тіянлы [да батьясныдлы].

Индӧд 4:20

А тіянӧс Господь [Ен] петкӧдіс Египетысь, биа пачысь, медым ті вӧлінныд Сылӧн войтырӧн, и тайӧ ӧніӧдз тадзи.

Индӧд 5:2

Господь, миян Енным, кӧрталіс миянкӧд йитӧд Хорив керӧсын.

Индӧд 7:6

Ӧд ті – Господь Енлӧн вежа войтырыс. Господь, тіян Енныд, бӧрйис тіянӧс мувывса войтыръяс пӧвстысь, медым ті вӧлінныд Сылӧн войтырӧн.

Индӧд 9:29

Но ӧд тайӧ войтырыс – Тэнад войтырыд, кодӧс Тэ петкӧдін Египет муысь Аслад ыджыд выннад да Ассьыд вына китӧ лэптӧмӧн”».

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 11:8

Эскӧм вӧсна Ӧвраам кывзысис Енмыслысь да муніс кӧсйысьӧм муӧ. Сійӧ эз тӧд, кытчӧ мунӧ, но муніс.

Еврейяслы 8:9

Тайӧ йитӧдыс оз ло сэтшӧм, кутшӧмӧс Ме кӧрталі налӧн батьяскӧд, кор босьті найӧс киӧдныс да петкӧді Египет муысь. Найӧ торкисны йитӧдӧс, мый Ме кӧрталі накӧд, та вӧсна Ме бергӧдчи наысь, – висьталӧ Господь. –

Нав Исус 24:24

Войтырыс шуис Исуслы: «Кутам кесъявны Господьлы, асланым Енлы, да кывзысьны Сылысь».

1 Петыр 2:9

Но ті – бӧрйӧм йӧз, Ӧксылӧн поп котыр, вежа войтыр. Енмыс корис тіянӧс пемыдсьыс Аслас шензьӧдана югыдӧ да бӧрйис тіянӧс, медым висьтавлінныд Сылӧн тыр-бур уджъясыс йылысь.

Ӧксыяслӧн 1 небӧг 15:22

Самуил шуис: – Мый вайӧ Господьлы нимкодьлун? Сотан да мукӧд висьяс али Сылысь кывзысьӧм? Кывзысьӧмыд бурджык вись вайӧм дорысь, бурджык межъяслысь госсӧ сотӧм дорысь.