Петӧм 19:18 - Коми Библия 2023

¹⁸ Синай керӧс ставнас тшыналіс, ӧд Господь лэччис сэтчӧ биӧн. Керӧсыс ёна вӧрис, и пачысь моз сэтысь кайис тшын.

Петӧм 19:18 Iomraidhean Croise

Олӧм 11:5

Господь лэччис видзӧдлыны лэптан карсӧ да башнясӧ.

Олӧм 15:17

Шонді пуксьӧм бӧрын лои сап пемыд. Шӧрипӧв керыштӧм пемӧсъяс костті пачысь моз пуркнитіс тшын да мунісны ыпъялысь би кывъяс.

Олӧм 19:28

Видзӧдліс Содом да Гомора каръяслань, став ковтыс вылӧ да аддзис, мый ломтысьысь пачысь моз муысь кыптӧ тшын.

Неемий 9:13

Тэ лэччин Синай керӧс вылӧ, сёрнитін накӧд енэжсяньыс, сетін налы веськыд Индӧд, бур шуӧмъяс да тшӧктӧмъяс.

Псалтыр 104:32

Зэр пыдди Сійӧ мӧдӧдіс налы шер, ыпъялысь би мӧдӧдіс налӧн му вылӧ.

Псалтыр 114:4

Сэки ме шыаси Господь дінӧ: «Господьӧй, мезды менӧ!»

Псалтыр 114:7

Шойччы, менам лолӧй, ӧд Господь тӧждысьӧ тэ вӧсна.

Псалтыр 144:5

Ме тӧдмала-туяла Тэнсьыд дзирдлунтӧ да вынтӧ, Тэнсьыд шензьӧдана уджъястӧ,

Псалтыр 18:9

Господьлӧн тшӧктӧмъясыс веськыдӧсь, гажӧдӧны сьӧлӧмтӧ. Господьлӧн велӧдӧмыс югыд, югдӧдӧ синтӧ.

Псалтыр 68:9

Аслам вокъяслы ме лои бокысаӧн, аслам мамлӧн пиянлы – локтысь мортӧн.

Псалтыр 77:18

Найӧ тӧдӧмӧн дӧзмӧдісны Енсӧ, корисны Сылысь сёян сьӧлӧм сертиныс.

Псалтыр 77:19

Найӧ шуасисны Енлы паныд да сёрнитісны: «Енмыс ӧмӧй вермас овтӧминын дасьтыны чӧскыд пызан?

Петӧм 19:13

Морт-ӧ, пемӧс-ӧ инмӧдчылас, ловйӧн сійӧс энӧ кольӧй. Кинад сійӧс энӧ виӧй, но изъялӧй либӧ лыйӧй ньӧввужйӧн. Кор кылас буксан шы, [кор кымӧрыс вешъяс керӧс весьтысь,] сэки войтырыс вермас кайны керӧсӧ».

Петӧм 19:17

Мӧисей нуӧдіс войтырсӧ сувтанінысь аддзысьны Енкӧд. Йӧзыс локтісны керӧс горулӧ.

Петӧм 20:18

Став войтырыс аддзис гымалӧм-чардалӧм да тшынасьысь керӧс, кыліс буксан шы. Тайӧс аддзӧмысь найӧ бӧрыньтчӧмӧн сувтісны ылӧджык.

Петӧм 24:17

Израиль пиян аддзылісны Господьлысь дзирдлунсӧ. Дзирдлуныс вӧлі керӧс вылын сотысь би кодь.

Петӧм 3:2

Сэні ӧзъялысь лежнӧг пытшкын сылы петкӧдчис Господьлӧн андел. Мӧисей аддзис, мый лежнӧгыс ыпъялӧ биӧн, но оз сотчы.

Петӧм 34:2

Асывводз кежлӧ тэ ло дась. Асывнас кай Синай керӧс вылӧ да сувт сэні Ме водзӧ.

Исай 6:4

Налӧн гӧлӧс шыысь крам подулыс вӧрзьыліс, и крамыс тырис тшынӧн.

Исай 64:1

Господьӧй, косяв енэжсӧ да лэччы! Керӧсъяс мед дзӧрӧны-тіралӧны Тэ водзын

Еремей 4:24

Видзӧдлі керӧсъяс вылӧ, а найӧ сыркакылісны, став керӧсъясыс дзӧрисны-тіралісны.

Аввакум 3:6

Кор Сійӧ сувтӧ, муыс вӧрзьылӧ. Кор Сійӧ видзӧдлӧ, войтыръясӧс дзӧрӧм босьтӧ. Нэмӧвӧйся керӧсъяс потласьӧны-киссьӧны, важдырся мылькъяс муас пырӧны, а Господьлӧн туйясыс – бырлытӧмӧсь.

Закар 14:5

Ті котӧрӧн пышъянныд керӧсъяс костӧд тайӧ ковтысӧдыс, коді нюжӧдчас Асилӧдз. Ті понданныд пышйыны на моз, кодъяс иудаса Озей ӧксыалан кадӧ пышйисны му вӧрӧмысь. Сэки локтас Господь, менам Ен, став Аслас вежаяскӧд.

Матвей 24:7

Войтыр войтырлы паныд сувтас, муяс ӧта-мӧдныслы паныд кыпӧдчасны. Уналаын лоас му вӧрӧм да тшыгъялӧм, йӧзсӧ суас кулана висьӧм.

Индӧд 33:2

– Синай керӧссянь Господь лэччис, Сеир керӧсвыв му весьтын шонді моз петіс, Паран керӧс вылын петкӧдчис. Сійӧ локтіс лыдтӧм-тшӧттӧм вежаяскӧд, Сылӧн веськыдвылас ыпъяліс-ӧзъяліс би.

Индӧд 4:36

Енэжсянь Сійӧ сетіс тіянлы кывны гӧлӧс шысӧ, медым велӧдны тіянӧс. Му вылын сійӧ петкӧдліс тіянлы Ассьыс ыджыд бисӧ, и ті кылінныд Сылысь кывъяссӧ би пытшсянь.

Индӧд 5:22

Тайӧ кывъяссӧ Господь гораа висьталіс тіянлы ставныдлы керӧс вывсянь, би да сьӧд кымӧр [да бушков] пытшсянь. Сэсся та дінӧ нинӧм эз содты. Тайӧ кывъяссӧ Сійӧ гижис кык изпӧв вылӧ да сетіс меным.

Индӧд 5:4

Господь сёрнитіс тіянкӧд воча чужӧмӧн керӧсвывса би пытшсянь.

2 Фессалоникаӧ 1:7

А тіянлы да миянлы, сьӧкыдсӧ нуысьяслы, Енмыс сетас шойччӧг, кор Господь Исус Аслас вына анделъяскӧд лэччас енэжсянь

2 Фессалоникаӧ 1:8

ыпъялан би пытшкын да мыждас найӧс, кодъяс оз тӧдны Енсӧ да оз кывзыны миян Господь Исус Кристослысь Бур Юӧрсӧ.

Еврейяслы 12:18

Ті матыстчинныд энӧ мувывса ыпъялысь керӧс дінӧ, паныдасинныд энӧ бушковкӧд да сап пемыдыскӧд,

Еврейяслы 12:26

Сэки Енлӧн гӧлӧс шыыс вӧрзьӧдліс мусӧ, но ӧні Сійӧ кӧсйысис: – Нӧшта ӧтчыдысь Ме вӧрзьӧда мусӧ, и ог сӧмын мусӧ, вӧрзьӧда тшӧтш енэжсӧ.

2 Петыр 3:10

Господьлӧн луныс воас виччысьтӧг, войся гусясьысь моз. Сэки енэжыс ыджыд шыӧн бырас, став ентыкӧлаыс ыпъялана биысь пазалас, а муыс да ставыс, мый сэні эм, сотчас.

Восьтӧм 15:8

Енлӧн дзирдлунысь да Сылӧн вынысь крамыс тырис тшынӧн. Крамас некод эз вермы пырнысӧ, кытчӧдз эз помась сизим анделлӧн сизим бырӧданторйӧн удж вӧчӧмыс.

Восьтӧм 9:2

Кор сійӧ восьтіс пыдӧстӧминсӧ, сэтысь ыджыд пачысь моз пуркнитіс тшын. Тайӧ тшынсьыс пемдіс шондіыс и сынӧдыс.

Ёрдысьяс 5:5

Господь водзын керӧсъяс дзӧрисны, Израильлӧн Господь Ен водзын весиг Синай керӧс вӧрис.