Петӧм 18:21 - Коми Библия 2023

²¹ Бӧрйы войтыр пӧвстысь тӧлка йӧзӧс, кодъяс полӧны Енмысь. Найӧ мед вӧліны веськыдӧсь, эз горшасьны. Пукты ӧтиясӧс веськӧдлыны сюрс мортӧн, мӧдъясӧс – сё мортӧн, коймӧдъясӧс – ветымын мортӧн, нёльӧдъясӧс – дас мортӧн. [Пукты тшӧтш гижӧдӧ велӧдысьясӧс.]

Петӧм 18:21 Iomraidhean Croise

Олӧм 22:12

Андел шуис: «Эн лэпты китӧ пиыд вылӧ, эн вӧрӧд сійӧс. Ӧні ме тӧда, мый тэ полан Енмысь. Тэ вӧлін дась весиг ассьыд ӧтка питӧ сетны Енлы».

Олӧм 42:18

Коймӧд луннас Ӧсип шуис налы: «Вӧчӧй, мый ме тшӧкта, сэки ловйӧн колянныд, ӧд ме пола Енсьыс.

Олӧм 47:6

Египет муыс ставнас тэ водзын, медбур местаас овмӧд батьтӧ да вокъястӧ. Мед оласны Гошен муын. И сюрас кӧ на пӧвстысь тӧлка йӧз, пукты найӧс веськӧдлыны менам ыж-мӧс видзысьясӧн».

Ӧксыяслӧн 2 небӧг 18:1

Давид чукӧртіс ассьыс тышкайӧзсӧ да пуктіс налы сюрсӧн да сёӧн веськӧдлысьясӧс.

Ӧксыяслӧн 2 небӧг 23:3

Израильлӧн Ен сёрнитіс мекӧд, Израильӧс Дорйысь шуис: «Веськыда ыджыдалысь, Енмысь полӧмӧн юралысь

Ӧксыяслӧн 3 небӧг 18:12

Ме кӧ ӧні муна тэ дінысь, Господьлӧн Лолыс нуас тэнӧ код тӧдас кытчӧ. И кор ме висьтала Ахавлы, мый тэ тані, а сійӧ оз аддзы тэнӧ, сэки виас менӧ. А ме, тэнад кесйӧг, том кадсянь ола Господьысь полӧмӧн.

Ӧксыяслӧн 3 небӧг 18:3

Ахав корис Авдийӧс, ӧксы керкаӧн веськӧдлысьӧс. Авдий поліс-вежавидзис Господьысь.

Ездра 7:25

А тэ, Ездра, Енсянь сетӧм мывкыдлуныд серти сувтӧд ёрдысь-мыждысьясӧс, медым найӧ веськыда мыждасны Авар-Нахара муын олысьясӧс, кодъяс тӧдӧны тэнад Енлысь тшӧктӧмъяссӧ. А кодъяс оз тӧдны, велӧдӧй найӧс.

Неемий 5:9

Сэки ме шуи налы: «Ті лёктор вӧчанныд. Тіянлы колӧ овны асланым Енмысь полӧмӧн, медым мустӧмтысь войтыръяс эз омӧльтны миянӧс.

Неемий 7:2

Ме пукті Ерусалимын юравны ассьым Ханани вокӧс да Хананейӧс, изкарӧн веськӧдлысьӧс, коді эз вудж ассьыс кывсӧ, а поліс Енмысь. Ме тшӧкті налы:

Иов 1:1

Уц муын оліс Иов нима морт. Сійӧ вӧлі сӧстӧм сьӧлӧма веськыд морт, поліс Енсьыс да ӧтдортчис лёксьыс.

Иов 29:16

коньӧръяслы ме вӧлі батьӧн, тӧдтӧм йӧзӧс ме дорйылі ёрд водзын,

Иов 31:13

Ме кӧ эг вӧв веськыдӧн кесйӧгъяс дінӧ, кор найӧ норасьлісны меным,

Псалтыр 15:1

Давидлӧн кывбур. Енмӧй, видз менӧ, ӧд Тэ вылӧ ме лача кута.

Псалтыр 15:5

Господьӧй, Тэ менам пайыс да олӧмыс, менам пудйыс Тэнад киын.

Петӧм 17:9

Мӧисей шуис Исуслы: «Бӧрйы [вына] айуловӧс да петӧй амаликъяслы паныд тышӧ. Аски ме сувта керӧс йылӧ, и Енлӧн беддьыс лоӧ киам».

Петӧм 18:25

Мӧисей бӧрйис Израиль войтыр пӧвстысь тӧлка йӧзӧс да пуктіс найӧс веськӧдлыны сюрс мортӧн, сё мортӧн, ветымын мортӧн да дас мортӧн. [Пуктіс тшӧтш гижӧдӧ велӧдысьясӧс.]

Шусьӧгъяс 28:2

Войтырыс кӧ лёк вӧчӧмӧн олӧ, сэки веськӧдлысьыс уна, но сюсь вежӧра юралысь дырйи канмуыслӧн нэмыс кузь.

Еклесиаст 12:13

Ставыслы, мый тэ кылін, кывкӧртӧдыс татшӧм: пов Енсьыс да ов Сылӧн тшӧктӧмъяс серти. Тайӧ тшӧктӧмыс – быд мортлы.

Исай 16:5

Сэки лоӧ сувтӧдӧма юралан пуклӧс, юралӧмыс зумыдмас буралӧмӧн. Сэтчӧ пуксяс Давид рӧдысь збыльыс серти юралысь, веськыда мыждысь, веськыдлунсӧ вӧчысь.

Исай 33:15

Сійӧ, коді олӧ веськыда да висьталӧ збыльсӧ, коді оз кӧсйы озырмӧдчыны мукӧдсӧ дзескӧдӧмӧн, коді оз босьт козин, а мыждӧ веськыда, коді оз кӧсйы ӧтувтчыны вир кисьтысьяскӧд, коді мустӧмтӧ лёк вӧчысьяслысь уджъяссӧ.

Исай 59:4

Некод оз мыжды веськыда, ёрд водзын некод оз висьтав збыльсӧ. Ставныс лача кутӧны абутӧмыс вылӧ, висьталӧны ылӧгсӧ. Найӧ новлӧдлӧны ас пытшканыс лёксӧ, чужтӧны лёк вӧчӧм.

Еремей 5:1

– Ветлӧдлӧй ерусалимса уличьясті, видзӧдалӧй да тӧдмалӧй, корсьӧй изэрдъяс вылысь мортӧс, коді олӧ веськыда да кутчысьӧ збыляс. Аддзанныд кӧ, сэки Ме прӧстита Ерусалимын олысьясӧс.

Езекиль 18:8

Сетӧ кӧ уджйӧзӧн, бӧрсӧ содтӧдӧн оз босьт. Лёксӧ сійӧ оз вӧч, а вензьӧмъяс дырйи веськыда мыждӧ.

Езекиль 22:12

Босьтӧны козинъяс, медым вир кисьтны. Сетӧны уджйӧзӧн, медым бӧрсӧ содтӧдӧн босьтны. Матыссаӧс дзескӧдӧмӧн озырмӧдчӧны. Ерусалим, тэ вунӧдін Менӧ, – висьталӧ Господь Ыджыдыс. –

Закар 7:9

– Господь Саваоф тадзи висьталӧ: веськыда мыждӧй, лоӧй бур сьӧлӧмаӧсь да меліӧсь ӧта-мӧдныд дінӧ.

Закар 8:16

Со мый тіянлы колӧ вӧчны: висьталӧй збыльсӧ ӧта-мӧдныдлы, бурасьӧм могысь веськыда мыждӧй ёрд выланыд.

Лыд 1:16

Тайӧ бӧрйӧм айуловыс – чужанкотыръяслӧн юралысьяс да израильса тышкакотыръясӧн веськӧдлысьяс».

Лыд 1:4

Тіянлы мед отсасясны чужанкотыръяслӧн рӧдкутысьяс, быд чужанкотырысь ӧти морт:

Лыд 10:4

Кор сӧмын ӧти труба лэдзас шысӧ, сэки тэ дінӧ мед чукӧртчасны Израиль чужанкотыръяслӧн рӧдкутысьяс.

Лука 18:2

Сійӧ висьталіс: «Ӧти карын вӧлі ёрдысь, сійӧ Енсьыс эз пов да йӧзысь эз яндысь.

Лука 18:4

Ёрдысь дыр эз босьтчы дорйынысӧ. Сэсся шуис: ”Дерт, ме Енсьыс ог пов да йӧзысь ог яндысь.

Ап. уджъяс 20:33

Ме некодсянь эг виччысь эзысь-зарни либӧ кӧм-пась.

Ап. уджъяс 6:3

Та вӧсна, вокъяс, бӧрйӧй ас пӧвстсьыныд сизим мортӧс, кодъяс мывкыдаӧсь да тырӧмаӧсь Вежа Лолӧн. Найӧс пуктам тайӧ уджсӧ вӧчны.

Индӧд 22:18

Карса юрнуӧдысьяс мед мыждасны нывлысь верӧссӧ,

1 Тимофейлы 3:3

оз ю, оз тышкась, аслыс оз курав, рам сьӧлӧма, оз пинясь, сьӧм вылӧ оз горшась,

Нав Исус 22:14

Сыкӧд мӧдӧдісны дас юралысьӧс, быд чужанкотырысь ӧтиӧс. Ставныс найӧ вӧліны рӧдкутысьяс.

Ӧксыяслӧн 1 небӧг 8:12

Ӧтиясӧс сійӧ сувтӧдас веськӧдлыны сюрс тышкамортӧн, мӧдъясӧс – ветымынӧн. Сійӧ тшӧктас пиянныдлы гӧрны ассьыс муяссӧ да вундыны няньсӧ, вӧчны шыпуртъяс, мукӧд тышкасянтор да тарантасъяслы коланаторъяс.

Ӧксыяслӧн 1 небӧг 8:3

Найӧ эз ветлыны батьыслӧн туйӧд да эз веськыда мыждыны йӧзсӧ, а сетчисны горшасьӧмӧ да босьтісны козинъяс.