Петӧм 18:20 - Коми Библия 2023

²⁰ Велӧд найӧс [Енлӧн] индӧд-тшӧктӧмъясӧ, инды налы [Сылысь] туйсӧ, кыті мунны, да висьтав ставсӧ, мый колӧ вӧчны.

Петӧм 18:20 Iomraidhean Croise

Псалтыр 143:8

Налӧн вомысь петӧ ылӧгыс, кинысӧ лэптӧмӧн найӧ ылӧг кыв сетӧны.

Псалтыр 32:8

Став муыс мед полӧ Господьысь, муюгыдын став олысьыс мед дзӧрӧ Сы водзын.

Петӧм 18:16

Асланыс вензьӧмъясӧн найӧ локтӧны ме дінӧ. Ме ёрдысь на костын. Ме тӧдмӧда найӧс Енлӧн индӧд-тшӧктӧмъясӧн».

Исай 30:21

Ті кӧ кежанныд веськыдвылӧ либӧ шуйгавылӧ, бӧрвывсяньныд ті кыланныд татшӧм кывъяс: «Со туйыс, мунӧй сэті!»

Еремей 42:3

Господь, тэнад Енмыд, мед петкӧдлас миянлы туйсӧ, кыті мунны да мый вӧчны».

Еремей 6:16

Господь тадзи висьталӧ: – Сувтыштлӧй асланыд туй вылӧ, видзӧдлӧй да юасьӧй важся ордым йылысь, юасьӧй, кӧні веськыд туйыс, сэті и мунӧй, сэки асланыд ловлы ті аддзанныд шойччӧг. Но ті шуинныд, огӧ пӧ мунӧй.

Езекиль 3:17

«Морт пиӧй, Ме пукті тэнӧ Израиль войтырлы видзысьӧ. Кор тэ кылан Менсьым кывйӧс, тэныд ковмас ӧлӧдны Израиль войтырӧс Ме пыдди.

Микей 4:2

Найӧ чукӧртчасны да шуасны ӧта-мӧдныслы: «Локтӧй, каямӧй Господьлӧн керӧс вылӧ, Яков Енлӧн крамӧ! Господь индас миянлы Ассьыс туйсӧ, медым ми ветлім Сылӧн туйясӧд». Сионсянь воас Индӧдыс, Ерусалимсянь – Господьлӧн кывйыс.

Матвей 28:20

Велӧдӧй найӧс овны став Менам тшӧктӧм серти. Тӧдӧй: Ме пыр тіянкӧд нэмъяс помасьтӧдз». Аминь.

Марк 13:34

Тайӧс позьӧ ӧткодявны морткӧд, коді гортсьыс мунігӧн кольӧ ассьыс керкасӧ кесйӧгъяслы да быдӧнлы сетӧ удж, а керкасӧ видзысьлы тшӧктӧ лоны дасьӧн.

Индӧд 1:18

Сійӧ кадас ме висьталі тіянлы ставсӧ, мый тіянлы колӧ вӧчны.

Индӧд 4:1

«Израиль войтыр, кывзӧй индӧд-тшӧктӧмъяс, мыйӧ [талун] велӧда тіянӧс. Кутчысьӧй наӧ, медым ті олінныд [чужтысинныд-рӧдминныд] да босьтінныд аслыныд сійӧ мусӧ, мый Господь, тіян батьяслӧн Ен, сетӧ тіянлы.

Индӧд 4:5

Ме велӧді тіянӧс индӧд-тшӧктӧмъясӧ, кыдзи тшӧктіс меным Господь, менам Енмӧй. Олӧй на серти сійӧ муас, кытчӧ ті мунанныд, медым босьтны сійӧс аслыныд.

Индӧд 5:1

Мӧисей чукӧртіс став Израиль войтырсӧ да шуис: «Кывзы, Израиль! Талун ме висьтала тіянлы индӧд-тшӧктӧмъяс. Велӧдӧй найӧс да олӧй на серти.

Индӧд 5:27

Тэ мун да кывзы, мый шуас тэныд Господь, миян Енным, сэсся висьтав миянлы, мый йылысь Сійӧ висьталас тэныд. Ми кутам кывзыны да Сылӧн тшӧктӧм-шуӧм серти овны”.

Индӧд 7:11

Олӧй Сылӧн индӧд-тшӧктӧмъяс серти, мый талун висьтала тіянлы.

1 Фессалоникаӧ 4:1

Вокъяс, тіянлы висьтавлім нин, медым олінныд Ен водзын шогмана ногӧн. Дерт, ті дзик тадзи и оланныд. Но Исус Кристос нимӧн ышӧдам да корам тіянӧс: олӧй нӧшта на бурджыка.

Ӧксыяслӧн 1 небӧг 12:23

Ме ог лэдз ачымӧс мыж вӧчны Господьлы паныд – ог дугды кевмысьны тіян вӧсна. Ме веськӧда тіянӧс бур да веськыд туй вылӧ.