Петӧм 16:6 - Коми Библия 2023

⁶ Мӧисей да Аарон шуисны Израиль войтырлы: «Рытнас ті тӧдмаланныд, мый Господь петкӧдіс тіянӧс Египет муысь,

Петӧм 16:6 Iomraidhean Croise

Псалтыр 77:20

Дерт, кор Сійӧ вартіс изкыртаӧ, сэтысь ыльӧбтіс ва да визувтісны шоръяс. Но вермас-ӧ Сійӧ сетны нянь да вердны Ассьыс войтырсӧ яйӧн?»

Петӧм 12:51

Дзик сійӧ лунӧ Господь петкӧдіс Египетысь Израиль пиянӧс тышкайӧзӧс моз.

Петӧм 16:3

«Бурджык миянлы вӧлі кувны Египет муын Господьлӧн ки помысь, – шуасисны Израиль пиян. – Сэні миян вӧліны яй тыра пӧртъяс, и няньсӧ ми пӧттӧдз сёйлім. А ӧні ті вайӧдінныд татчӧ овтӧминас, медым став тайӧ войтырыс тшыгйысла куліс».

Петӧм 16:8

Мӧисей водзӧ шуис: «Рытнас Господь сетас тіянлы сёйны яй, а асывнас сетас нянь, и ті пӧттӧдзныд сёянныд. Ӧд Господь кыліс, кыдзи ті ропканныд Сы вылӧ. А ми нӧ кодъяс? Ті ӧд он миян вылӧ ропкӧй, а Господь вылӧ».

Петӧм 32:1

Войтырыс аддзис, мый Мӧисей дыр эз кут лэччыны керӧс вылысь. Найӧ локтісны Аарон дінӧ, кытшалісны сійӧс да шуисны: «Вӧч миянлы енмӧс, код бӧрся ми вермам мунны. Ӧд ми огӧ тӧдӧй, мый лоис Мӧисейкӧд, сійӧ мортыскӧд, коді петкӧдіс миянӧс Египетысь».

Петӧм 32:11

Но Мӧисей кевмысьӧмӧн шыасис аслас Господь Ен дінӧ: «Господьӧй, эн ӧзты Ассьыд скӧрлунтӧ Аслад войтырыд вылӧ, кодӧс Тэ ыджыд вынйӧрӧн да вына киӧн петкӧдін Египет муысь.

Петӧм 32:7

Господь шуис Мӧисейлы: «Лэччы ӧдйӧджык, ӧд тэнад войтырыд, кодӧс тэ петкӧдін Египет муысь, шогмытӧма кутіс овны.

Петӧм 6:6

Висьтав Израиль пиянлы: Ме – Господь. Ме чорыда мыжда Египет войтырӧс, а тіянӧс петкӧда налӧн нартитӧм улысь. Ме нюжӧда киӧс да мезда тіянӧс.

Петӧм 6:7

Ті лоанныд Менам войтырӧн, а Ме – тіян Енмӧн. Ті тӧдмаланныд, мый Ме – Господь, тіян Енныд, коді петкӧдіс тіянӧс египетсалӧн нартитӧм улысь.

Лыд 16:28

Мӧисей шуис войтырыслы: «Ӧні ті тӧдмаланныд, мый Господь мӧдӧдіс менӧ. Ставсӧ, мый ме вӧчи, эг аслам кӧсйӧм серти вӧч.

Лыд 16:30

Но Господь кӧ вӧчас вӧвлытӧмтор, и муыс воссяс да ньылыштас найӧс [налысь чомъяснысӧ] да ставсӧ, мый налӧн эм, и найӧ ловйӧн мунасны пыдӧстӧминӧ, сэки ті тӧдмаланныд, мый тайӧ йӧзыс нинӧмӧ пуктісны Господьӧс».