Петӧм 16:15 - Коми Библия 2023

¹⁵ Израиль пиян кор аддзисны тайӧс, пондісны юасьны ӧта-мӧдныслысь: «Мый нӧ тайӧ?» Ӧд найӧ эз тӧдны, мый тайӧ. Мӧисей шуис налы: «Тайӧ нянь. Господь сетӧ сійӧс тіянлы сёйны.

Петӧм 16:15 Iomraidhean Croise

Неемий 9:15

Тшыгъяліганыс Тэ сетін налы енэжсянь нянь, горш косьмиганыс Тэ изкыртаысь перйин налы ва. Тэ тшӧктін налы мунны да босьтны аслыныс му, мый китӧ лэптӧмӧн кӧсйысин сетны налы.

Неемий 9:20

Тэ сетін налы Ассьыд бурлуна Ловтӧ, медым велӧдны найӧс. Тэ эн дугды вердны найӧс маннаӧн, сетін налы ва, мед эз косьмы налӧн горшыс.

Псалтыр 105:40

Господьлӧн скӧрлуныс ыпнитіс Аслас войтыр вылӧ, Сійӧ зывӧктіс Ассьыс бӧрйӧмаяссӧ.

Петӧм 16:31

Израильсаяс шуисны тайӧ няньсӧ маннаӧн. Манна вӧлі еджыд, кориандр тусь кодь, кӧрнас маа сӧчӧн кодь.

Петӧм 16:33

Мӧисей шуис Ааронлы: «Босьт [зарни] дозмук, пукты сэтчӧ ӧти омер мында маннасӧ, медым Господь водзын видзны сійӧс миян бӧрся чужысьяслы».

Петӧм 16:4

Господь шуис Мӧисейлы: «Ме сета тіянлы енэжсянь нянь, зэр моз кисьта сійӧс. Войтырыд мед быд лун петас чукӧртны няньсӧ, кодлы мыйта колӧ лун кежлӧ. Тадзи Ме тӧдмала, кутасны-ӧ найӧ овны Менам Индӧд серти.

Шусьӧгъяс 9:5

«Локтӧй, сёйӧй менсьым няньӧс да юӧй менсьым винаӧс.

Лыд 21:5

Найӧ ропкисны Ен вылӧ да Мӧисей вылӧ, шуасисны: «Мыйла ті петкӧдінныд миянӧс Египетысь, медым овтӧминас ми кулім? Нянь ни ва тані абу! Миянлы мустӧммис тайӧ шогмытӧм сёяныс!»

Лука 12:30

Тайӧ ставыс майшӧдлӧ ентӧдтӧмъясӧс. Но тіян Батьныд тӧдӧ, мый тайӧ колӧ тіянлы.

Иоан 6:49

Тіян батьясныд овтӧминын сёйлісны манна, но найӧ кулісны.

Иоан 6:58

Тайӧ – енэжсянь лэччӧм нянь, мӧдсикас сёян. Тіян батьясныд сёйисны манна да кулісны, а тайӧ няньсӧ сёйысь помтӧг олӧ».

1 Коринфӧ 10:3

Найӧ ставныс пӧткӧдчисны ӧти сёянӧн – Ловсянь сёянӧн,

Индӧд 8:16

Овтӧминын Сійӧ вердіс тіянӧс маннаӧн, мый [ті энӧ тӧдлӧй и] батьясныд эз тӧдлыны. Тадзи Сійӧ раммӧдіс да тӧдмаліс тіянӧс, но бӧрынджык бурсӧ вӧчис тіянлы.

Индӧд 8:3

Сійӧ раммӧдіс тіянӧс – сетіс тіянлы тшыгъявны, сэсся вердіс маннаӧн. Татшӧм сёянсӧ ті и тіян батьясныд энӧ тӧдлӧй. Тадзи Сійӧ кӧсйис петкӧдлыны тіянлы, мый оз куш няньӧн мортыд ов, а Господьсянь быд шуӧм кывйӧн.

Еврейяслы 9:4

Сэні вӧліны зарниысь вӧчӧм тшынӧдчан висьпуктанін да зарниӧн эжӧм Йитӧд куд. Тайӧ кудсӧ вӧлі быд боксянь эжӧма зарниӧн. Куд пытшкас вӧліны манна тыра зарни доз, Ааронлӧн дзоридзалысь бедь да йитӧдлӧн изпӧвъяс.

Нав Исус 5:12

Мувывса быдтас сёйӧм бӧрын Израиль пиянлӧн маннаыс эз нин вӧв. Тайӧ восяньыс найӧ пондісны сёйны Ханаан мулысь быдтассӧ.

Восьтӧм 2:17

Кодлӧн эм пель, мед кылӧ, мый Лов висьталӧ вичкояслы. Вермысьлы Ме сета сёйны дзебӧм манна, сета сылы еджыд из, кытчӧ лоӧ гижӧма вермысьлысь выль нимсӧ. Тайӧ нимсӧ кутас тӧдны сӧмын тайӧ изсӧ босьтысьыс».