Петӧм 15:14 - Коми Библия 2023

¹⁴ Войтыръяс повзисны, кор кылісны та йылысь, Филистим муын олысьяс полӧмнысла дзӧрисны.

Петӧм 15:14 Iomraidhean Croise

1 Каднебӧг 14:17

Давидӧс кутісны нимӧдны быд муын, и Господь вӧчис сідзи, мый став войтыръяс кутісны повны Давидысь.

Псалтыр 48:6

Мыйла меным повнысӧ сьӧкыд кадӧ, кор лёк ылӧдчысьяс кытшалӧны менӧ?

Псалтыр 48:7

Найӧ лача кутӧны асланыс эмлуныс вылӧ, ошйысьӧны асланыс ыджыд озырлунӧн.

Исай 14:29

– Эн нимкодясь, Филистим му, мый тэнӧ нӧйтан бедьсӧ чегъялӧма. Змей вужсянь петас аспид, сійӧ чужтас лэбалысь змейӧс.

Исай 14:31

Сыркъялӧмӧн бӧрдӧй дзиръя дорын, ырзӧмӧн бӧрдӧй, карын олысьяс! Филистим му, тэ ставнас киссян! Войвывсянь кыптӧ тшын – локтӧны тышкайӧз, и некод на пиысь оз кольччы.

Исай 23:5

Кор Тир йылысь юӧрыс воас Египетӧдз, сэні олысьяс сыркмунасны.

Езекиль 32:9

Ме весьӧпӧрта войтыръясӧс, кор тэнӧ бырӧдӧм йылысь юӧрсӧ паськӧда войтыръяс пӧвстын, тэныд тӧдтӧм муясын.

Аввакум 3:6

Кор Сійӧ сувтӧ, муыс вӧрзьылӧ. Кор Сійӧ видзӧдлӧ, войтыръясӧс дзӧрӧм босьтӧ. Нэмӧвӧйся керӧсъяс потласьӧны-киссьӧны, важдырся мылькъяс муас пырӧны, а Господьлӧн туйясыс – бырлытӧмӧсь.

Аввакум 3:7

Ме аддза, мый кушанса чомъясын шогсьӧны, мадианса чомъясын полӧны-тіралӧны.

Лыд 14:14

Найӧ висьталасны та йылысь татчӧс олысьяслы, кодъяс кывлісны нин, мый Тэ, Господьӧй, олан Аслад войтырыд пӧвстын да аддзана ногӧн петкӧдчылан сылы. Найӧ кывлісны, мый Тэнад кымӧрыд сулалӧ войтырыд весьтын, и мый Тэ мунан сы водзвылын луннас кымӧр сюръя пытшкын, а войнас би сюръя пытшкын.

Лыд 22:5

Валак мӧдӧдіс юӧртысьясӧс аслас войтыр дінӧ Петор карӧ, Ефрат ю дорӧ. Сійӧ тшӧктіс юӧртысьяслы мунны Веорлӧн Валаам пиыс дінӧ да висьтавны сылы: «Египетысь локтіс уна лыда войтыр да вевттис став мусӧ. Найӧ паськӧдчисны менам му бокӧ.

Индӧд 2:25

Талунсянь енэжувса войтыръяс пӧвстын Ме понда кӧдзны полӧм-тіралӧм. Кодъяс кыласны тіян йылысь, повзясны тіянысь да весьӧпӧрасны”.

Нав Исус 10:2

Адони-Седек ёна повзис, ӧд Гаваон кар вӧлі ӧксыяслӧн юралан каръяс кодь ыджыд. Сійӧ вӧлі Гай карысь на ыджыд, и сэтчӧс айуловыс вӧліны вына тышкасьысьяс.

Нав Исус 2:11

и тайӧс кылӧм бӧрын миянӧс полӧм босьтіс. Ӧні миян пӧвстысь некод оз лысьт сувтны тіянлы паныд, ӧд Господь, тіян Енныд, эм енэжас и му вылас ыджыдалысь Ен.

Нав Исус 9:24

Найӧ шуисны Исуслы: «Миянлы, тэнад кесйӧгъяслы, юӧртісны, мый Господь, тіян Енныд, тшӧктӧма Аслас Мӧисей кесйӧглы, сетны тіянлы став тайӧ мусӧ да бырӧдны [миянӧс да] тайӧ муас олысьяссӧ. Ми ёна полім, мый ті бырӧданныд миянӧс, та вӧсна тадзи вӧчим.

Нав Исус 9:9

Найӧ вочавидзисны: «Ми, тэнад кесйӧгъяс, локтім зэв ылі муысь. Ми кывлім тіян Господь Енлӧн выныс йылысь. Кывлім, мый Сійӧ вӧчис Египетын

Ӧксыяслӧн 1 небӧг 4:7

найӧс полӧм босьтіс. Найӧ шуалісны: «Енмыс локтіс израильса тышкайӧз чукӧртчанінӧ. Курыд шог миянлы! Татшӧмыс некор на эз вӧвлы.

Ӧксыяслӧн 1 небӧг 4:8

Курыд шог миянлы! Коді мездас миянӧс тайӧ вына Енсьыс? Ӧд тайӧ Енмыс уна ногӧн чорыда мыждыліс египетсаясӧс овтӧминын.