Петӧм 14:8 - Коми Библия 2023

⁸ Господь чорзьӧдіс фараонлысь, египетса ӧксылысь, сьӧлӧмсӧ [да сылӧн киподувса йӧзлысь сьӧлӧмнысӧ]. Фараон уськӧдчис вӧтӧдны Израиль пиянӧс, а Израиль пиян Господьлӧн нуӧдӧм улын мунісны водзӧ.

Петӧм 14:8 Iomraidhean Croise

Псалтыр 105:43

Господь унаысь мездыліс найӧс, но найӧ кыпӧдчисны Сылы паныд, асныралӧмнас вӧйисны мыжас.

Петӧм 10:27

Но Господь чорзьӧдіс фараонлысь сьӧлӧмсӧ, и фараон эз кӧсйы лэдзны Израиль войтырӧс.

Петӧм 13:16

Мед тайӧ тшӧктӧмыс лоас ки вылад да плешкад пуктӧм пас кодь, ӧд Господь Аслас вына кинас петкӧдіс миянӧс Египет муысь».

Петӧм 13:18

Та вӧсна Ен нуӧдіс войтырсӧ Гӧрд саридзлань кытшола туйӧд, овтӧминті. Израиль войтыр петіс Египет муысь тышкайӧз моз чукӧръясӧн.

Петӧм 13:9

Тайӧ тшӧктӧмыс мед лоӧ ки вылад да плешкад пуктӧм пас кодь, медым тэ эн вунӧд Господьлысь Индӧдсӧ, ӧд Господь [Ен] вына кинас петкӧдіс тэнӧ Египетысь.

Петӧм 14:17

Ме чорзьӧда [фараонлысь да] египетсаяслысь сьӧлӧмнысӧ, и найӧ вӧтчасны тіян бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став вӧла-тарантаса тышкайӧзкӧд.

Петӧм 14:4

Ме чорзьӧда фараонлысь сьӧлӧмсӧ, и сійӧ уськӧдчас вӧтчыны израильсаяс бӧрся. Но Ме петкӧдла Ассьым вынӧс сы пыр, мый Ме вӧча фараонкӧд да сылӧн став тышкайӧзкӧд. Египетса йӧз тӧдмаласны, мый Ме – Господь». Израиль войтыр вӧчис Господьлӧн тшӧктӧм серти.

Петӧм 14:7

Аскӧдыс сійӧ босьтіс став тарантассӧ тышкайӧзыскӧд. Тайӧ лыдас вӧлі квайтсё медбур тарантас.

Петӧм 15:9

«Суӧда, – шуис вӧтӧдысь, – тшапнита да юкла кыйдӧсӧс, тадзи бурмӧда сьӧлӧмӧс. Перъя шыпуртӧс да ставнысӧ сутшкала».

Петӧм 4:21

Господь шуис Мӧисейлы: «Кор тэ воан Египетӧ, вӧч сэні фараон водзын став шензьӧданаторсӧ, мый Ме тшӧкті тэныд вӧчны. Ме чорзьӧда фараонлысь сьӧлӧмсӧ, и сійӧ оз лэдз Израиль войтырӧс.

Петӧм 6:1

Господь шуис Мӧисейлы: «Ӧні тэ аддзан, мый Ме вӧча фараонлы. Ме лэпта киӧс сы вылӧ, и сійӧ лэдзас Менсьым войтырӧс, весиг вӧтлас найӧс аслас муысь».

Петӧм 9:12

Господь чорзьӧдіс фараонлысь сьӧлӧмсӧ, и сійӧ эз кут кывзыны Мӧисейӧс да Ааронӧс. Та йылысь Господь водзвыв висьтавліс Мӧисейлы.

Бӧрданкыв 3:65

Пемдӧд налысь вежӧрсӧ, ысты на вылӧ Ассьыд ёрӧмтӧ.

Левит 26:13

Ме – Господь, тіян Енныд. Ме петкӧді тіянӧс Египет муысь, медым ті энӧ олӧй кесйӧг туйын. Ме мезді тіянӧс сийӧс улысь, медым ті веськӧдчӧмӧн ветлӧдлінныд».

Лыд 33:3

Медводдза тӧлысьлӧн дас витӧд лунӧ, Ыджыд лун бӧрти мӧд лунӧ, Израиль пиян петісны Рамсес карысь. Египетсаяслӧн син водзын найӧ мӧдӧдчисны туйӧ Господьлӧн нуӧдӧм улын.

Ап. уджъяс 13:17

Израиль войтырлӧн Ен бӧрйис миянлысь батьяснымӧс, рӧдмӧдіс тайӧ войтырсӧ Египет муын да вына кинас петкӧдіс найӧс сэтысь.

Индӧд 26:8

Господь петкӧдіс миянӧс Египетысь [Аслас ыджыд вынйӧрнас,] Ассьыс вына кисӧ да ён сойсӧ лэптӧмӧн, чорыда повзьӧдлӧмӧн, шензьӧданаторъяс да индысьпасъяс вӧчӧмӧн.

Индӧд 32:27

но вӧрӧглӧн лёкӧдӧм вӧсна ог вӧч тайӧс, медым мустӧмтысь ылӧдлӧмӧн эз шу: «Миян киным ён. Эз Господь тайӧс вӧч».

Нав Исус 11:20

Ӧд Господь чорзьӧдіс тайӧ войтыръяслысь сьӧлӧмсӧ да ышӧдіс найӧс уськӧдчыны Израиль войтыр вылӧ, медым израильсаяс жалиттӧг дзикӧдз бырӧдісны найӧс, кыдзи Господь тшӧктіс Мӧисейлы.

Ёрдысьяс 4:7

Ме вайӧда Явин ӧксылӧн тышкайӧзнас веськӧдлысь Сисарӧс, сылысь тарантасъяссӧ да тышкайӧзсӧ Кишон ю дорӧ да сета сійӧс тэнад киӧ”».