Петӧм 12:29 - Коми Библия 2023

²⁹ Войшӧр кадӧ Господь виис медводдза чужысьясӧс Египет муысь – юралысь фараонлӧн медводдза чужысьсянь да дзескыдінын пукалысьлӧн медводдза чужысьӧдз ставныс кулісны. Весиг ыж-мӧслӧн став медводдза чужысьыс куліс.

Петӧм 12:29 Iomraidhean Croise

Олӧм 15:14

Но найӧс нартитысь войтырӧс Ме мыжда. Та бӧрти тэсянь чужысьясыд петасны сэтысь [да локтасны татчӧ] ыджыд озырлунӧн.

Иов 34:20

Войшӧрнас найӧ тӧдлытӧг кулӧны, войтыръяс шызьӧны-кыпӧдчӧны да бырӧны, вынаясӧс вештӧны, но оз морт киӧн.

Псалтыр 105:36

юрбитісны налӧн идолъяслы да шедісны налӧн налькйӧ.

Псалтыр 135:8

Вӧчис шонді, медым веськӧдлыны лунӧн, Сылӧн буралӧмыс оз помасьлы.

Петӧм 11:1

Господь шуис Мӧисейлы: «Нӧшта ӧти бырӧдантор Ме мӧдӧда фараон да Египет вылӧ. Та бӧрын фараон лэдзас тіянӧс, сійӧ вӧтлӧмӧн вӧтлас тіянӧс.

Петӧм 12:12

Дзик тайӧ войӧ Ме муна Египет муӧд да виа тайӧ муысь быд медводдза чужысьӧс йӧз пӧвстысь и ыж-мӧс пӧвстысь. Тадзи Ме мыжда египетса став енсӧ, ӧд Ме – Господь.

Петӧм 12:28

Сэсся найӧ мунісны да вӧчисны ставсӧ сідзи, кыдзи Господь тшӧктіс Мӧисейлы да Ааронлы.

Петӧм 13:15

Кор фараон пыксис да эз лэдз миянӧс, Господь виис Египетысь став медводдза чужысьсӧ йӧз пӧвстысь и ыж-мӧс пӧвстысь. Та вӧсна ыж-мӧслысь став медводдза ай чужысьсӧ ме вая Господьлы вись пыдди, а аслам медводдза чужысь пиысь ме вештыся”.

Петӧм 4:23

Тшӧкта тэныд: лэдз Менсьым пиӧс юрбитны Меным. А он кӧ лэдз, Ме виа тэнсьыд медводдза чужысь питӧ».

Петӧм 9:6

Мӧд луннас Господь тадзи и вӧчис. Египетсалӧн став пемӧсыс куліс, а Израиль войтырлӧн эз кувны.

Исай 24:22

Найӧс ставнысӧ чукӧртасны ӧтилаӧ, шыбитасны-йӧртасны гуӧ, йигналасны дзескыдінӧ, а бӧрынджык – чорыда мыждасны.

Исай 41:11

Тэнӧ мустӧмтысьяс яналасны, налы лоӧ юръяндзим. Тэныд паныд сувтысьяс лоӧны нинӧмӧн, найӧс лоӧ бырӧдӧма.

Исай 51:14

Пленӧ босьтӧмаӧс регыд лоӧ мездӧма, сійӧ оз кув гуын, оз кут тшыгъявны.

Еремей 38:13

Еремейӧс гезйӧн кыпӧдісны юкмӧсысь да колисны ӧксы керка видзысьяслӧн йӧрӧ.

Еремей 38:6

Найӧ босьтісны Еремейӧс да гезйӧн лэдзисны сійӧс Малкийлӧн юкмӧсӧ. Малкий вӧлі ӧксылӧн пиыс, и сылӧн юкмӧсыс сулаліс ӧксы керка видзысьяслӧн йӧрын. Ваыс сэні эз вӧв, вӧлі сӧмын нюйт. Еремей вӧйис тайӧ нюйтас.

Аввакум 3:5

Сы водзвылын мунӧ пӧрӧс висьӧм, бӧрсяньыс локтӧ кулӧм.

Закар 9:11

Вирӧн вынсьӧдӧм йитӧд вӧсна Ме мезда пленӧ босьтӧмаястӧ, петкӧда найӧс ватӧм гуысь.

Лыд 3:13

ӧд став медводдза чужысьыс – Менам. Сійӧ лунӧ, кор Ме бырӧді египетса став медводдза чужысьсӧ, Ме вежӧді-торйӧді Аслым Израиль войтырлысь став медводдза ай чужысьсӧ: йӧзӧс и ыж-мӧскӧс. Найӧ – Менам. Ме – Господь».

Лыд 33:4

Египетсаяс сэки гуалісны ассьыныс медводдза чужысьяссӧ, кодъясӧс Господь виис. Татшӧм ногӧн Господь мыждіс египетса енъясӧс.

Лыд 8:17

Израиль пиянлӧн да налӧн ыж-мӧслӧн медводдза чужысьясыс лоӧны Менам. Ме вежӧді-торйӧді найӧс Аслым сійӧ лунӧ, кор Египет муын вии став медводдза чужысьсӧ.

Еврейяслы 11:28

Эскӧмӧн Мӧисей тшӧктіс пасйыны Израиль войтырлы Ыджыд лун да мавтыштны ӧдзӧс куричьяссӧ вирӧн, медым Андел-Бырӧдысь эз ви Израиль войтырлысь медводдза чужысьяссӧ.

Еврейяслы 12:23

да гажӧдчысь йӧз чукӧр дінӧ. Найӧ – Енлӧн медводдза чужысьяс, налысь нимъяссӧ гижӧма енэжас. Ті матыстчинныд став йӧзсӧ мыждысь Ен дінӧ да тыр-бурас воӧм веськыда олысьяслӧн ловъяс дінӧ.