Петӧм 12:14 - Коми Библия 2023

¹⁴ Тайӧ луныс Господьлы сиӧм гаж. Казьтылӧмӧн пасйӧй сійӧс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Петӧм 12:14 Iomraidhean Croise

Ӧксыяслӧн 4 небӧг 23:21

Иосей ӧксы тшӧктіс став войтырыслы: «Пасйӧй асланыд Господь Енлысь Ыджыд лунсӧ, кыдзи гижӧма Йитӧд небӧгас».

Псалтыр 111:4

Весиг пемыдас ӧзйӧ югыдыс веськыда олысьлы, сійӧ бур да мелі сьӧлӧма, веськыда вӧчӧ.

Псалтыр 135:13

Сійӧ шӧрипӧв поткӧдіс Гӧрд саридз, Сылӧн буралӧмыс оз помасьлы.

Петӧм 12:17

Пасйӧй Шомтӧм нянь сёян лунъяс, ӧд тайӧ лунӧ тышкайӧзӧс моз Ме петкӧді тіянӧс Египетысь. Чужысьяссянь чужысьясӧдз пасйӧй тайӧ лунсӧ. Тайӧ тшӧктӧмыс тіянлы нэмъяс кежлӧ.

Петӧм 12:24

Тайӧ тшӧктӧмыс мед лоӧ тіянлы да тіян пиянлы нэмъяс кежлӧ.

Петӧм 12:43

Господь шуис Мӧисейлы да Ааронлы: «Ыджыдлунся баля йылысь тшӧктӧмыс татшӧм. Оз позь сёйны сійӧс йӧз муысь локтысьяслы.

Петӧм 12:6

Тайӧ тӧлысьнас дас нёльӧд лунӧдзыс видзӧй балясӧ ас орданыд. Рытнас став Израиль войтыр мед начкас балянысӧ.

Петӧм 23:15

Менам тшӧктӧм серти индӧм кадӧ авив тӧлысьӧ сизим лун чӧж пасйӧй Шомтӧм нянь сёян лунъяс. Сёйӧй сэки шомтӧм нянь. Ӧд авив тӧлысьӧ ті петінныд Египетысь. Энӧ локтӧй Ме водзӧ куш киӧн.

Петӧм 27:21

Ааронлы да сылӧн пияныслы рытсяньыс асылӧдзыс колӧ видзӧдны би дозъяс бӧрся. Биыс мед ӧзъялас Господь водзын вежа чомйын, ӧшӧдӧм дӧра водзын, мый сайын сулалӧ Йитӧд куд. Тайӧ тшӧктӧмыс лоӧ Израиль пиянлы нэмъяс кежлӧ чужысьяссянь чужысьясӧдз».

Петӧм 5:1

Мӧисей да Аарон локтісны фараон дінӧ да шуисны сылы: «Господь, Израильлӧн Ен, тадзи висьталӧ: ”Лэдз Менсьым войтырӧс мунны овтӧминӧ, медым найӧ пасъясны Меным сиӧм гаж”».

Езекиль 46:14

Быд асыв балякӧд ӧтлаын нянь вись пыдди вайӧй Господьлы шобді пызь – ефалысь квайтӧд юкӧнсӧ, да олив вый – гинлысь коймӧд пайсӧ, медым гудравны сыӧн шобді пызьсӧ. Тайӧ тшӧктӧмсӧ лӧсьӧдӧма нэмъяс кежлӧ.

Левит 23:6

а дас витӧд лунсянь Шомтӧм нянь сёян лунъяс – Господьлы сиӧм гаж. Сэки сизим лун чӧж сёйӧй шомтӧм нянь.

Закар 6:14

Юркытшыс кольӧ Господьлӧн крамын, мед казьтывны Хелдайлысь, Товилысь, Едайлысь да Софонийлӧн Иосий пилысь бур вӧчӧмнысӧ».

Лыд 10:8

Трубаясӧ мед тутсасны попъяс, Ааронлӧн пияныс. Тайӧ тшӧктӧмыс тіянлы нэмъяс кежлӧ чужысьяссянь чужысьясӧдз.

Лыд 15:15

Тіянлы, Господьлӧн войтырлы, да йӧз муысь локтысьяслы тшӧктӧмыс ӧти нэмъяс кежлӧ чужысьяссянь чужысьясӧдз. Господь водзын ті да йӧз муысь локтысьяс – ӧткодьӧсь.

Лыд 16:40

кыдзи Господь тшӧктіс Мӧисей пыр. Лямӧдӧм дозъясыс лоины Израиль пиянлы ӧлӧданпасӧн, медым Ааронсянь чужысьяс кындзи некод эз тшынӧд чӧскыд ӧвтанторъяс Господь водзын, и эз ло сідзи, кыдзи лои Корейкӧд да сылӧн йӧзыскӧд.

Лыд 18:8

Господь шуис Ааронлы: «Ме пукта тэнӧ кывкутны Меным вайӧмторъяс вӧсна. Став вежа вайӧмторсьыс, мый Израиль пиян вайӧны Меным, Ме сета тэныд да тэнад пиянлы пай. Тайӧ тшӧктӧмыс нэмъяс кежлӧ.

Матвей 26:13

Веськыда висьтала тіянлы: муюгыд пасьтала, кӧні лоӧ юӧртӧма тайӧ Евангелльӧсӧ, сэні казьтыштасны тайӧ аньсӧ да висьталасны, мый сійӧ вӧчис».

Лука 22:19

Сэсся Исус босьтіс нянь, Енмӧс аттьӧалӧмӧн чегъяліс няньсӧ да велӧдчысьяслы сетігас шуис: «Тайӧ Менам яй, сійӧс лоӧ сетӧма тіян вӧсна. Вӧчӧй тайӧс Менӧ казьтывлӧм могысь».

Индӧд 16:1

«Авив тӧлысьӧ тіян мед лоӧ Господьлы, тіян Енлы, сиӧм ыджыдлунся гаж, ӧд авив тӧлысьӧ Господь, тіян Енныд, петкӧдіс тіянӧс войнас Египетысь.

Индӧд 16:11

Гажӧдчӧй Господь Енныд водзын сійӧ местаас, мый Господь бӧръяс Аслас нимлы оланінӧн. Гажӧдчӧй ныв-пиныдкӧд, кесйӧгъясныдкӧд, тіян карын олысь левитъяскӧд, йӧз муысь локтысьяскӧд, батьтӧм-мамтӧмъяскӧд да дӧваяскӧд, кодъяс олӧны тіян пӧвстын.

Индӧд 6:8

Пас пыдди кӧртав найӧс сояд да плешкад.

Нав Исус 4:7

Сэки ті висьталӧй налы: ”Тайӧ изъясыс казьтывлӧны сы йылысь, мый [став му пасьтала ыджыдалысь] Господьлӧн Йитӧд куд водзын Йӧрдан юын ваыс шӧри потіс. Йӧрдан ю вомӧн кудсӧ вуджӧдігӧн ваыс вешйис”. Тайӧ изъясыс лоӧны Израиль пиянлы пыр кежлӧ казьтыланпасӧн».

Ӧксыяслӧн 1 небӧг 30:25

Тайӧ кадсяньыс и ӧнӧдз Израильын тайӧ тшӧктӧмыс вына.