Петӧм 11:8 - Коми Библия 2023

⁸ Став тэнад йӧзыд локтасны меным копыртчыны да корасны менӧ петны татысь войтырӧйкӧд. Сэки ме пета». И Мӧисей муніс фараон дінысь скӧрмӧмӧн.

Петӧм 11:8 Iomraidhean Croise

Ӧксыяслӧн 3 небӧг 20:10

Бен-Хадад воча юӧр ыстіс Ахавлы: «Енъяс мед ёна мыждасны менӧ, Самарияысь кӧ весиг китыр пӧим сюрас менам быд тышкамортлы».

Ӧксыяслӧн 4 небӧг 3:9

Израильса, иудаса да эдомса ӧксыяс петісны туйӧ. Кытшола туйӧд сизим лун мунӧм бӧрын налӧн помасис ваныс – тышкайӧзлы да накӧд мунысь пемӧсъяслы нинӧм вӧлі юнысӧ.

Неемий 5:6

Кор ме кылі войтырлысь элясьӧмсӧ, ме ёна скӧрми.

Псалтыр 6:1

Сьылысьясӧн веськӧдлысьлы. Ворсӧны кӧкъямыс струнаа ворсанторйӧн. Давидлӧн псалом.

Петӧм 10:29

Мӧисей шуис: «Кыдзи тэ шуин, сідзи и лоас. Тэнӧ ме сэсся ог нин аддзыв».

Исай 49:23

Ӧксыяс пондасны тӧждысьны тэнад челядь вӧсна, ӧксыяслӧн гӧтыръясныс пондасны вердны тэнсьыд ныв-питӧ. Найӧ пондасны муӧдз копрасьны тэныд, тэнад кокысь буссӧ нювны. Сэки тэ тӧдмалан, мый Ме – Господь, и Ме вылӧ лача кутысь оз янав.

Исай 49:26

Тэнӧ нартитысьясӧс Ме пӧткӧда налӧн жӧ вир-яйнас, найӧ пондасны юны ассьыныс вирсӧ да коддзасны, кыдзи коддзӧны выль винаысь. Сэки ставныс тӧдмаласны, мый Ме – Господь, тэнӧ Мездысь, Яковлӧн вына Ен.

Езекиль 3:14

Лов кыпӧдіс менӧ да нуӧдіс сэтысь. Ме муні курыд сьӧлӧмӧн да ёна дӧзмӧмӧн, Господьлӧн киыс личкис менӧ.

Даниил 3:19

Сэки Навукодоносор ёна скӧрмис Шадрак, Мешак да Аведнего вылӧ, сылӧн весиг чужӧмыс вежсис. Сійӧ тшӧктіс ломтыны пач воддза дорысь сизим пӧв жарджыка на.

Лыд 12:3

Му вылын олысь став йӧзсьыс Мӧисей вӧлі рамсьыс-рам мортӧн.

Марк 3:5

Исус шогсис налӧн чорзьӧм сьӧлӧмныс вӧсна да чорыда видзӧдліс на вылӧ. Сэсся шуис висьысьлы: «Нюжӧд китӧ». Сійӧ нюжӧдіс, и киыс пырысь-пыр бурдіс, лои мӧдыс кодь.

Индӧд 29:24

Сэки войтыръяс юаласны: ”Мый вӧсна Господь тадзи вӧчис тайӧ муыслы? Мыйла Сійӧ та выйӧдз скӧрмис?”

Индӧд 32:24

Тшыгъялӧмысь найӧ нюкыртчасны, кулана висьӧм виас найӧс, пӧрӧс висьӧм бырӧдас. Ме ыста на вылӧ ёсь пиня зверъясӧс да яда змейясӧс.

Еврейяслы 11:27

Эскӧмӧн Мӧисей петіс Египетысь, эз повзьы ӧксылӧн скӧрлунысь. Сійӧ вӧлі зумыд, ӧд видзӧдіс Тыдавтӧмыс вылӧ.

Восьтӧм 3:9

Со, Ме сета тэныд сӧтаналӧн йӧз чукӧрысь найӧс, кодъяс шуӧны асьнысӧ иудейясӧн, но найӧ абу иудейяс, а пӧръясьысьяс. Ме вӧча тадзи: найӧ локтасны да уськӧдчасны тэнад кок улӧ. Сэки тӧдмаласны, мый тэ – Меным муса.

Ёрдысьяс 4:10

Варак чукӧртіс Кедешӧ Завулон да Неффалим чужанкотыръясӧс. Сы бӧрся муніс дас сюрс морт, Девора тшӧтш муніс сыкӧд.

Ёрдысьяс 8:5

Гедеон шыасис Суккот карса олысьяс дінӧ: «Сетӧй менам йӧзлы нянь. Найӧ ёна мудзӧмаӧсь, ӧд ми вӧтӧдам мадианса ӧксыясӧс, Зевейӧс да Салманӧс».