Петӧм 10:15 - Коми Библия 2023

¹⁵ Муыс эз тыдав сьӧдысла, сэтшӧм уна вӧлі саранчаыс. Найӧ сёйисны му вылысь став быдмӧг-турунсӧ, пуяс вылысь став тусь-вотӧссӧ, мый кольлі шер бӧрся. Египет му пасьтала эз коль веж корйыс ни пу вылын, ни му вылын.

Петӧм 10:15 Iomraidhean Croise

Петӧм 10:12

Господь шуис Мӧисейлы: «Лэпты китӧ Египет му вылӧ, мед саранча уськӧдчас Египет му вылӧ да сёяс сэтысь став быдмӧг-турунсӧ [да пу вылысь став тусь-вотӧссӧ] – ставсӧ, мый коли шер бӧрся».

Петӧм 10:5

Найӧ вевттясны мутӧ, муыд весиг оз кут тыдавны. Шер бӧрся кольӧм веж быдмӧгтӧ да видз-му вывсьыд пуястӧ найӧ сёясны.

Шусьӧгъяс 30:27

Саранчалӧн ӧксыыс абу, но найӧ чукӧрӧн-чукӧрӧн кыпӧдчӧны.

Йоиль 1:4

Лёльӧяс бӧрся коляссӧ сёйис саранча, саранча бӧрся сёйисны чиркъяс, чиркъяс бӧрся сёйисны гагъяс.

Йоиль 2:25

Ме вештыся тіянлы сійӧ вояссьыс, кор Ме ыстылі тіян вылӧ саранча, чиркъясӧс, гагъясӧс да лёльӧясӧс, медым тайӧ ыджыд тышкачукӧрыс сёйис быдтаснытӧ.

Амос 7:2

Саранча сёйис став турунсӧ. Сэки ме шуи: «Господьӧй Ыджыдӧй, прӧстит! Яков рӧд оз вермы водзсасьны, сійӧ ӧд этша лыда».

Лыд 22:5

Валак мӧдӧдіс юӧртысьясӧс аслас войтыр дінӧ Петор карӧ, Ефрат ю дорӧ. Сійӧ тшӧктіс юӧртысьяслы мунны Веорлӧн Валаам пиыс дінӧ да висьтавны сылы: «Египетысь локтіс уна лыда войтыр да вевттис став мусӧ. Найӧ паськӧдчисны менам му бокӧ.