Осий 9:6 - Коми Библия 2023

⁶ Ті пышйинныд бырӧдӧмысь, но Египет чукӧртас тіянӧс, Мемфис кар гуалас тіянӧс. Тіянлысь эзысьнытӧ пӧдтас петшӧр, чомъяснытӧ кытшалас лежнӧг.

Осий 9:6 Iomraidhean Croise

Ӧксыяслӧн 4 небӧг 13:7

Иохазлӧн вӧлі кольӧма сӧмын ветымын верзьӧма, дас тарантас да дас сюрс пода тышкаморт сы бӧрти, кор арамейяслӧн ӧксы пасьвартіс израильса тышкайӧзӧс, таляліс найӧс кокувса бусӧс моз.

Шусьӧгъяс 24:31

да аддзи: йӧрыс ставнас вӧлі тырӧма ёгӧн, пасьтала быдмӧма петшӧр, изйысь вӧчӧм потшӧсыс киссьӧма.

Исай 11:11

Сійӧ лунӧ Господь бара нюжӧдас Ассьыс кисӧ да бергӧдас Ассьыс коляс войтырсӧ Ассурысь и Египетысь, Патросысь и Эфиопияысь, Эламысь и Сеннарысь, Хаматысь и саридздорса муясысь.

Исай 19:13

Цоанса веськӧдлысьяс дзикӧдз вежӧртӧммисны, мемфисса ыджыдалысьяс пӧрйӧдлӧны асьнысӧ, чужанкотыръяслӧн юралысьяс кежӧдісны Египетӧс бур туй вывсьыс.

Исай 27:12

Но сійӧ лунӧ ыджыд юсянь Египет мудорса шорӧдз Господь пыркӧдас шепъяссӧ. Сэки тіянӧс, Израиль войтырӧс, лоӧ чукӧртӧма.

Исай 32:13

Менам войтырлӧн му вӧсна, ӧд сэні кутас быдмыны йӧн да ёг турун. Шогсьӧй гажӧдчысь керкаяс вӧсна, став гажӧдчысь карыс вӧсна,

Исай 34:13

Сылӧн керкаясыс турунзясны бытшкасьысь турунӧн, сылӧн изкаръясыс – петшӧрӧн да йӧнмӧн. Сійӧ лоӧ шакалъяслӧн оланінӧн, страусъяслӧн шойччанінӧн.

Исай 5:6

Ме дзикӧдз эновта сійӧс, ог кут тӧждысьны, ог кут весавны, сійӧ тырас йӧнмӧн да ёг турунӧн. Ме шуа кымӧръяслы, и найӧ оз сетны зэрсӧ.

Исай 7:23

Сійӧ лунӧ виноград йӧръясын, кӧні сюрсъясӧн быдмисны виноград пуяс, донасьыс-дона пуяс, кутас быдмыны йӧн да ёг турун.

Еремей 2:16

Мемфис да Тафнис каръясын олысьяс кушӧдз шырисны тэнсьыд юртӧ.

Еремей 42:22

Сідзкӧ, тӧдӧй, ті куланныд шыпуртысь, тшыглунысь да пӧрӧс висьӧмысь сійӧ муас, кытчӧ ті кӧсъянныд мунны да овмӧдчыны».

Еремей 44:1

Египет муын Мигдолын, Тафнисын, Мемфисын да Патросын олысь Иуда войтыр йылысь Еремейлы вӧлі Господьсянь кыв:

Еремей 44:12

Ме бырӧда Иудалысь коляс войтырсӧ, кодъяс шуисны мунны Египет муӧ да овмӧдчисны сэтчӧ. Найӧ ставныс ичӧтсянь гырысьӧдз куласны сэні шыпуртысь да тшыглунысь. Найӧс пондасны ёрны да лёкӧдны-омӧльтны, найӧ лоӧны повзьӧдчанторйӧн.

Еремей 44:13

Кыдзи шыпуртӧн, тшыглунӧн да пӧрӧс висьӧмӧн Ме мыжді Ерусалимын олысьясӧс, тадзи жӧ Ме мыжда найӧс, кодъяс овмӧдчисны Египет муӧ.

Еремей 46:14

– Висьталӧй Египетын, юӧртӧй Мигдолын, Мемфисын и Тафнисын, тшӧктӧй египетсаяслы чеччыны да дасьтысьны, ӧд шыпурт бырӧдӧ на гӧгӧрысь ставсӧ.

Еремей 46:19

Чукӧрт ассьыд кӧлуйтӧ, Египет ныв, дасьтысьӧй мунны пленӧ, Египетын олысьяс! Ӧд Мемфис лоӧ овтӧминӧн, сэні оз коль олысьыс.

Езекиль 30:13

Господь Ыджыдыс тадзи висьталӧ: Мемфисысь Ме бырӧда идолъясӧс да ылӧг енъясӧс, Египетӧс Ме коля ӧксытӧг. Ме повзьӧда-весьӧпӧрта Египетӧс,

Езекиль 30:16

Египетӧс биӧн сота. Син кар пондас мучитчыны, Но карлысь стенъяссӧ лоӧ пазӧдӧма, а Мемфис вылӧ луншӧр кадӧ уськӧдчас вӧрӧг.

Осий 10:8

Бырӧдӧма лоӧ Авенысь вись ваян мылькъяс, ӧд тайӧ мылькъясыс – Израильлӧн мыжыс. Йӧн да ёг турун кутас быдмыны налӧн висьпуктанінъяс вылын. Йӧзыс шуасны керӧсъяслы: «Вевттьӧй миянӧс!» Мылькъяслы шуасны: «Усьӧй миян вылӧ!»

Осий 11:11

повзьӧдӧм лэбачьяс моз найӧ жбыркнитасны Египетысь, гулюяс моз – Ассур муысь. Ме овмӧда найӧс асланыс керкаясӧ, – висьталӧ Господь.

Осий 2:6

Та вӧсна Ме тупка сылысь туйсӧ лежнӧгӧн, кытшала сійӧс джуджыд потшӧсӧн, медым сійӧ эз аддзы ассьыс ордымъяссӧ.

Осий 7:11

Ефрем лои вежӧртӧм гулю кодь, нинӧм оз гӧгӧрво: отсӧг корӧ Египетлысь, мунӧ Ассурӧ.

Осий 7:13

Курыд шог Израиль войтырлы, ӧд найӧ ылыстчисны Меысь! Найӧ бырасны, ӧд кыпӧдчисны Меным паныд! Ме кӧсйи мездыны найӧс, но найӧ ылӧгсӧ висьтавлісны Ме йылысь.

Осий 7:16

Найӧ оз кӧсйыны бергӧдчыны Медвылыссаыс дінӧ, найӧ лоины личалӧм ньӧввуж кодьӧсь. Налӧн юралысьясныс шыпурт помысь усясны, лёк кывныс вӧсна куласны, и Египет муын найӧс кутасны лёкӧдны.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Осий 9:3

Водзӧ тэ он понды овны Господьлӧн муын – Ефремлы бӧр ковмас мунны Египетӧ, Ассурын сійӧ пондас сёйны пеж сёян.

Левит 26:33

Ме разӧда тіянӧс войтыръяс пӧвстӧ, бӧрсяньныд вӧтча шыпуртӧн. Тіян муныд овтӧммас, каръясныд киссясны.

Софоний 1:11

Сыркъялӧй, Мактешын олысьяс, ӧд ханаансаясӧс лоӧ бырӧдӧма, став вузасьысьсӧ лоӧ виӧма.

Ӧксыяслӧн 1 небӧг 13:6

Кор израильсаяс казялісны, мый филистимсаяс топӧдӧны найӧс, дзебсисны кырта горсъясӧ, сёнъясӧ, изкыртаяс костӧ, важ гуасянінъясӧ да косьмӧм вайӧртӧдъясӧ.