Осий 6:6 - Коми Библия 2023

⁶ Ас дінӧ муслун тіянсянь кӧсъя, ог вись вайӧм, Менӧ тӧдӧм, а ог сотан висьяс.

Осий 6:6 Iomraidhean Croise

1 Каднебӧг 28:9

А тэ, Соломон пиӧй, тӧд аслад батьыдлысь Енсӧ, кесъяв Сылы став сьӧлӧмнад да став олӧмнад. Ӧд Господь быдӧнлысь тӧдмалӧ сьӧлӧмсӧ да тӧдӧ мӧвпъяссӧ. Кутан кӧ корсьны Сійӧс, сэки аддзан, а эновтан кӧ, Сійӧ пыр кежлӧ эновтас тэнӧ.

Псалтыр 50:8

Но Тэныд муса сьӧлӧмпытшса збыльыс, восьт меным Ассьыд мывкыдлунтӧ.

Шусьӧгъяс 21:3

Веськыда олӧмыд да веськыда мыждӧмыд вись вайӧм дорысь Господьлы шогманаджык.

Еклесиаст 5:1

Кывтӧ шуны эн тэрмась, мӧвпышттӧг Ен водзын эн сёрнит, Енмыс ӧд енэжын, а тэ му вылын. Сідзкӧ, сёрниыд мед оз ло уна кывъя.

Исай 1:11

Меным абу колана тіян уна вись вайӧмныд, – висьталӧ Господь. Ме пӧтӧма нин сотӧм межъясӧн да тшӧгӧдӧм ыж-мӧслӧн госӧн. Ӧшъяслысь, ыжъяслысь да кӧзаяслысь вирсӧ Ме ог кӧсйы.

Исай 58:6

Ме кӧсъя татшӧм видзалӧм: орӧд ылӧгыслысь кӧртӧдъяссӧ, разь сийӧслысь гӧрӧдъяссӧ, мезды нартитӧмаӧс, жугӧд быдпӧлӧс сийӧссӧ,

Еремей 22:16

Сійӧ дорйис гӧльясӧс да коньӧръясӧс, та вӧсна сылы вӧлі бур. Тадзи вӧчысь тӧдӧ Менӧ, – висьталӧ Господь. –

Еремей 7:22

Кор Ме петкӧді тіянлысь батьяснытӧ Египетысь, Ме эг тшӧктывлы вайны сотан висьяс да мукӧд висьяс.

Даниил 4:27

да шуаліс: «Со, ыджыд Вавилон кар, ӧксылӧн карыс. Сійӧс ме кыпӧді аслам ыджыд вынӧн, медым сійӧ вайис меным ошкӧм-нимӧдӧм».

Осий 14:2

– Израиль, бӧр бергӧдчы Господь дінӧ, аслад Ен дінӧ, ӧд тэ усин аслад мыжыд вӧсна.

Осий 2:20

Ме кикута тэкӧд да кывйӧс ог вудж, и тэ тӧдмалан Менӧ, Господьӧс.

Осий 4:1

– Израиль войтыр, кывзӧй Господьлысь кывсӧ! Господь мыжалӧ тайӧ муас олысьясӧс, ӧд збыльсӧ найӧ бокӧ вештісны, кывнысӧ вуджисны, Енсӧ оз тӧдны.

Осий 8:13

Сійӧ висьяс вайӧ, сэсся яйсӧ сёйӧ, но Господьлы тайӧ висьясыс абу шогманаӧсь. Господь казьтыштас Ефремлысь лёк вӧчӧмсӧ да мыждас сійӧс мыжъяссьыс, сэки сылы бӧр ковмас мунны Египетӧ.

Амос 5:21

Ме мустӧмта гажӧдчан лунъяснытӧ, зывӧкта гажӧдчыны чукӧртчӧмнытӧ.

Микей 6:6

– Мый меным вайны Господьлы, кор локта Сы водзӧ, кор копыртча енэжвывса Енлы? Гашкӧ, сотан вись вая, арӧса ӧшпиӧс вая?

Микей 6:8

Мортӧй, тэныд юӧртӧма, мый бурыс да мый виччысьӧ тэсянь Господь. Сійӧ кӧсйӧ, медым уджъясыд вӧліны веськыдӧсь, медым вӧлін бур сьӧлӧма да раммӧдчӧмӧн олін Ен водзын.

Матвей 12:7

Гижӧма: ”Буралӧм тіянсянь кӧсъя, ог вись вайӧм”. Гӧгӧрвоинныд кӧ тайӧс, сэки эськӧ энӧ мыжалӧй мыжтӧмъясӧс.

Матвей 5:7

Шудаӧсь бур сьӧлӧмаяс, ӧд налы бур сьӧлӧмсянь вӧчасны.

Матвей 9:13

”Буралӧм тіянсянь кӧсъя, ог вись вайӧм” – мунӧй да гӧгӧрвоӧй тайӧ кывъяссӧ. Ме локті корны Ен дінӧ мыжаясӧс, эг веськыда олысьясӧс».

Марк 12:33

Енмӧс колӧ радейтны став сьӧлӧмнад, став мывкыднад, став олӧмнад да став выннад, и матыссатӧ колӧ радейтны асьтӧ моз. Сотан вись да мукӧд вись дорысь тайӧ коланаджык».

Нав Исус 5:5

Египетысь петӧм став айуловсӧ вӧлі вундыштӧма, а овтӧминті мунігкості чужысьясӧс – абу.

1 Иоан 2:3

Олам кӧ Сылӧн тшӧктӧмъяс серти, тайӧн петкӧдлам, мый ми тӧдам Сійӧс.

1 Иоан 3:6

Сы пытшкын олысь оз вӧч мыжсӧ. А мыжсӧ вӧчысь эз аддзыв да оз тӧд Сійӧс.

Ӧксыяслӧн 1 небӧг 15:22

Самуил шуис: – Мый вайӧ Господьлы нимкодьлун? Сотан да мукӧд висьяс али Сылысь кывзысьӧм? Кывзысьӧмыд бурджык вись вайӧм дорысь, бурджык межъяслысь госсӧ сотӧм дорысь.