Осий 4:13 - Коми Библия 2023

¹³ Керӧсъяс вылын найӧ вайӧны висьяс, мылькъяс вылын тшынӧдчӧны, вӧчӧны тайӧс тупу да оржы вуджӧр улын, тшӧтш мукӧд ыджыд пуяслӧн вуджӧр улын. На моз тіян нывъясныд сетчӧны кырсалӧмӧ, моньясныд – гозъякост олӧм пежалӧмӧ.

Осий 4:13 Iomraidhean Croise

Ӧксыяслӧн 4 небӧг 17:7

Тайӧ ставыс суис Израиль войтырӧс сы понда, мыйла найӧ мыж вӧчисны асланыс Господь Енлы паныд, коді коркӧ петкӧдіс найӧс Египет муысь да мездіс фараонлӧн, египетса ӧксылӧн, нартитӧм улысь. Израильсаяс юрбитісны мукӧд енъяслы,

Ӧксыяслӧн 4 небӧг 23:7

Сійӧ бырӧдіс Господьлӧн крам йӧрысь кырсалысьяслысь керкаяс, кӧні аньяс кыисны Астарта бӧлбанлы паськӧм.

Исай 1:29

Муса пуясныд вӧсна тіянлы яндзим лоӧ, аслыныд бӧрйӧм расъясныд вӧсна тіянлы юръяндзим лоӧ.

Исай 57:5

Тіян лёкколӧмныд ӧзъялӧ пашкыр пуяс пӧвстын, быд веж пу улын. Ассьыныд челядьнытӧ ті ваянныд вись пыдди шоръяс дорын да керӧс потасъясын.

Исай 57:7

Джуджыд да ыджыд керӧс вылын тэ дасьтылін аслыд куйланін, тэ кайлін сэтчӧ вись вайны.

Еремей 2:20

Ме важӧн нин жугӧді тэнсьыд сийӧстӧ, орйӧдлі тэнсьыд кӧртӧдъястӧ. Тэ шулін, мый он кут юрбитны идолъяслы, но став джуджыд керӧс вылын, быд пашкыр пу улын тэ куйлін кырсалысь ань моз.

Еремей 3:13

Сӧмын гӧгӧрво ассьыд мыжтӧ, мый тэ Господьлы, аслад Енлы, паныд кыпӧдчин, котралін мукӧд енъяс дінӧ быд пашкыр пу улӧ, но Менсьым тэ эн кывзысь, – висьталӧ Господь».

Еремей 3:6

Иосей ӧксылӧн веськӧдлан кадӧ Господь шуис меным: «Аддзылін-ӧ тэ, мый вӧчис Израиль войтыр, коді эновтіс Менӧ? Сійӧ ветлывліс быд джуджыд керӧс вылӧ да быд пашкыр пу улӧ, и сэні кырсалысь ань моз сетчис мукӧд енъяслы.

Еремей 44:8

Ті дӧзмӧданныд Менӧ асланыд киӧн вӧчӧмторъясӧн. Ті сотанныд висьяс мукӧд енъяслы Египет муын, кытчӧ ті овмӧдчинныд. Тадзи ті асьнытӧ бырӧданныд. Мувывса став войтыръяс кутасны ёрны да лёкӧдны тіянӧс.

Езекиль 16:16

Аслад уна рӧма паськӧмӧн тэ мичмӧдін вись ваян мылькъястӧ, кӧні тэ кырсалін. Татшӧмторйыс некор на эз вӧвлы, и водзӧ оз ло.

Езекиль 16:25

да быд туйвежӧ. Тэ янӧдін ассьыд мичлунтӧ, быд ветлысь-мунысьлы паськӧдлін коктӧ да унджык на кырсалін.

Езекиль 6:13

Кор налӧн шойясыс кутасны туплясьны налӧн идолъяскӧд орччӧн, висьпуктанінъяс гӧгӧр, быд джуджыд мыльк вылын да быд керӧс йылын, быд пашкыр пу улын да веж коръя тупу улын – быдлаын, кӧні асланыс идолъяслы вайлісны чӧскыда ӧвтан висьяс, сэки ті тӧдмаланныд, мый Ме – Господь.

Осий 10:8

Бырӧдӧма лоӧ Авенысь вись ваян мылькъяс, ӧд тайӧ мылькъясыс – Израильлӧн мыжыс. Йӧн да ёг турун кутас быдмыны налӧн висьпуктанінъяс вылын. Йӧзыс шуасны керӧсъяслы: «Вевттьӧй миянӧс!» Мылькъяслы шуасны: «Усьӧй миян вылӧ!»

Осий 11:2

Сійӧс чукӧстісны, и сійӧ муніс Ме дінысь, пондіс вись вайны Ваал идолъяслы, сотны висьяс бӧлбанъяслы.

Осий 2:13

Ме мыжда сійӧс лунъясысь, кор сійӧ вись сотліс Ваал идолъяслы, мичмӧдліс асьсӧ исергаясӧн да сикӧтшъясӧн, ветліс аслас мусукъяс бӧрся, а Менӧ вунӧдіс, – висьталӧ Господь.

Амос 7:17

Та вӧсна Господь тадзи висьталӧ: – Тайӧ карас гӧтырыд лоас кырсалысь аньӧн, ныв-пиыд кулас шыпурт помысь, мутӧ мурталӧмӧн юкласны. Пеж муын тэ кулан, а Израиль войтырӧс нуӧдасны пленӧ».