Осий 2:15 - Коми Библия 2023

¹⁵ Сэні Ме бӧр сета сылы ассьыс виноград йӧръяссӧ, Акор ковтыс лоӧ сылы лачасӧ сетысьӧн. Сэні сійӧ кутас кывзысьны томдырйиыс моз, Египетысь петігӧныс моз.

Осий 2:15 Iomraidhean Croise

Ӧксыяслӧн 3 небӧг 16:31

Сійӧ вӧчис сійӧ жӧ мыжъяссӧ, мый вӧчліс Неватлӧн Еровам пиыс. Но тайӧ вӧлі этша на. Сійӧ босьтіс гӧтырӧ сидонса Этваал ӧксылысь Езавель нывсӧ да кутіс кесъявны-юрбитны Вааллы.

Псалтыр 106:12

Господь раммӧдліс налысь сьӧлӧмсӧ сьӧкыд уджӧн. Найӧ усисны кок йывсьыныс, и отсалысьыс эз вӧв.

Псалтыр 129:1

Крамӧ мунігӧн сьылӧм. Господьӧй, пыдӧстӧм гусянь ме шыася Тэ дінӧ.

Исай 65:10

Менам войтырлы, коді корсьысьӧ Менӧ, Шарон ласта лоӧ ыжъяслы йирсянінӧн, Акор ковтыс – мӧсъяслы шойччанінӧн.

Исай 65:21

Найӧ кыпӧдасны керкаяс, и асьныс пондасны овны сэні, найӧ пуктасны виноград, и асьныс пондасны сёйны вотӧссӧ.

Еремей 2:1

Меным вӧлі Господьсянь кыв.

Еремей 2:2

Господь тшӧктіс меным мунны Ерусалимӧ да юӧртны сэні, мый Господь тадзи висьталӧ: – Ме эг вунӧд, кыдзи том дырйиыд тэ сьӧлӧмсянь кесъялін Меным, тэ радейтін Менӧ, кор тэ вӧлін Меным гӧтырпуӧн на, тэ мунін Ме бӧрся овтӧминӧд, кӧні нинӧм он кӧдз ни он быдты.

Еремей 29:11

Ме тӧда, мый Ме кӧсъя вӧчны тіянлы, – висьталӧ Господь. – Ме кӧсъя вӧчны тіянлы бурсӧ, а ог лёксӧ. Ме сета тіянлы лача да бур олӧм.

Еремей 3:4

Ӧні тэ шыасян Ме дінӧ: ”Батьӧй, менам томдырсянь Тэ вӧлін менӧ туйдӧдысьӧн.

Еремей 32:15

Ӧд Господь Саваоф, Израильлӧн Ен, тадзи висьталӧ: ”Тайӧ муас коркӧ бара кутасны ньӧбавны керкаяс, видз-му да виноград йӧръяс”.

Бӧрданкыв 3:21

Но лача кутӧмӧн ме аслым шуала:

Езекиль 16:22

Зывӧк уджъяс вӧчигад да кырсалігад тэныд юрад эз волы сійӧ кадыс, кор тэ вӧлін пасьтӧм, куйлін вирӧсь да чужъясин.

Езекиль 16:60

Ме ог вунӧд Ассьым йитӧдӧс, мый Ме кӧрталі тэкӧд том кадад, а вынсьӧда сійӧс пыр кежлӧ.

Езекиль 16:8

Бӧрынджык, кор Ме муні тэ бокті, Ме аддзи, мый воӧма тэнад мусукасян кадыд. Ме павкниті тэ вылӧ паськӧм дорышӧс да вевтти тэнсьыд куш яйтӧ. Ме кыв сеті тэныд, мый тэ лоан Менам, да кӧрталі тэкӧд йитӧд, – висьталӧ Господь Ыджыдыс. –

Езекиль 28:25

Господь Ыджыдыс тадзи висьталӧ: Ме чукӧрта Израиль войтырӧс мукӧд войтыръяс пӧвстысь, кытчӧ найӧс вӧлі разӧдӧма. Та пыр Ме петкӧдла Ассьым вежалунӧс мукӧд войтыръяслӧн син водзын. Израиль войтыр пондас овны аслас муын, мый Ме сеті Аслам Яков кесйӧглы.

Езекиль 28:26

Найӧ кутасны сэні повтӧг овны, лэптасны керкаяс да пуктасны виноград пуяс. Кутасны повтӧг овны, ӧд Ме мыжда на гӧгӧр олысь войтыръясӧс, кодъяс мустӧмтісны найӧс. Сэки найӧ тӧдмаласны, мый Ме – Господь, налӧн Ен».

Осий 11:1

– Кор Израиль вӧлі том на, сійӧ вӧлі муса Меным. Египет муысь Ме кори пиӧс.

Осий 12:13

Господь петкӧдіс Израиль войтырӧс Египетысь, пророк нуӧдіс найӧс, пророк пыр Господь видзис найӧс.

Осий 12:9

Но Ме, Господь, Египетысь петігад нин вӧлі тэнад Енмӧн. Чом вӧчан лунъяс дырйи моз Ме бара овмӧда тэнӧ чомъясӧ.

Осий 13:4

Но Ме, Господь, Египетысь петігад нин вӧлі тэнад Ен. Меысь ӧтдор мӧд енмыс тэнад абу, Меысь кындзи мӧд мездысьыс абу.

Осий 2:12

Бырӧда сылысь виноград да инжир пуяссӧ, мый йылысь сійӧ шуліс, тайӧн пӧ мусукъясӧй мынтысьлісны меным. Ме лэдза вӧрсявны сад йӧръясыслы, зверъяс куштасны-сёясны сэтысь ставсӧ.

Амос 9:14

Ме бӧр вайӧда пленысь Ассьым Израиль войтырӧс. Найӧ выльысь лэптасны кушмӧм каръяснысӧ да овмӧдчасны сэтчӧ. Найӧ пуктасны виноград пуяс, ассьыныс винасӧ кутасны юны. Сад йӧръясӧ пуктасны пуяс, налысь вотӧссӧ кутасны сёйны.

Закар 9:12

Бӧр локтӧй асланыд изкарӧ, пленӧ босьтӧмаяс, помӧдзыс лача кутысьяс. Талун Ме юӧрта, мый кык пӧвстӧн тэныд ставсӧ бӧр бергӧда.

Лыд 21:17

Сэки Израиль пиян сьылісны татшӧм сьылан: – Юкмӧсӧй, ло ва тыра! Сьылӧй юкмӧсыс йылысь!

Иоан 10:9

Ме эм ӧдзӧсыс. Меӧд пырысьыс мездмас. Сійӧ пырас, петас да йирсянін аддзас.

Ап. уджъяс 14:27

Воӧм бӧраныс найӧ чукӧртісны эскысьясӧс да висьталісны ставсӧ, мый вӧчис на пыр Енмыс, кыдзи Сійӧ восьтіс ентӧдтӧмъяслы эскӧмас ӧдзӧссӧ.

Нав Исус 7:26

Ӧнӧдз на тайӧ ыджыд из чукӧрыс сулалӧ сійӧ местаас, мый шуӧны Акор ковтысӧн сэні лоӧмтор вӧсна. Аканлӧн кулӧм бӧрын Господьлӧн скӧрлуныс лӧнис.

Ёрдысьяс 8:34

и вунӧдісны Господьӧс, ассьыныс Енсӧ, коді мездыліс найӧс на гӧгӧр олысь став вӧрӧгысь.