Олӧм 9:16 - Коми Библия 2023

¹⁶ Кор кымӧръясын мыччысяс [Менам] ӧшкамӧшка, Ме видзӧдла сы вылӧ да уськӧда тӧд вылӧ Ме да мувывса став ловъя олысьыс костын нэмъяс кежлӧ кӧрталӧм йитӧдӧс».

Олӧм 9:16 Iomraidhean Croise

Олӧм 17:13

Мед лоӧ вундыштӧма тіян ордын чужысьӧс и эзысь вылӧ ньӧбӧмаӧс. Тадзи Менам тіянкӧд пыр кежлӧ кӧрталӧм йитӧдсӧ лоӧ пасйӧма тіян вир-яйӧ.

Олӧм 17:19

Ен шуис: «Тэнад Сарра гӧтырыд чужтас тэныд пи, пуктан сылы Исаак ним. Ме кӧртала сыкӧд да сысянь чужысьяскӧд нэмъяс кежлӧ йитӧд [и Ме лоа сылӧн да сысянь чужысьяслӧн Енмӧн].

Олӧм 17:7

Ме кӧртала тэкӧд да тэсянь чужысьяскӧд нэмъяс кежлӧ йитӧд, Ме лоа тэнад да тэсянь чужысьяслӧн Енмӧн.

Олӧм 9:17

Ен шуис Нойлы: «Тайӧ лоӧ Ме да мувывса став олысьыс костын кӧрталӧм йитӧдлӧн пасӧн».

Ӧксыяслӧн 2 небӧг 23:5

Абу-ӧ татшӧм менам рӧдӧй Ен водзын? Енмыс пыр кежлӧ кӧрталіс мекӧд йитӧд – зумыдӧс да вежсьывлытӧмӧс. Быд кадӧ Сійӧ мездыліс менӧ, збыльмӧдліс менсьым кӧсйӧмъясӧс.

Исай 55:3

Локтӧй Ме дінӧ, сюся кывзӧй Менӧ! Кывзӧй Менӧ, и ті кутанныд овны! Давид дінӧ вежсьывлытӧм буралӧмӧй вӧсна Ме кӧртала тіянкӧд пыр кежлӧ йитӧд.

Еремей 32:40

Ме кӧртала накӧд пыр кежлӧ йитӧд: Ме ог бергӧдчы наысь, а пыр кута вӧчны налы бурсӧ. Ме пукта налӧн сьӧлӧмӧ вежавидзӧм, медым найӧ эз кежны Меысь.

Езекиль 34:26

Ме бурсиа найӧс да бурсиа Менам керӧс гӧгӧрысь мусӧ. Ас кадӧ Ме сета налы зэр, и сійӧ ваяс налы бурсиӧм.

Езекиль 37:26

Ме пыр кежлӧ кӧртала накӧд лӧньлун вайысь йитӧд да сета налы тайӧ мусӧ. Вӧча найӧс уна лыда войтырӧн да пыр кежлӧ сувтӧда на пӧвстӧ Ассьым вежаинӧс.

Еврейяслы 13:20

Лӧньлунсӧ сетысь Ен бырлытӧм йитӧдлӧн вирӧн ловзьӧдіс кулӧмысь миян Господь Исус Кристосӧс, ыжъяслысь вына Видзысьсӧ.