Олӧм 9:1 - Коми Библия 2023

¹ Ен бурсиис Нойӧс да сылысь пиянсӧ: «Чужтысьӧй-рӧдмӧй, овмӧдӧй мусӧ [да видзӧй сійӧс].

Олӧм 9:1 Iomraidhean Croise

Олӧм 1:22

Ен бурсиис найӧс шуалӧмӧн: «Чужтысьӧй-рӧдмӧй да олӧй саридзын, а лэбачьяс мед рӧдмасны му вылын».

Олӧм 1:28

Ен бурсиис найӧс шуалӧмӧн: «Чужтысьӧй-рӧдмӧй, овмӧдӧй мусӧ да видзӧй сійӧс, ыджыдалӧй саридзса черияс да енэжвыв лэбачьяс вылын, [мувыв пемӧсъяс вылын, став муыс да] му вылас став котралысь-веглясьысь вылын».

Олӧм 10:32

Тайӧ ставныс – Ной пиянсянь чужысьяс асланыс чужанкотыр да войтыр сертиныс. Ойдлӧм бӧрын насянь паськалісны войтыръяс став му пасьтала.

Олӧм 2:3

Ен бурсиис сизимӧд лунсӧ да вежӧдіс сійӧс, ӧд сэки шойччис став Аслас уджысь.

Олӧм 24:60

Ревеккаӧс бурсиисны татшӧм кывъясӧн: «Чойӧ, мед чужасны тэсянь сюрсъяс! Тэсянь чужысьяс мед босьтасны найӧс мустӧмтысьяслысь каръяссӧ!»

Олӧм 35:11

Нӧшта Ен шуис сылы: – Ме – Ставсӧвермысь Ен. Рӧдмы-чужтысь, тэсянь петасны войтыръяс, тэсянь чужасны ӧксыяс.

Олӧм 8:17

Петкӧд аскӧдыд став пемӧссӧ, кодъяс тэкӧд, быд ловъя олысьсӧ – лэбачьясӧс, ыж-мӧскӧс, мувыв гаг-веглясьысьясӧс. Мед найӧ чужтысясны-рӧдмасны да паськӧдчасны му вылын».

Олӧм 9:19

Куимнанныс найӧ Нойлӧн пиян, насянь рӧдмис став йӧзыс.

Олӧм 9:2

Мед став вӧрса [да гортса] пемӧсыс, став енэжвыв лэбачыс, му вылас став котралысь-веглясьысьыс да став саридзса чериыс поласны-тіраласны тіянысь – Ме сета найӧс тіян киӧ.

Олӧм 9:7

Чужтысьӧй-рӧдмӧй да паськӧдчӧй му вылас».

Псалтыр 112:1

Аллилуйя! Господьлӧн кесйӧгъяс, ошкӧй Господьлысь нимсӧ!

Исай 51:2

Видзӧдлӧй Ӧвраам батьныд вылӧ да тіянӧс чужтысь Сарра вылӧ. Кор Ме чукӧсті Ӧвраамӧс, сійӧ вӧлі ныв-питӧм на, но Ме бурсии сійӧс, рӧдмӧді сысянь уна чужысьӧс.