Олӧм 50:25 - Коми Библия 2023

²⁵ Ӧсип шуис Израиль пиянлы: «Кыв сетӧй, мый петкӧданныд менсьым лыясӧс Египетысь, кор Енмыс волас тіянла».

Олӧм 50:25 Iomraidhean Croise

Олӧм 50:5

мый кулігас батьӧй тшӧктіс гуавны сійӧс Ханаан муӧ аслыс водзвыв лӧсьӧдӧм дзебанінӧ. Ме кыв сеті сылы. Та вӧсна корӧй фараонӧс, мед сійӧ лэдзас менӧ мунны да дзебны ассьым батьӧс. Сэсся ме бӧр локта». [Ӧсиплысь кывъяссӧ висьталісны фараонлы.]

Петӧм 13:18

Та вӧсна Ен нуӧдіс войтырсӧ Гӧрд саридзлань кытшола туйӧд, овтӧминті. Израиль войтыр петіс Египет муысь тышкайӧз моз чукӧръясӧн.

Петӧм 13:19

Мӧисей босьтіс аскӧдыс Ӧсиплысь лыяссӧ, ӧд Израиль пиянлысь Ӧсип вӧлі босьтӧма кыв. Сійӧ шулӧма: «Кор Енмыс локтас тіянла, татысь петіганыд босьтӧй аскӧдныд менсьым лыясӧс».

Петӧм 3:17

Ме шуи, мый Ме мезда тіянӧс египетсаяслӧн дзескӧдӧмысь да петкӧда ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ, кӧні визувтӧ йӧв да ма”.

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Ап. уджъяс 7:16

Сэсся налысь шойяссӧ вайисны Сикемӧ да гуалісны. Гусӧ Ӧвраам ньӧблӧма эзысь вылӧ Сикемын олысь Хамор пиянлысь.

Еврейяслы 11:22

Эскӧмӧн Ӧсип кулӧм водзвылас висьталіс пияныслы Израиль войтырлӧн Египетысь петӧм йылысь да тшӧктіс петкӧдны налы ассьыс лыяссӧ.

Нав Исус 24:32

Ӧсиплысь лыяссӧ, мый израильсаяс петкӧдісны Египетысь, найӧ дзебисны Сикемӧ, му юкӧнӧ, мый Яков ньӧбис Хамор пиянлысь эзысь вылӧ. Хамор вӧлі Сикемлӧн бать. Тайӧ му юкӧныс пырис Ӧсипсянь чужысьяслы вичмӧдӧм муас.

Руфа 1:6

Ноеминь шуис бӧр мунны аслас чужанінӧ, ӧд сылы кывсис, мый Господь тӧждысьӧма Аслас войтырыс вӧсна – сетӧма налы нянь. Моньясыс шуисны тшӧтш мунны сыкӧд.