Олӧм 49:9 - Коми Библия 2023

⁹ Иуда, тэ – том лев, пиӧй, тэ – кыйсьӧм бӧрын кыпӧдчысь лев, тэ лев моз водан да куйлан. Коді лысьтас садьмӧдны тэнӧ?

Олӧм 49:9 Iomraidhean Croise

Ӧксыяслӧн 3 небӧг 10:20

Нӧшта вӧчисны дас кык левӧс, кодъяс сулалісны квайт тшупӧд вылын ӧтар-мӧдар бокас. Татшӧм пуклӧсыс эз вӧв сэсся некутшӧм муын.

2 Каднебӧг 9:18

Юралан пуклӧс бердас йитісны квайт тшупӧда сод да зарниысь вӧчӧм кок пуктанін. Пуклӧс ӧтар-мӧдарладорас вӧчисны гырддзаув, а быд гырддзаув дорӧ вӧчисны левӧс.

Езекиль 19:5

Лев мам виччысис, сэсся аддзис, мый лачасӧ воштіс, сэки босьтіс мӧд писӧ да быдтіс сійӧс.

Осий 5:14

Лев моз Ме уськӧдча Ефрем вылӧ, том лев моз чеччышта Иуда чужанкотыр вылӧ. Ме косявла найӧс, пышйӧда кыйдӧсӧс моз, и некод найӧс оз мезды.

Осий 5:4

Налӧн уджъясныс оз лэдзны налы бергӧдчыны асланыс Ен дінӧ, ӧд на пытшкын кырсалан ру, найӧ оз тӧдны Господьӧс.

Микей 5:8

Войтыръяс пӧвстын Яков рӧдлӧн колясыс лоӧ вӧрса зверъяс пӧвстын олысь лев кодь, ыж чукӧр вылӧ уськӧдчысь том лев кодь. Сійӧ уськӧдчӧ, талялӧ-косявлӧ, и сыысь мездысьны некод оз вермы.

Лыд 23:24

Израиль войтыр сувтӧ лев моз, лев моз чеччӧ да оз вод, кытчӧдз оз сёй кыйдӧссӧ, оз ю виӧмалысь вирсӧ.

Лыд 24:9

Ті воданныд да куйланныд левъяс моз. Коді лысьтас чеччӧдны тіянӧс? Тіянӧс бурсиысьясӧс лоӧ бурсиӧма, тіянӧс ёрысьясӧс – ёрӧма.

1 Коринфӧ 15:24

Кор Кристос бырӧдас быдпӧлӧс ыджыдалысьясӧс, веськӧдлысьясӧс да вынаясӧс, сэки Ассьыс юралӧмсӧ Сійӧ сетас Ен Батьыслы. Та бӧрти лоӧ пом.

Индӧд 33:20

Гад чужанкотыр йылысь Мӧисей шуис: – Ошкӧм Сылы, коді Гадлысь мусӧ паськӧдӧ! Гад олӧ лев моз, чашйӧ вӧрӧглысь сойсӧ да юрсӧ.

Восьтӧм 5:5

Сэки юрнуӧдысьяс пиысь ӧти шуис меным: «Эн бӧрд! Иуда чужанкотырысь, Давид чужанвужйысь Лев вермӧма! Сійӧ разяс тайӧ гижӧдсӧ да жугӧдас сизимнан печатьсӧ».