Олӧм 49:29 - Коми Библия 2023

²⁹ Яков шуис пияныслы: «Ме вуджа аслам батьяс дінӧ. Дзебӧй менӧ накӧд орччӧн кырта горсйӧ, мый хеттей Ефронлӧн му вылас.

Олӧм 49:29 Iomraidhean Croise

Олӧм 15:15

Тэ вуджан аслад батьяс дінӧ лӧнь сьӧлӧмӧн да шудаӧн. Ыджыд арлыдаӧн дзебасны тэнӧ.

Олӧм 23:16

Тайӧс кылӧм бӧрын Ӧвраам торйӧдіс нёльсё сикель сьӧкта эзысь – татшӧм дон вӧлі лӧсьӧдӧма вузасьысьяс костын.

Олӧм 23:17

Тадзи Макпелаысь Мамре дорысь Ефронлӧн муыс кырта горснас да пуяснас вуджис

Олӧм 23:20

Тадзи тайӧ муыс да кырта горсйыс хеттейяссянь вуджисны Ӧвраамлы, и сэтчӧ кутісны дзебны кулӧмаясӧс.

Олӧм 23:9

мед вузалас меным аслас му помысь Макпела кырта горссӧ. Мыйта корас, сы мында и мынта сылы тіян дырйи. Сэки тайӧ кырта горсйыс лоӧ менам рӧдлы дзебанінӧн».

Олӧм 35:27

Яков локтіс аслас Исаак бать дінӧ Мамреӧ, тайӧ Киръят-Арбаын, ӧнія Хеврон карын [Ханаан муын]. Сэні коркӧ оліс Ӧвраам, сэсся оліс Исаак.

Олӧм 35:29

Сійӧ куліс пӧрысь кадӧ, олӧмнас пӧтӧмаӧн вуджис батьясыс дінӧ. Исав да Яков пияныс дзебисны сійӧс.

Олӧм 47:30

Кор ме вуджа аслам батьяс дінӧ, ну менсьым шойӧс Египетысь да гуав батьяслӧн дзебанінӧ». Ӧсип шуис: «Вӧча тэнад корӧм серти».

Олӧм 49:28

Тайӧ – Израильлӧн дас кыкнан чужанкотырыс. Пиянсӧ бурсиигас батьныс висьталіс ставсӧ тайӧс. Сійӧ быдӧнӧс бурсиис торйӧн.

Олӧм 49:33

Пияныслы тайӧс висьталӧм бӧрын Яков водіс вольпасяс да куліс – вуджис батьясыс дінӧ.

Олӧм 50:12

Яковлӧн пияныс ставсӧ вӧчисны батьныслӧн тшӧктӧм серти.

Олӧм 50:13

Нуисны сылысь шойсӧ Ханаан муӧ да дзебисны кырта горсйӧ, коді Макпела му вылын Мамре дорын. Тайӧ мусӧ да кырта горссӧ Ӧвраам ньӧбліс хеттей Ефронлысь, медым сэтчӧ дзебны кулӧмаясӧс.

Ӧксыяслӧн 2 небӧг 19:37

Сэсся лэдз менӧ бӧр мунны. Ме кӧсъя кувны аслам чужан карын, кӧні дзебӧма менсьым бать-мамӧс. А тэкӧд, ӧксыӧй-ыджыдӧй, мед мунас Кимхам [пиӧй], тэнад кесйӧгыд. Вӧч сылы, мый чайтан колана».

Еврейяслы 12:23

да гажӧдчысь йӧз чукӧр дінӧ. Найӧ – Енлӧн медводдза чужысьяс, налысь нимъяссӧ гижӧма енэжас. Ті матыстчинныд став йӧзсӧ мыждысь Ен дінӧ да тыр-бурас воӧм веськыда олысьяслӧн ловъяс дінӧ.