Олӧм 48:16 - Коми Библия 2023

¹⁶ Андел, коді мездіс менӧ быдпӧлӧс лёкысь, мед бурсиас тайӧ зонъяссӧ. На пыр мед нималас менам нимӧй, тшӧтш Ӧвраам да Исаак батьяслӧн нимъясыс. Насянь мед уна чужысь лоас му вылын.

Олӧм 48:16 Iomraidhean Croise

Олӧм 22:11

Но Господьлӧн андел шыасис енэжсянь: «Ӧвраам, Ӧвраам!» «Ме тані», – вочавидзис Ӧвраам.

Олӧм 22:15

Господьлӧн андел мӧдысь шыасис Ӧвраам дінӧ енэжсянь:

Олӧм 32:28

Мӧдыс шуис: «Ӧнісянь тэнад нимыд оз ло Яков, а Израиль, ӧд тэ вермасин Енкӧд да йӧзкӧд, и вермин».

Олӧм 46:3

Ен шуис: «Ме – Ен, тэнад батьлӧн Ен. Эн пов мунны Египетӧ. Сэні Ме сета тэсянь чужны унасьыс-уна войтырлы.

Олӧм 48:5

Тэнад кыкнан пиыд, Ефремыд да Манассейыд, кодъяс чужисны Египетын менам тэ дорӧ локтӧдз, Рувим да Симеон моз лоӧны менам пиянӧн.

Олӧм 49:22

Ӧсип – ю весьтын быдмысь вотӧса пулӧн вож, быдмӧ-кыпӧдчӧ стен пӧлӧн.

Ӧксыяслӧн 2 небӧг 4:9

Давид шуис Рекавлы да Баанлы, беротса Риммонлӧн пиянлы: «Коркӧ Сиклагын ӧти морт висьталіс меным Сауллӧн [да Ионафанлӧн] кулӧм йылысь. Сійӧ чайтіс, мый нимкодь юӧр вайӧ, но аттьӧалӧм пыдди ме босьті да вии сійӧс. А ӧні ті, лёк вӧчысьяс, виинныд мыжтӧм мортӧс аслас керкаын вольпась вылас. Ме кыв сета ловъя Господь водзын, менӧ быд лёксьыс Мездысьӧй водзын: ме тіянлысь водзӧс перъя Ишвошетлысь вирсӧ кисьтӧмысь да бырӧда тіянӧс му вывсьыс».

Ӧксыяслӧн 3 небӧг 1:29

Ӧксы кыв сетіс сылы: «Ловъя Господь водзын, коді мездыліс менӧ быд лёксьыс,

2 Каднебӧг 7:14

и Менам нимӧн пасйӧм войтырӧй кӧ раммӧдчас, шыасяс Ме дінӧ кевмысьӧмӧн, эновтчас аслас лёк туйясысь да кутас корсьны Менӧ, сэки Ме кыла найӧс енэжсяньыс, прӧстита налысь мыжсӧ да бурдӧда налысь мусӧ.

Псалтыр 121:7

Тэнад карса стенъяс вылын мед лоӧ лӧнь олӧм, тэнад изкарын – бур олӧм.

Псалтыр 34:2

Босьт Ассьыд ичӧт да ыджыд сайӧдтӧ, лок меным отсӧг вылӧ.

Псалтыр 34:22

Господьӧй, эн чӧв ов, Тэ ӧд аддзылін тайӧс, Ыджыдӧй, эн ылыстчы меысь.

Псалтыр 34:7

Ме нинӧм лёксӧ эг вӧч, но найӧ пуктісны нальк, медым кыйны менӧ, кодйисны джуджыд гу, медым босьтны менсьым олӧмӧс.

Псалтыр 34:8

Найӧс мед тӧдлытӧг суас бырӧдӧмыс, найӧ мед асьныс шедасны меным пуктӧм налькйӧ, усясны асланыс гуӧ.

Петӧм 1:7

Израиль войтырлӧн чужис зэв уна ныв-пи. Тадзи войтырыс ёна содіс да паськаліс став му пасьталаыс.

Исай 47:4

Миян Мездысьным – Израильлӧн вежа Ен, Сылӧн нимыс – Господь Саваоф!

Исай 63:9

сьӧкыд кадӧ Сійӧ вӧлі накӧд, Сылӧн анделыс отсаліс налы. Аслас муслуныс да бурлуныс вӧсна Сійӧ мездывліс найӧс, новлӧдліс найӧс ки вылас став важся лунъясӧ.

Еремей 14:9

Мыйла Тэ шӧйӧвошӧм морт кодь, мездыны вермытӧм вына тышкаморт кодь? Но Тэ, Господьӧй, миян пӧвстын, миянӧс сиӧма Тэныд, эн эновт миянӧс!

Еремей 15:21

Ме мезда тэнӧ лёк йӧзлӧн киысь, нетшышта тэнӧ дзескӧдысьяслӧн кабырысь.

Амос 9:12

Сэки Израиль кутас ыджыдавны Эдомлӧн коляс войтырыс вылын да став войтыръяс вылын, кодъясӧс Ме шуа Асламӧн, – висьталӧ Господь, ставсӧ тайӧс Вӧчысь.

Малакий 3:1

Ме ыста Ассьым юӧртысьӧс, сійӧ Меным туй дасьтас. Виччысьтӧг локтас Аслас крамӧ Господь, кодӧс ті корсянныд, локтас йитӧд йылысь юӧртысь, кодӧс ті виччысянныд. Со, Сійӧ локтӧ нин, – висьталӧ Господь Саваоф. –

Лыд 1:46

Ставнас вӧлі арталӧма квайтсё куим сюрс витсё ветымын мортӧс.

Матвей 6:13

Эн сет миянлы ылавны, но видз миянӧс омӧльысь. Ӧд Тэнад Юралӧмыд, выныд да дзирдлуныд помасьлытӧм. Аминь.

Иоан 17:15

Ог кевмы босьтны найӧс муюгыдсьыс, но кевма, мед Тэ видзин найӧс омӧльысь.

Ап. уджъяс 15:17

Сэки кутасны корсьны Господьӧс мукӧд йӧз, войтыръяс, кодъясӧс Ме шуа Асламӧн, – висьталӧ Господь, ставсӧ тайӧс Вӧчысь.

Римӧ 8:23

Да оз сӧмын найӧ, тшӧтш ми, кодъяслӧн эм Енсянь Лолыс, тайӧ медводдза сетӧмторйыс, ружтӧмӧн-ойзӧмӧн виччысям Енлӧн ныв-пиӧн лоӧмсӧ, вир-яйным вӧсна вештысьӧмсӧ.

1 Коринфӧ 10:4

ставныс юисны ӧти ва – Ловсянь ва. Ӧд найӧ юисны Ловсянь сетӧм изйысь, коді ветлӧдліс накӧд. Тайӧ изйыс вӧлі Кристос.

1 Коринфӧ 10:9

Энӧ дӧзмӧдӧй Кристосӧс, кыдзи дӧзмӧдісны кодсюрӧ миян батьяс пӧвстысь, сэсся найӧ кулісны змейясысь.

Индӧд 28:10

Мувывса войтыръяс аддзасны, мый ті Господьлӧн [тіян Енлӧн] войтыр, да кутасны повны тіянысь.

Индӧд 33:17

Ӧсиплӧн выныс медводдза чужысь ӧшлӧн кодь, сылӧн сюръясыс вӧлявывса ӧшлӧн кодьӧсь, наӧн люкалӧ войтыръясӧс, вӧтлӧ найӧс му помӧдзыс. Татшӧмӧсь Ефрем чужанкотырлӧн лыдтӧм-тшӧттӧм йӧзыс, Манассей чужанкотырлӧн уна сюрс йӧзыс.

2 Тимофейлы 4:18

Тӧда, Сійӧ видзас менӧ став лёксьыс, мездас да вайӧдас Аслас енэжвыв Юраланінӧ. Ошкӧм Сылы нэмъяс чӧж! Аминь.

Титлы 2:14

Кристос сетіс Асьсӧ миян вӧсна, медым мездыны миянӧс быд лёксьыс, сӧстӧммӧдны миянӧс да торйӧдны Аслыс войтырӧс, коді сьӧлӧмсяньыс пондас вӧчны бурсӧ.

Еврейяслы 11:21

Кулігас Яков эскӧмӧн бурсиис Ӧсиплысь пиянсӧ да бедь вылас мыджсьӧмӧн юрбитіс Енлы.

Нав Исус 17:17

Но Исус вочавидзис Ӧсипсянь чужысьяслы, Ефрем да Манассей чужанкотыръяслы: «Ті уна лыдаӧсь да вынаӧсь. Тіянлы оз сӧмын ӧти му юкӧн вичмы,