Олӧм 47:9 - Коми Библия 2023

⁹ Яков вочавидзис: «Сё комын во ме ола-ветлӧдла му вылас. Тайӧ абу на дыр. Менам батьяс дырджык на олісны. А менам олан лунъясӧй дженьыдӧсь да шогӧн тырӧмаӧсь».

Олӧм 47:9 Iomraidhean Croise

Олӧм 11:11

Арфаксад чужӧмсянь Сим оліс витсё во. Сылӧн чужисны на пиян да нывъяс. [Сэсся сійӧ куліс.]

Олӧм 35:28

Исаак оліс сё кӧкъямысдас арӧсӧдз.

Олӧм 47:28

Дас сизим во на оліс Яков Египет муын, сё нелямын сизим арӧсӧдз.

Олӧм 47:8

Фараон юаліс Яковлысь: «Кымын арӧс тэныд?»

Олӧм 5:27

Метушал оліс ӧкмыссё квайтымын ӧкмыс арӧсӧдз, сэсся куліс.

Олӧм 50:26

Ӧсип куліс сё дас арӧсаӧн. Сылысь шойсӧ бальзамируйтісны да пуктісны Египетын гортйӧ.

1 Каднебӧг 29:15

Тэ водзын ми батьясным моз йӧз муысь локтысьяс. Му вылас миян олан лунъясным вуджӧр кодь, миянлы нинӧм вылӧ лачанымӧс кутны.

Иов 14:1

Аньсянь чужысь дженьыд нэма, мортлӧн олӧмыс тырӧма шогӧн.

Псалтыр 39:12

Господьӧй, эн тупкы меысь Ассьыд бурлунтӧ. Тэнад буралӧмыд да збыльыд мед дугдывтӧг видзасны менӧ.

Псалтыр 39:13

Лыдтӧм-тшӧттӧм шогъяс кытшалӧны менӧ, менам мыжъясӧй суӧдісны менӧ, та вӧсна менам синмӧй бердӧма. Менам мыжъяслӧн лыдыс юрси сі дорысь унджык, менам сьӧлӧмӧй дзикӧдз нюкыртчис.

Псалтыр 39:5

Шуда сійӧ мортыс, коді лача кутӧ Господь вылӧ, а оз шыась вылӧ кыпӧдчысьяс да ылӧгас кежысьяс дінӧ.

Петӧм 6:4

Ме кӧрталі накӧд йитӧд, кӧсйыси сетны налы Ханаан му, кӧні найӧ вӧліны ветлысь-мунысьяс.

Петӧм 7:7

Мӧисейлы вӧлі кӧкъямысдас арӧс, а сылӧн Аарон воклы – кӧкъямысдас куим, кор найӧ сёрнитісны фараонкӧд.

2 Коринфӧ 5:6

Сійӧн ми пыр повтӧмӧсь, кӧть тӧдам, мый тайӧ вир-яяс олігӧн ми ылынӧсь Господьысь.

Индӧд 34:7

Мӧисейлы вӧлі сё кызь арӧс, кор сійӧ куліс. Но синмыс сылӧн вӧлі бур, выныс сылӧн эз чинлы.

Еврейяслы 13:14

Ӧд пыр кежлӧ олӧм вылӧ миянлы абу тані карыс, ми виччысям выль кар.

Яков 4:14

Но ті весиг онӧ тӧдӧй, мый ваяс тіянлы аскиа луныс. Ӧд тіян олӧмныд ру кодь, петкӧдчылас дженьыдик кад кежлӧ, а сэсся бырас.

Нав Исус 24:29

Тайӧ лоӧмторъяс бӧрын Навлӧн Исус пиыс, Господьлӧн кесйӧг, кувсис. Сылы вӧлі сё дас арӧс.

1 Петыр 2:11

Мусаяс, тайӧ му вылас ті ветлысь-мунысьяс кодьӧсь. Ёна кора тіянӧс: энӧ кывзысьӧй асланыд вир-яйлӧн лёк кӧсйӧмъяслысь, ӧд найӧ тышкасьӧны тіян ловкӧд.