Олӧм 47:29 - Коми Библия 2023

²⁹ Израильлы воис кад кувны, и сійӧ корис Ӧсип писӧ да шуис сылы: «Ло бур сьӧлӧма ме дінӧ. Менам лядьвейӧ китӧ пуктӧмӧн кыв сет, мый он гуав менӧ Египетӧ.

Олӧм 47:29 Iomraidhean Croise

Олӧм 24:2

Овмӧснас веськӧдлысь кесйӧгыслы Ӧвраам шуис: «Менам лядьвейӧ китӧ пуктӧмӧн

Олӧм 24:49

Ӧні тіян сайын, лоанныд-ӧ бур сьӧлӧмаӧн менам ыджыдӧй дінӧ да вӧчанныд-ӧ сылӧн корӧм серти. Висьталӧй меным, сэки ме кута тӧдны, мый меным вӧчны».

Олӧм 27:2

Исаак шуис: «Ме пӧрысьми. Дыр-ӧ меным колис овны, ог тӧд.

Олӧм 3:19

Пӧсь петтӧдзыд пондан уджавны няньыд вӧсна. Сэсся бӧр бергӧдчан муӧ, кытысь босьтӧма тэнӧ. Муысь вӧчӧма тэнӧ, муӧ бӧр и бергӧдчан».

Олӧм 47:9

Яков вочавидзис: «Сё комын во ме ола-ветлӧдла му вылас. Тайӧ абу на дыр. Менам батьяс дырджык на олісны. А менам олан лунъясӧй дженьыдӧсь да шогӧн тырӧмаӧсь».

Олӧм 48:21

Израиль шуис Ӧсиплы: «Ме регыд кула, но Енмыс лоӧ тіянкӧд. Сійӧ бӧр вайӧдас тіянӧс батьясныдлӧн муӧ.

Олӧм 50:12

Яковлӧн пияныс ставсӧ вӧчисны батьныслӧн тшӧктӧм серти.

Олӧм 50:5

мый кулігас батьӧй тшӧктіс гуавны сійӧс Ханаан муӧ аслыс водзвыв лӧсьӧдӧм дзебанінӧ. Ме кыв сеті сылы. Та вӧсна корӧй фараонӧс, мед сійӧ лэдзас менӧ мунны да дзебны ассьым батьӧс. Сэсся ме бӧр локта». [Ӧсиплысь кывъяссӧ висьталісны фараонлы.]

Ӧксыяслӧн 2 небӧг 14:14

Ми ставным коркӧ кулам, лоам муӧ кисьтӧм ва кодьӧн, кодӧс бӧр он курав. Но Енмыс оз кӧсйы бырӧдны мортсӧ. Мӧдарӧ, Сійӧ зільӧ сибӧдны ӧтдортӧмаӧс.

Ӧксыяслӧн 2 небӧг 2:32

Асаиллысь шойсӧ нуисны Виплиемӧ да пуктісны батьыслӧн дзебанінӧ. Йоав аслас йӧзкӧд войбыд муніс да асъядорыс воис Хевронӧ.

Ӧксыяслӧн 2 небӧг 7:12

Кор помасясны тэнад олан лунъясыд, и тэ кутан куйлыны аслад батьяс дінын, сэки Ме пукта ӧксыӧ тэсянь чужысьӧс да зумыдмӧда сылысь юралӧмсӧ.

Ӧксыяслӧн 3 небӧг 2:1

Кулӧм водзвылас Давид колис Соломон пиыслы ассьыс тшӧктӧмъяссӧ. Сійӧ шуис:

Иов 14:14

Кутас-ӧ мортыс кулӧм бӧрас бара овны? Сьӧкыда мырсигӧн ме виччыся, кор нин локтас менӧ вежысь.

Иов 30:23

Ме тӧда: Тэ менӧ вайӧдан кулӧмас, сэтчӧ, кытчӧ чукӧртчас став ловъя олысьыс.

Иов 7:1

Мортлӧн олӧмыс му вылын – сьӧкыда уджалӧм, сылӧн олан лунъясыс – медалӧм мортлӧн кодьӧсь.

Псалтыр 49:7

– Кывзӧй, Менам войтырӧй, ӧні Ме кута сёрнитны. Израиль, Ме кута сёрнитны тэныд паныд. Ме – Ен, тэнад Енмыд.

Псалтыр 49:9

Меным оз ковны тэнад вевт улысь ӧшъяс, оз ковны тэнад йӧрысь кӧзаяс,

Псалтыр 6:5

Господьӧй, бергӧдчы мелань, видз менсьым лолӧс! Мезды менӧ, ӧд Тэ бур сьӧлӧма!

Индӧд 31:14

Господь шуис Мӧисейлы: «Регыд тэ кулан. Чукӧст Исусӧс, сэсся сувтӧй сыкӧд вежа чом [пыранін] дорӧ. Сэні Ме сета сылы тшӧктӧмъяс». Мӧисей Исускӧд локтісны да сувтісны вежа чом [пыранін] дорӧ.

Индӧд 31:16

Господь шуис Мӧисейлы: «Регыд тэ вуджан батьясыд дінӧ. А тайӧ войтырыс эновтас Менӧ сійӧ муас, кытчӧ пырас. Кырсалысь ань моз найӧ сетчасны мукӧд енъяслы да торкасны йитӧдӧс, мый Ме кӧрталі накӧд.

Еврейяслы 11:22

Эскӧмӧн Ӧсип кулӧм водзвылас висьталіс пияныслы Израиль войтырлӧн Египетысь петӧм йылысь да тшӧктіс петкӧдны налы ассьыс лыяссӧ.

Еврейяслы 9:27

Мортыслы шуӧма кувны ӧтчыдысь, сэсся лоӧ мыждӧм.

Нав Исус 2:14

Кыйӧдчысьяс шуисны сылы: «Вӧчам корӧмыд серти, а огӧ кӧ вӧчӧй, мед ми кулам тіян пыдди. Но миян йылысь некодлы энӧ висьталӧй. И кор Господь сетас миянлы тайӧ мусӧ, сэки ми лоам бур сьӧлӧмаӧсь тэ дінӧ да ассьыным кывнымӧс кутам».

Нав Исус 23:14

Меным воис кад мунны сэтчӧ, кытчӧ мунӧ мувывса быд олысь. Ас пытшканыд, асланыд сьӧлӧманыд, ті тӧданныд, мый Господь Енныдлӧн тіянлы кӧсйысьӧм кывйысь нинӧм збыльмытӧг эз коль, ставыс иніс.

Ӧксыяслӧн 1 небӧг 26:10

Ловъя Господь водзын шуа: Ачыс Господь бырӧдас сійӧс. Ас кулӧмнас либӧ тышын кулас сійӧ. А Господь мед видзас менӧ Сылӧн мавтыштӧма вылӧ киӧс лэптӧмысь.