Олӧм 47:25 - Коми Библия 2023

²⁵ Найӧ шуисны: «Тэ видзин олӧмнымӧс. Тэ бур сьӧлӧма миян дінӧ, ыджыдным. Талунсянь лоам кесйӧг туйынӧсь фараонлы».

Олӧм 47:25 Iomraidhean Croise

Олӧм 18:3

шуис: «Ыджыдӧй, ме кӧ лои шогмана Тэныд, пырав Аслад кесйӧгыд дінӧ.

Олӧм 32:6

Юӧр нуысьяс бӧр локтісны Яков дінӧ да шуисны: «Ми ветлім тэнад Исав вокыд дінӧ. Сійӧ ачыс локтӧ тэнӧ вочаавны, и сыкӧд локтӧ нёльсё морт».

Олӧм 33:15

Исав шуис: «Коля тэ дінӧ ассьым некымын мортӧс». Яков шуис: «Оз ков! Меным тырмана, мый тэ бур сьӧлӧма ме дінӧ, ыджыдӧй!»

Олӧм 41:45

Фараон пуктіс Ӧсиплы Цафнат-Панеах ним, сетіс сылы гӧтырӧ Асенатаӧс, Он карысь Поти-Пер поплысь нывсӧ. Ӧсип лӧсьӧдчис кытшовтны ставнас Египет мусӧ.

Олӧм 47:24

Но кор кутанныд вундыны, витӧд пайсӧ вайӧй фараонлы. Витсьыс нёльсӧ кольӧй кӧйдыс вылӧ и челядьныдкӧд да гортсаясныдкӧд сёйӧм вылӧ».

Олӧм 47:26

Фараонлы витӧд пай сетӧм йылысь тшӧктӧмыс, мый лӧсьӧдіс Ӧсип, ӧнӧдз вына Египет муын. Сӧмын попъяслӧн муыс эз вудж фараонлы.

Олӧм 50:20

Ті мӧвпалінныд лёк вӧчны меным, но Енмыс тайӧс бергӧдіс бур вылӧ, медым видзны уна йӧзлысь олӧмсӧ.

Олӧм 6:19

Пырт ковчегӧ быд пемӧсысь гозйӧн, айӧс да эньӧс. Найӧ мед тэкӧд тшӧтш ловйӧн колясны.

Руфа 2:13

Руфа вочавидзис: «Ыджыдӧй, тэ зэв бур сьӧлӧма ме дінӧ. Ме ог шогмы лоны тэныд весиг кесйӧг туйӧ. Но тэ бурмӧдін менсьым сьӧлӧмӧс аслад кывъясӧн».