Олӧм 45:11 - Коми Библия 2023

¹¹ Сэні ме верда тіянӧс, и аслад котырыдкӧд тэ он пӧр корысьӧ. Ӧд тшыг кад кыссяс вит во чӧж на”.

Олӧм 45:11 Iomraidhean Croise

Олӧм 45:12

Видзӧдӧй, тайӧ ме сёрнита тіянкӧд. Венямин вокӧй, тайӧ ме!

Олӧм 47:12

Ӧсип могмӧдіс няньӧн ассьыс батьсӧ, вокъяссӧ да налысь котыръяссӧ. Быд котырлы няньсӧ сетіс челядь лыд серти.

Олӧм 47:6

Египет муыс ставнас тэ водзын, медбур местаас овмӧд батьтӧ да вокъястӧ. Мед оласны Гошен муын. И сюрас кӧ на пӧвстысь тӧлка йӧз, пукты найӧс веськӧдлыны менам ыж-мӧс видзысьясӧн».

Олӧм 50:21

Энӧ полӧй. Ме кута вердны тіянӧс да тіянлысь челядьнытӧ». Тадзи лӧньӧдіс найӧс, бурӧдіс налысь сьӧлӧмнысӧ.

Эсфир 10:3

Иудей Мардокей вӧлі Артаксеркс ӧксы бӧрся медыджыд морт. Иудейяс пӧвстын Мардокей вӧлі пыдди пуктана да радейтана, ӧд сійӧ кӧсйис сӧмын бурсӧ аслас войтырлы да тӧждысис на вӧсна. [Мардокейлӧн висьталӧм: «Ставыс тайӧ вӧлі Енсянь. Тайӧ лоӧмторъяс йылысь вӧтӧй ставнас иніс, и ме ог вунӧд сійӧс. Ичӧт ва петанін лои юӧн. Вӧлі югыд, вӧлі шонді да уна ва. Юыс вӧлі Эсфир, кодӧс ӧксы босьтіс гӧтырӧ да пуктіс ӧксы-аньӧ. Кык гундырыс – тайӧ ме да Аман. Войтыръяс чукӧртчисны бырӧдны иудейясӧс, но менам Израиль войтырӧй шыасис Ен дінӧ да мездмис. Господь мездіс Ассьыс войтырсӧ, видзис миянӧс став лёксьыс. Енмыс петкӧдліс индысьпасъяс да вӧчис ыджыд шензьӧданаторъяс – татшӧмыс некор эз вӧвлы мукӧд войтыръяс пӧвстын. Енмыс лӧсьӧдіс Аслас войтырлы ӧтитор, мукӧд войтыръяслы – мӧдтор, тадзи Аманлысь пудъясьӧмсӧ бергӧдіс мӧдарӧ. Воис кад инны пудъясьӧмыслы, воис лун мыждыны Енлы войтыръясӧс. Енмыс эз вунӧд Ассьыс войтырсӧ, веськыда вӧчис Аслас бӧрйӧм войтырлы. Та вӧсна быд во нэмъяс чӧж адар тӧлысь дас нёльӧд да дас витӧд лунъясӧ Енлӧн Израиль войтыр мед чукӧртчас Ен водзӧ да гажӧдчас нимкодясьӧмӧн». Птоломейлӧн да Клеопатралӧн нёльӧд ӧксыалан воӧ Досифей да сылӧн Птоломей пиыс вайӧмаӧсь пурим йылысь тайӧ гижӧдсӧ Александрия карӧ. Шуӧны, мый Досифейыс вӧлӧма попӧн да левитӧн. Гижӧдсӧ вуджӧдіс Птоломейлӧн Лисимах пиыс, коді оліс Ерусалимын.]

1 Тимофейлы 5:4

Эм кӧ дӧвалӧн ныв-пи либӧ ныв-пиыслӧн ныв-пи, найӧ мед вежавидзӧмӧн тӧждысясны гортсаыс вӧсна да бурӧн мынтысясны бать-мамыслы да пӧль-пӧчыслы. Тайӧ шогмӧ Енмыслы.