Олӧм 43:8 - Коми Библия 2023

⁸ Иуда шуис аслас Израиль батьлы: «Лэдз сійӧс мекӧд, и ми мӧдӧдчам туйӧ. Сэки тшыгъялӧм понда некод оз кув, ми ставным и миян челядьным ловйӧн колям.

Олӧм 43:8 Iomraidhean Croise

Олӧм 42:2

Ме кывлі, мый Египетын эм нянь. Ветлӧй сэтчӧ няньла, медым тшыгнымла эгӧ кулӧй».

Олӧм 42:38

Яков шуис: «Оз мун менам пиӧй тіянкӧд. Сылӧн вокыс куліс, и сійӧ ӧтнасӧн менам колис. Туяс кӧ сыкӧд мыйкӧ лоӧ, ті менӧ, пӧрысь мортӧс, шогӧ вӧйтанныд да кулӧмаяс дінӧ мӧдӧданныд».

Олӧм 44:20

Ми висьталім тэныд, ыджыдӧй, мый миян эм пӧрысь бать. Пӧрысь кадӧ сылӧн чужис медічӧт пи. Пиыс аслас мамсянь ӧтнас коли, кор сылӧн вокыс куліс. Батьным ёна радейтӧ сійӧс.

Олӧм 44:26

Но ми шуим сылы, мый огӧ мунӧй медічӧт воктӧгным, ӧд сытӧг миянлы оз позь локны тэ водзӧ.

Олӧм 45:19

Тшӧкты налы босьтны Египет муысь тарантасъяс, медым вайӧдны челядьнысӧ, гӧтыръяснысӧ да батьнытӧ.

Олӧм 50:21

Энӧ полӧй. Ме кута вердны тіянӧс да тіянлысь челядьнытӧ». Тадзи лӧньӧдіс найӧс, бурӧдіс налысь сьӧлӧмнысӧ.

Олӧм 50:8

Мунісны сыкӧд тшӧтш став сылӧн гортсаыс, вокъясыс да батьыслӧн гортсаясыс. Гошен муӧ колисны сӧмын ассьыныс челядьсӧ да ыж-мӧснысӧ.

Ӧксыяслӧн 4 небӧг 7:13

Ӧксылӧн кесъялысьяс пиысь ӧти шуис: «Мӧдӧдамӧй ассьыным йӧзӧс видзӧдлыны, мый вӧчсьӧ. Найӧ мед босьтасны ловйӧн кольӧм вӧвъяс пӧвстысь вит вӧлӧс. Мӧдӧдӧм йӧзӧс вермасны вины, но найӧ мед оз повны. Найӧс ӧд тшӧтш виччысьӧ кулӧм уна лыда Израиль войтырӧс моз – миянӧс моз, кодъяс колим тайӧ карас, и на моз, кодъяс кулісны нин».

Ӧксыяслӧн 4 небӧг 7:4

Карас кӧ пырам, сэні тшыгйысла кулам, татчӧ кӧ кольччам, тшӧтш кулам. Вай мунамӧй арамейяслӧн сувтанінӧ. Миянӧс кӧ найӧ оз вины, кутам овны, а виасны кӧ – кулам».

Ездра 8:21

Ахава ю дорын ме тшӧкті видзавны, медым раммӧдчыны асланым Ен водзын да корны Сійӧс видзны миянӧс, челядьнымӧс да став эмбур-озырлуннымӧс туяным.

Псалтыр 118:17

Петкӧдлы бурлунтӧ меным, Аслад кесйӧглы, и ме кута овны да видзны сьӧлӧмын Тэнсьыд кывтӧ.

Петӧм 20:12

Пыдди пукты ассьыд бать-мамтӧ, медым [тэныд вӧлі бур да] олӧмыд вӧлі кузь нэма сійӧ муас, мый Господь, тэнад Енмыд, сетас тэныд.

Лыд 14:31

Ныв-пинытӧ, код йылысь ті шулінныд, шедасны пӧ вӧрӧг киӧ, Ме пырта сэтчӧ. Найӧ босьтасны аслыныс сійӧ мусӧ, мый ті ӧтдортінныд.

Индӧд 33:6

Мед олас Рувим чужанкотыр, мед оз кувны Рувимсянь чужысьяс, [Симеон] чужанкотырыс мед уна лыда лоӧ.