Олӧм 43:23 - Коми Библия 2023

²³ Керка кутысь шуис: «Лӧньӧй, энӧ полӧй. Тіян да батьныдлӧн Ен пуктіс сьӧмсӧ тіян мешӧкъясӧ. А няньысь мынтысьӧм сьӧмнытӧ меным сетісны нин». Сэсся керка кутысь вайӧдіс на дінӧ Симеонӧс.

Олӧм 43:23 Iomraidhean Croise

Олӧм 42:24

Ӧсип вешйис на дінысь да бӧрддзис. Сэсся бӧр локтіс да водзӧ сёрнитіс накӧд. Ӧсип босьтіс Симеонӧс да тшӧктіс вокъяслӧн син водзын кӧртавны сійӧс.

Олӧм 42:28

Вокъясыслы шуис: «Видзӧдӧй, менам сьӧмӧй мешӧкын!» Найӧ шай-паймунісны, полӧмпырысь юасисны ӧта-мӧдныслысь: «Мый нӧ вӧчис миянкӧд Енмыс?»

Олӧм 42:36

Сійӧ шуис налы: «Ті воштінныд менсьым пиянӧс! Ӧсипӧй абу, Симеонӧй абу, и Веняминӧс босьтны кӧсъянныд! Став сьӧкыдыс ме вылӧ усьӧ!»

Олӧм 43:14

Ставсӧвермысь Ен мед сетас сійӧ мортыслы бур сьӧлӧм, мед лэдзас Симеонӧс да Веняминӧс бӧр локны тіянкӧд. А меным кӧ шуӧма лоны челядьтӧг, мед лоӧ сідзи».

Олӧм 43:22

Сёян ньӧбӧм вылӧ миян эм на сьӧмыс. Ми огӧ тӧдӧй, коді пуктіс сьӧмсӧ мешӧкъясаным».

1 Каднебӧг 12:18

Сэки Енлӧн Лолыс лэччис Амасай вылӧ, комын тышкамортӧн веськӧдлысь вылӧ, и сійӧ шуис: Ми – тэнад йӧз, Давид, ми тэкӧд, Ессейлӧн пи! Лӧнь олӧм тэныд, лӧнь олӧм тэнад отсасьысьяслы! Тэнад Енмыд отсалӧ тэныд. Давид сибӧдіс локтысьясӧс да пуктіс найӧс веськӧдлыны тышкайӧзӧн.

1 Каднебӧг 12:19

Манассей чужанкотырысь йӧз вуджисны Давид дор, кор Давид филистимсаяскӧд петіс тышӧ Сауллы паныд. Но Давид да сылӧн йӧзыс эз отсасьны филистимсаяслы, ӧд филистимса юралысьяс ас костаныс сёрнитчӧм бӧрын ыстісны Давидӧс ас дінсьыныс. Найӧ шуисны: «Сійӧ вермас вуджны Саул ыджыдыс дінӧ, и ми вермам воштыны ассьыным юрнымӧс».

Ездра 4:17

Ӧксы мӧдӧдіс татшӧм вочавидзӧм: «Гижа Рехум юралысьлы, Шимшай гижалысьлы да налӧн уджъёртъяслы, кодъяс олӧны Самарияын да Авар-Нахараын. Лӧнь олӧм тіянлы!

Лука 10:5

Керкаӧ пыриганыд медводз шуӧй: ”Лӧнь олӧм тайӧ керкаыслы!”

Лука 24:36

Сёрнитіганыс Ачыс Исус сувтіс на шӧрӧ да шуис: «Лӧнь олӧм тіянлы!»

Иоан 14:27

Лӧньлун коля тіянлы. Ассьым лӧньлунӧс сета тіянлы, сійӧ абу муюгыдыслӧн лӧньлун кодь. Энӧ майшасьӧй да энӧ полӧй.

Иоан 20:19

Шойччан лун бӧрын рытнас велӧдчысьяс чукӧртчисны ӧтлаӧ. Иудейяслӧн веськӧдлысьясысь полӧм вӧсна найӧ йигналісны ӧдзӧсъяссӧ. Виччысьтӧг локтіс Исус, сувтіс на шӧрӧ да шуис: «Лӧнь олӧм тіянлы!»

Иоан 20:21

Исус шуис налы мӧдысь: «Лӧнь олӧм тіянлы! Кыдзи Бать мӧдӧдіс Менӧ, сідзи Ме мӧдӧда тіянӧс».

Иоан 20:26

Вежон мысти Исуслӧн велӧдчысьясыс бара вӧліны керкаынӧсь, Фома тшӧтш вӧлі накӧд. Ӧдзӧсъясыс вӧліны йиганаӧсь, но Исус сувтіс на шӧрӧ да шуис: «Лӧнь олӧм тіянлы!»

Ёрдысьяс 19:20

Пӧрысь морт шуис сылы: «Эн шогсьы! Лок, ме тэныд ставсӧ сета, мый колӧ. Энӧ узьмӧдчӧй татчӧ карса изэрд вылас».

Ёрдысьяс 6:23

Но Господь вочавидзис сылы: «Лӧнь, эн пов! Тэ он кув».

Ӧксыяслӧн 1 небӧг 25:6

Шуӧй: ”[Видза олан.] Лӧнь олӧм тэныд, тэнад керкалы да ставыслы, мый тэнад эм.