Олӧм 43:11 - Коми Библия 2023

¹¹ Израиль батьныс шуис налы: «Но мый сэсся вӧчан? Сідзкӧ, босьтӧй да нуӧй тайӧ мортыслы миян муысь козинъяс: мавтасъяс, ма, чӧскыд дука сиръяс, ладан, фисташ да миндаль кольтусьяс.

Олӧм 43:11 Iomraidhean Croise

Олӧм 33:10

«Ог, – шуис Яков. – Ло бур сьӧлӧма ме дінӧ да сибӧд менсьым козинӧс. Ме локті тэ водзӧ, кыдзи Ен водзӧ локтӧны, и тэ бура сибӧдін менӧ.

Олӧм 37:25

Сёйны пуксиганыс вокъяс аддзисны, мый налань локтӧны верблюдъяс. Тайӧ измаил войтыр нуисны Галаадсянь Египетӧ чӧскыд дука сиръяс, мавтасъяс да ладан.

Олӧм 43:10

Эгӧ кӧ ньӧжмасьӧй, кыкысь нин позис ветлыны».

Олӧм 43:14

Ставсӧвермысь Ен мед сетас сійӧ мортыслы бур сьӧлӧм, мед лэдзас Симеонӧс да Веняминӧс бӧр локны тіянкӧд. А меным кӧ шуӧма лоны челядьтӧг, мед лоӧ сідзи».

Олӧм 43:15

Вокъяс босьтісны козинъяс да воддза дорысь кык пӧв унджык сьӧм. Найӧ мӧдӧдчисны Египетӧ, аскӧдныс босьтісны тшӧтш Веняминӧс. Локтісны Ӧсип дінӧ.

Олӧм 43:25

Пажын кежлӧ Ӧсипӧс виччысигмозныс вокъяс перъялісны ассьыныс козинъяссӧ. Найӧ тӧдісны нин, мый кутасны сёйны сэні.

Олӧм 43:26

Кор Ӧсип локтіс, вокъяс сетісны сылы козинъяс да муӧдзыс копыртчисны.

Ӧксыяслӧн 3 небӧг 10:15

Таысь ӧтдор вузасьысьяс, ӧксыув муясын юралысьяс да аравияса ӧксыяс мынтылісны сылы вот.

Ӧксыяслӧн 3 небӧг 10:25

Соломон дінӧ волысьяс вайлісны аскӧдныс козинъяс: эзысь-зарниысь вӧчӧм дозмук-кӧлуй, паськӧм, шыпуртъяс, чӧскыд ӧвтанторъяс, вӧвъясӧс да мулъясӧс. Тадзи вӧлі быд во.

Ӧксыяслӧн 3 небӧг 15:19

«Тэа-меа костын йитӧдным мед лоӧ миян батьяслӧн кодь. Тайӧ эзысь-зарнисӧ ме ыста тэныд козин пыдди. Орӧд израильса Ваас ӧксыкӧд йитӧдтӧ, медым сійӧ ылыстчас менам муысь».

Ӧксыяслӧн 3 небӧг 4:21

Соломон кипод улын вӧлі став муыс Ефрат юсянь Филистим муӧдз да Египетӧдз. Ӧксыяс вайлісны Соломонлы козинъяс да кесъялісны сылы став сылӧн олан лунъяс чӧж.

Ӧксыяслӧн 4 небӧг 16:8

Ахаз босьтіс Господьлӧн крамысь да ӧксы керкаса озырлун видзанінъясысь став эзысь-зарнисӧ да ыстіс ассурса ӧксылы козин пыдди.

Ӧксыяслӧн 4 небӧг 20:12

Сійӧ кадас вавилонса Меродах-Валадан ӧксы, Валаданлӧн пиыс, тӧдмаліс Езекейлӧн висьмылӧм йылысь. Та вӧсна сійӧ мӧдӧдіс Езекейлы гижӧд да козинъяс.

Ӧксыяслӧн 4 небӧг 8:8

Ӧксы шуис Азаиллы: «Босьт аскӧдыд козин да ветлы Енлӧн морт дінӧ. Сійӧ мед юалас Господьлысь, бурда-ӧ ме тайӧ висьӧмсьыс».

Эсфир 4:16

«Мун да чукӧрт Суза карысь став иудейсӧ. Видзалӧй ме вӧсна. Энӧ сёйӧй да энӧ юӧй куим лун и куим вой чӧж. Аслам кесйӧг аньяскӧд ме тшӧтш кута видзавны. Та бӧрын ме муна ӧксы дінӧ, мед кӧ тайӧ лоӧ индӧд торкӧм. Ковмас кӧ кувны, кула».

Псалтыр 68:29

Налысь нимъяссӧ мед лоӧ вуштӧма Олӧмыслӧн небӧгысь, найӧс мед оз ло гижӧма веськыда олысьяс лыдӧ.

Псалтыр 72:10

Лёк вӧчысьяс дінӧ бергӧдчӧ тшӧтш Енлӧн войтырыс, ва моз пӧтлытӧг юӧ налысь лёк кывъяссӧ.

Псалтыр 76:11

Ме шуи: «Ыджыд шог меным, ӧд Медвылыссаыс оз нин кутышт менӧ Аслас кинас».

Петӧм 3:8

Та вӧсна Ме локті мездыны найӧс египетсаяслӧн кипод улысь. Ме петкӧда найӧс сійӧ мусьыс да нуӧда бур паськыд муӧ, кӧні визувтӧ йӧв да ма, – ханаансаяслӧн, хеттейяслӧн, аморейяслӧн, перезейяслӧн, [гергесейяслӧн,] хивейяслӧн да евуссаяслӧн муӧ.

Шусьӧгъяс 17:18

Вежӧртӧм мортыд кыв сетӧ – мӧдлысь уджйӧзсӧ мынтыны кӧсйысьӧ.

Шусьӧгъяс 18:16

Вежӧра мортлӧн сьӧлӧмыс тӧдӧмлунсӧ аддзӧ, мывкыд мортлӧн пельыс тӧдӧмлунсӧ корсьӧ.

Шусьӧгъяс 19:6

Унаӧн леститчӧны нималана йӧз водзын, козин сетысьыдлы быдӧн ёрт.

Шусьӧгъяс 21:14

Гусьӧн сетӧм козин кусӧдӧ лӧглун, питшӧгысь сетӧмтор лӧньӧдӧ ыджыд скӧрлун.

Сьылан 4:10

О, кутшӧм юмов тэнад муслуныд, чоюкӧй-гӧтырпуӧй! Тэнад муслуныд вина дорысь на чӧскыд! Тэнад мавтасыд став быдмӧгсьыс на чӧскыда ӧвтӧ.

Сьылан 4:14

нард да шафран, имбир да корица, чӧскыд дука пуяс, смирна да алоэ – став медбур ӧвтанторйыс.

Сьылан 8:14

– Тэрмась, мусукӧй, котӧрт газель моз, котӧрт том кӧр моз чӧскыда ӧвтысь керӧсъяс вывті.

Еремей 8:22

Галаадын ӧмӧй абу бурдӧдчан выйыс, сэні ӧмӧй абу бурдӧдысьыс? Мыйла менам войтырлӧн оз бурдны дойясыс?

Езекиль 27:15

Дедансаяс да діяс вылын олысь войтыръяс вузасисны тэкӧд. Найӧ мынтысьлісны тэныд слӧн лыӧн да эбен пуӧн.

Езекиль 27:17

Иуда да Израиль муяс ньӧбасьлісны тэнсьыд. Найӧ мынтысьлісны тэныд миннитса шобдіӧн, юмовторъясӧн, маӧн, олив выйӧн да чӧскыд мавтасъясӧн.

Езекиль 27:22

Саваса да рамаса вузасьысьяс ньӧбасиганыс мынтысьлісны тэныд медбур чӧскыд ӧвтанторъясӧн, дона изъясӧн да зарниӧн.

Левит 20:24

А тіянлы Ме шуи, мый ті босьтанныд налысь мусӧ. Ме сета тіянлы му, кӧні визувтӧ йӧв да ма. Ме – Господь, тіян Енныд. Ме торйӧді тіянӧс мукӧд войтыръясысь.

Ап. уджъяс 21:14

Павелӧс кутны ми эгӧ вермӧй, сэки лӧнь сьӧлӧмӧн шуим: «Мед лоас Господьлӧн кӧсйӧм серти».

Индӧд 33:14

медбурнас, мый шонді югӧр улын быдмӧ, мый быд тӧлысьӧ петӧ-быдмӧ,

Ӧксыяслӧн 1 небӧг 25:27

Ыджыдӧй, тайӧ козинъяссӧ ме, тэнад кесйӧг, вайи тэныд да тэнад кесйӧгъяслы.

Ӧксыяслӧн 1 небӧг 9:7

Саул воча шуис кесйӧгыслы: «Мунам кӧ, мый ми сетам сылы? Нянь нопным куш, весиг козинтор абу, мед сетны Енлӧн мортлы. Мый миян эм?»