Олӧм 42:28 - Коми Библия 2023

²⁸ Вокъясыслы шуис: «Видзӧдӧй, менам сьӧмӧй мешӧкын!» Найӧ шай-паймунісны, полӧмпырысь юасисны ӧта-мӧдныслысь: «Мый нӧ вӧчис миянкӧд Енмыс?»

Олӧм 42:28 Iomraidhean Croise

Олӧм 27:33

Исаакӧс повзьӧмысла дзӧрӧм босьтіс, сійӧ шуис: «А коді нӧ тэӧдз вайис меным пӧтка яйсӧ? Ме сёйи да бурсии сійӧс! Сійӧ и лоӧ бурсиӧманас».

Олӧм 42:29

Вокъяс локтісны Ханаан муӧ асланыс Яков бать дінас да висьталісны став лоӧмтор йывсьыс. Найӧ шуисны:

Олӧм 42:36

Сійӧ шуис налы: «Ті воштінныд менсьым пиянӧс! Ӧсипӧй абу, Симеонӧй абу, и Веняминӧс босьтны кӧсъянныд! Став сьӧкыдыс ме вылӧ усьӧ!»

Олӧм 43:23

Керка кутысь шуис: «Лӧньӧй, энӧ полӧй. Тіян да батьныдлӧн Ен пуктіс сьӧмсӧ тіян мешӧкъясӧ. А няньысь мынтысьӧм сьӧмнытӧ меным сетісны нин». Сэсся керка кутысь вайӧдіс на дінӧ Симеонӧс.

Ӧксыяслӧн 3 небӧг 10:5

аддзыліс, кутшӧм озыр Соломонлӧн пызаныс, кыдзи кесъялӧны, олӧны да пасьтасьӧны сылӧн йӧзыс, кесйӧгъясыс да вина кисьталысьясыс. Аддзыліс тшӧтш пемӧсъясӧс, кодъясӧс Соломон вайис сотан вись пыдди Господьлӧн крамын. Ёна шензьӧмӧн ӧксы-ань

Псалтыр 61:2

Сӧмын Енмыс сетӧ менам ловлы лӧньлунсӧ, Сысянь воӧ меным мездмӧмыс.

Сьылан 5:6

Ме восьті ӧдзӧсӧс мусукӧйлы, но сійӧ, вӧлӧм, бӧр нин мунӧма. Таысь сьӧлӧмӧй кувмӧн жугыльтчис. Ме сійӧс корси, но эг аддзы, чуксалі, но сійӧ эз вочавидз.

Исай 45:7

Ме вӧча югыдсӧ и пемыдсӧ, Ме мӧдӧда бурсӧ и лёксӧ. Ме, Господь, вӧча ставсӧ тайӧс.

Бӧрданкыв 2:17

Господь вӧчис, мый кӧсйис, збыльмӧдіс Ассьыс кывсӧ, важысянь шуӧмсӧ. Сійӧ жалиттӧг бырӧдіс тэнӧ, вӧрӧглы лэдзис нимкодясьны, тэнӧ мустӧмтысьясӧс вылӧ кыпӧдіс.

Бӧрданкыв 3:37

Кодлӧн шуӧмыс инӧ? Оз-ӧ Господьлӧн, коді тшӧктӧ иннысӧ?

Левит 26:36

Тіян пӧвстысь ловйӧн кольӧмаяс кутасны овны вӧрӧглӧн муын. Сэні Ме тіян сьӧлӧмӧ пукта полӧм. Коръяслӧн кышакылӧмысь ті пышъянныд шыпуртысь моз да усянныд, кӧть вӧтӧдысьыс оз ло.

Амос 3:6

Карас кӧ кылӧ буксан шы, войтырыс ӧмӧй оз повзьы? Суас-ӧ карӧс шог, оз кӧ Господь тайӧс лэдз?

Лука 21:26

Енэжвыв вынъяс вӧрзясны, сьӧкыдлунъяс суӧмысь йӧзыс повзьӧмнысла садьсӧ воштасны.

Индӧд 28:65

Тайӧ войтыръяс пӧвстын тіянлы оз ло лӧньлуныс, оз ло кокныдлы шойччӧгыс. Господь вӧчас сідз, мый сьӧлӧмныд пондас тіравны, синныд пемдас и ловныд нюкыртчас.