Олӧм 42:10 - Коми Библия 2023

¹⁰ Найӧ шуисны сылы: «Эгӧ, ыджыдӧй. Ми, тэнад кесйӧгъяс, локтім сёян ньӧбны.

Олӧм 42:10 Iomraidhean Croise

Олӧм 27:29

Войтыръяс мед кесъяласны тэныд, чужанкотыръяс мед копыртчасны тэныд. Вокъясыд вылын ло ыджыдӧн, мамыдлӧн пияныс мед копыртчасны тэныд. Тэнӧ ёрысьясӧс лоӧ ёрӧма, тэнӧ бурсиысьясӧс лоӧ бурсиӧма!

Олӧм 27:37

Исаак вочавидзис: «Ме пукті сійӧс тэ вылын ыджыднас. Вокъяссӧ сеті сылы кесйӧгӧ. Сеті нянь да вина. Мый ме верма сетны тэныд, пиӧй?»

Олӧм 37:8

Вокъяс шуисны: «Тэ ӧмӧй лоан миян ӧксыӧн? Збыль ӧмӧй тэ кутан ыджыдавны миян вылын?» Ӧсиплӧн вӧтъясысь да сёрниысь найӧ нӧшта на ёнджыка пондісны мустӧмтны сійӧс.

Олӧм 42:11

Ми ставным ӧти батьлӧн пиян, и ми огӧ ылӧдлӧй. Ми абу кыйӧдчысьяс».

Олӧм 44:9

Кодлысь аддзан дозмуксӧ, сійӧс верман вины. А ми, ыджыдӧй, ставным кесйӧг туйӧ тэныд лоам».

Ӧксыяслӧн 3 небӧг 18:7

Авдийлы туй вылас паныдасис Илля. Авдий тӧдіс сійӧс. Муӧдзыс копыртчӧмӧн Авдий шыасис: «Тэ-ӧ тайӧ, Илля, менам ыджыдӧй?»

Ӧксыяслӧн 1 небӧг 26:17

Саул тӧдіс Давидлысь гӧлӧссӧ да юаліс: «Тэнсьыд-ӧ гӧлӧс шытӧ кыла, Давид пиӧй?» Давид вочавидзис: «Менсьым, ӧксыӧй-ыджыдӧй».