Олӧм 39:14 - Коми Библия 2023

¹⁴ Ань чукӧстіс кесйӧгъяссӧ: «Видзӧдлӧй, верӧсӧй босьтіс еврейӧс, а ӧні сійӧ тешитчӧ миян вылын. Сійӧ локтіс ме дінӧ, кӧсйис узьны мекӧд, но ме куті горзыны,

Олӧм 39:14 Iomraidhean Croise

Олӧм 10:21

Симлӧн, Яфетлӧн ыджыд вокыслӧн, тшӧтш вӧліны пиян. Сим лои Эверсянь чужысьяслӧн батьӧн.

Олӧм 14:13

Пышйӧмаяс пӧвстысь ӧти морт локтіс еврей Ӧврам дінӧ. Ӧврам сэки оліс Мамре нима аморейлӧн тупу раскын. Мамре вӧлі Эшколлӧн да Анерлӧн вокыс. Найӧ вӧлі кӧрталӧмаӧсь йитӧд Ӧврамкӧд.

Олӧм 39:13

Ань аддзис, мый Ӧсиплӧн паськӧмыс сылӧн киас, а Ӧсип пышйӧма.

Олӧм 39:15

и сійӧ менам горзӧмысь котӧрӧн пышйис, весиг ассьыс паськӧмсӧ колис».

Олӧм 39:17

Сэсся висьталіс верӧсыслы: «Еврей кесйӧгыд, кодӧс тэ вайӧдін миян ордӧ, воліс менӧ янӧдны. [Шуис меным, вода пӧ тэкӧд.]

Олӧм 39:7

Потифар ыджыдлӧн гӧтырыс чӧвтіс синсӧ Ӧсип вылӧ. Сійӧ шуис Ӧсиплы: «Узь мекӧд».

Олӧм 40:15

Менӧ ӧд гусялісны еврейяслӧн муысь. Тані олігӧн ме эг вӧч сэтшӧм лёксӧ, мыйысь колӧ йӧршитны дзескыдінӧ».

Псалтыр 120:3

Сійӧ оз сет лигышмунны тэнад кокыдлы, тэнӧ Видзысь оз вуграв.

Псалтыр 35:11

Енмӧй, нюжӧд Ассьыд буралӧмтӧ Тэнӧ тӧдысьяс дінӧ, петкӧдлы Ассьыд веськыдлунтӧ сӧстӧм сьӧлӧмаяслы.

Псалтыр 55:3

Мустӧмтысьяс быд лун кӧсйӧны бырӧдны менӧ. Медвылыссаӧй, ме вылӧ усьласьысьыс вывті уна!

Шусьӧгъяс 10:18

Лӧгалӧмсӧ дзебысь пӧръясьӧ, суклясьӧмсӧ паськӧдысь – вежӧртӧм.

Исай 51:7

Кывзӧй Менӧ, веськыда олысьяс, ті, кодъяс видзанныд сьӧлӧманыд Менсьым Индӧдӧс. Энӧ полӧй йӧзлӧн омӧльтӧмысь, налӧн лёкӧдӧмысь энӧ повзьӧй.

Исай 54:17

Но ни ӧти тышкасянтор, мый вӧчӧма тэныд паныд, оз вермы тэнӧ. Быдӧнӧс, коді мыжалӧ тэнӧ, тэ ачыд мыждан. Тадзи лоӧ Господьлӧн кесйӧгъяскӧд. Ме вӧча найӧс веськыдӧн, – висьталӧ Господь.

Езекиль 22:5

И орчча и ылі муясын олысьяс кутасны серавны тэ вылын. Тэ ассьыд нимтӧ пежалін, шызьӧмӧн тырӧм кар.

Матвей 26:59

Аркирейяс, юрнуӧдысьяс да став веськӧдлан котырыс корсисны Исуслы паныд ылӧгвисьталысьясӧс, медым сэсся мыждыны да вины Сійӧс.

Матвей 5:11

Ті шудаӧсь, Ме вӧсна кӧ тіянӧс лёкӧдӧны, вӧтлӧны да быд ногыс омӧльтӧны-суклялӧны.

Лука 23:2

Найӧ мыжалӧмӧн висьталісны: «Ми аддзылім, мый тайӧ Мортыс шызьӧдӧ миянлысь войтырӧс, ӧлӧдӧ кесарлы вот мынтӧмысь, асьсӧ ыдждӧдлӧ ӧксыӧн да Кристосӧн».

2 Коринфӧ 6:8

Ми дасьӧсь сибӧдны ошкӧмсӧ и янӧдӧмсӧ, нимӧдӧмсӧ и лёкӧдӧмсӧ. Миянӧс лыддьӧны пӧръясьысьясӧн, но ми веськыда сёрнитам.

1 Петыр 2:20

Тіянӧс кӧ нӧйтӧны мыж вӧчӧмысь да ті терпитанныд тайӧс, сэки мыйысь тіянӧс ошкынысӧ? Но ті кӧ сьӧкыдаланныд бурсӧ вӧчигӧн да терпитанныд тайӧс – тайӧ шогмана Енмыслы.